نووني نجد :

مساء الخير حبايبي كيفكم و أخباركم أنا الحمدلله وضعي تمام التمامو على كلامهم لي إنه راح أطلع الجمعة بإذن الله 😈😈😈 بس عسى ما يقولون تحجرين نفسك زوووود طفشت و هي كلها كم يوم يا رب صبر و عظم أجر أصحاب الأمراض المزمنه المنومين في المستشفيات و عجل بشفاءهم طبعا هنا في الحجر كأنه مسافرة بس بدون طلعات و تمشيات الفندق حلو و نظيف و ما يقصرون كل شي متوفر و كل صباح يشيكون على حرارتي و مستوى الأكسجين عندي و مسموح لي أطلب من برى طبعا هم قالوا لي و شرحو لي أعراض الكورونا تقريبا ١٢ عرض و أنا جاءتني منها ١٠ و أهم عرضين الحرارة و ضيق التنفس و الكتمه هي اللي يحرصون عليها عشان كذا حطوني في الحجر الصحي عشان ضيق التنفس لأنه لازم يوميا يشيكون عليه عشان البيبي ما ينقص عليه و الحمدلله كانت بسيطة تصدقون قبل ١٥ سنه و أنا عروس منحوسه أصبت بحمى الضنك يا ويلي يا بنات بغيت أمووووووت منها شهر كامل تعبانه طايحه بالفراش و أعراضها ضعف أعراض الكورونا عشر مرااااات عشان كذا لما جاءتني الكورونا ما توقعت إنها هي لأنه في بالي أشد من حمى الضنك بس الحمدلله هي تعتمد على مناعة و قوة و صحة الجسم عكس حمى الضنك ماعنده تفاهم يصيب الكل بنفس الأعراض بس عيب الكورونا العدوى سريعه جدا و حمى الضنك لازم يكون قارصك ناموس حامل للفايروس و ميزته غير معدي للآخرين معليش قرقرت كثير بس حبيت شوي أطمنكم إنه درجات الإصابة تتفاوت و ما تجي للكل بنفس الخطورة بس شي واحد قهرني في الحجر ما عندهم فحوصات و تحاليل يقولون بس نتابع الحرارة و التنفس قلت بأطمئن على الجنين و اشوف تحاليل الدم و البول و السكر قالوا اذا طلعتي انتي تتابعين أو تواصلي مع دكتورتك عاد للأسف ماعندي رقمها و فكرت أكلم بنت جيرانا دكتوره نساء معروفة بس مستحيه منها ☺️☺️☺️☺️☺️مرررره رغم انها حبيبه و تجنن و عسل بس الحياء بيقطعني سدحت لكم جديدي و بأقرا جديدكم و يا رب كله يكون خير و راحه بال و صحه و عافية 😘❤️

مساء الخير حبايبي كيفكم و أخباركم أنا الحمدلله وضعي تمام التمامو على كلامهم لي إنه راح...

أنا لانا :

سبحان الله البنج النصفي عجيب اللي تدخل عمليه بنج نصفي واول مرا لازم تعرف بعض المعلومات عشان لا يجيها خوف تحسين اهم ايش يسوون بس ما تحسين بألم يعني ادري انه الحين يفتح بطني الحين ادري ان يده جوا يوسع الجرح شوي فهمتي علي انا العمليه الاولى انهرت صياح من الخوف الثانية عرفت السالفه والحمد لله هادية ولا نوموني وشفت بنتي لما طلعت بس لمّا عطوني اياها دفيتها استغربت الممرضه بس والله ماكنت ابي اتعلق فيها ادري انها مريضه

سبحان الله البنج النصفي عجيب اللي تدخل عمليه بنج نصفي واول مرا لازم تعرف بعض المعلومات عشان لا...

shath :

مساء الخيرات 🌺 اليوم منسدحة على جنبي اليمين وكحيت مسكني الم باسفل بطني اليمين فظيع اكنه شي يتشقق صرخت وحسيت الدوخة مسكت وياي مافك لين قمت مشيت شوي 😢😢 وش ذا وخاصة هالايام ماسكتني كحة ناشفه مدري وش جايبها 😭 بالنسبة للتجهيزات للان مابعد اشتريت ولاطلبت شي واهلي حالفين ماانزل وهم بيجهزون ❤️

مساء الخيرات 🌺 اليوم منسدحة على جنبي اليمين وكحيت مسكني الم باسفل بطني اليمين فظيع اكنه شي يتشقق...

E v a :

اخ ياربي انا مثلك وجع الظهر معي له اسبوع واليوم عاد زاد عن حده ماقدرت انام امي تقول لي انتي ماتنسدحين دايم جالسه واذا جلست جلستي غلط احط مخاد وراي واصير كاني منسدحه على ظهري والجنين ثقل الحين يارب يكون هذا السبب مو التهاب لان فيني رعب من الالتهاب 😔💔

اخ ياربي انا مثلك وجع الظهر معي له اسبوع واليوم عاد زاد عن حده ماقدرت انام امي تقول لي انتي...