✨🍼التجمع الـ ( 15 ) لأمهات مواليد مايـ..5..ـو & يونيـ..6..ـو🍼✨2016

مشاركه من العضوه جنان الورد
عن تفريز اكلات النفاس
طرق لفرزنه بعض الأكلات للنفاس ..
* فرزني دجاج مسلوق فقط مع ماء وملح
*وفرزني بطاطس مقطع قطع كبيره باكياس
*وفاصولياء البيضاء جداً مفففيده ي بنات بالنفاس تفرزن
*واللحم قبل الولاده حتى يسهل عليك يقطع الى قطع صغيره حتى يسهل نضجه وجهزي باكياس مقدار الكميه يومياً
*اشتري قرصان جاهز وضعيه بالفريزر
*الكشنه فرززرنيها مهمه تسهل عليك كثير بس بدون ثوم وبهارات ( وبنزل صوره للفرزنه )
.....
السليق يفضل فرزنه كميه تكفي لمدة 3 ايام ( يعني كل 3 ايام تسوي كميه ) لمن تطلعيه ويفك حطي عليه حليب مغلي
او خليه بالثلاجه تحت وتاخذي الكميه اللي تكفيك منه وتسخنيه مع الحليب
ويؤكل مع خلطة الفلفل الاسود والابيض مفيد وسوي معاه ايدام دجاج او فاصوليا
( فترة الغداء )
والجريش مثل طريقة السليق
من الدجاج المسلوق وكشنه وفاصولياء جهزيه اايدام بعد مايخلص قطعي عليه خبز برّ او قرصان جاهز وبالعافيه ( لفترة الغداء )
،،،
مكرونه بقدر الكاتم مع قطع الدجاج المفرزن + بطاطس وكشنه )
???*. المطازيز .. مهمه تكون فترة العشاء
الطريقه ( دقيق بر سوي عجينتك المعتاده وشكليهن دوائر وطبعيها بالآله و اتركيها تبرد وبعدها فرزنيه بعلب او اكياس ع حسب الكميه اللي تستخدم يومياً )
( وبنزل صورة الآله وصورة العجينه بعد التشكيل)
*طريقة المطازيز ( بقدر الكاتم تضعين الكشنه وعليها قطع اللحم والمطازيز والبطاطس ومويا مغلي قفلي عليه حتى ينضج )
:::::::::::
الابتعاااد عن الكبسيه نهائياً لاتفيد وتكبر الكرش
والابتعاد عن الحبحب الشمام الكوسا والقرع الباميا الملوخيه الليمون يعني اي حاجه تحسي فيها لزوجه او رطبه او حامضه ابتعدي عنها
:::::
الشوربات ( العدس و الشوفان وشوربة الماش جداً مفيده )
العريكه والفريك وخبز الصاج مع سمن بري ( للفطور )
الفطور دايماً خليه بالدقيق البر يكون فطورك بدري مع الحلبه بالعشرين الأولى ....!
و على الساعه 10 تاخذي بيض مسلوق مع توست برّ
وخلي جنبك على طول خبز او توست برّ اول ماتحسي بجوع تاكلي منه ( لان الجوع ماينفع لك ابداً بهالفتره )
وان شاء الله يستفيد الجميع
دعواتكم
,,,,,,,,,
مشاركه بنظام نفاس
من الـعضوه فوق الغيوم احلامي
بالنسبه لااعشاب النفاس
انا ماافضل الاعشاب اللي في الانستقرام لان مااضمن هل هي نظيفه او لا او يمكن مطوله عند صاحبتها عشان كذا راح اجهزها بنفسي بس راح اجيبها ع بداية التاسع ان شاء الله
وراح اكتفي بالتالي:
1:الحلبه/ وكلنا نعرفها وضروريه للنفاس وفوائده مره حلوه
2:اليانسون /بعد هو حلو ويعتبر مسكن للمغص
3:الحبه السوداء/ راح اخذها مع العسل واللكل يعرف انها شفاء من كل شي الا الموت كما جاء في حديث الرسول صل الله عليه وسلم
4:الرشاد او (الثفاء)/ جدا حلو ينظف الرحم والافضل يؤخذ في الايام الاخيره من النفاس عشان يوقف الدم لو اخذتيه في بداية النفاس
5:الزنجبيل /حلو تاخذينه وتطحنينه واستخدميه مع الحليب وبرضو الزنجبيل الاخظر ابشريه وحطيه بالثلاجة حقة الشاهي وصبي عليه مويه مغليه وخليه خمس دقايق واشربي منه
6:المر /طبعا ضروري من اول ماتولدي تاخذين منه لان يعتبر زي المضاد طبعا لما تجهزين شنطة البيبي خليك مجهزه علبة مويه صغيره فاضيه حطي فيها كم حبه ووقت ماتروحي تولدي حطي عليها مويه وبعد الولاده شمي منها واشربي شوي يعني ملا الغطاء ولما تطلعي البيت ظل خذي قطعه صغيره وحطيها في الفنجال اللي تشربين فيه القهوه وظل صبي قهوه وتقهوي انا كنت اسويها لما يجوني ضيوف
7: قشر القهوه/ الافضل تعتمدينها بدال القهوه العاديه لانها مفيده للنفاس وفوائدها الاغلبيه تعرفها وتقدرون تبحثون عن فوائدها في النت
طبعا فيه خلطات ولهومات كثيره لو تبحثين في النت بس هذي تقريبا افضلها واحسنها خاصه انها اشياء تقدرين تسوين لك جدول وتستخدمينها ع حسب يومك انهايعني ماهي كثيره
برضو حابه اضيف لكم فكره وهي كالتالي لما تروحي تولدي ان شاء الله وبعد ماعاد تطلعي بالتنويم تكوني موصيه زوجك يجيبلك ثلاجة حقت الشاهي ويحط فيها ملعقه حلبه +يانسون ويصب عليها مويه مغليه ويجييبها لك او اي احد وتشربين منها لان تكونين ذاك الوقت محتاجه اشياء دافيه تشربينها وبرضو تستفيدين منها
وهذا بالنسبه للاعشااااااااااااب اتمنى اكون افدتكم بشي بسيط بالنسبه لي هذي اللي راح استخدمها ان شاء الله ع خير ماراح اخربط ع نفسي خلطات واعشاب مادري كيف شكلها وسلامتكم
،،،،،،،،،،،،،،،
مشاركه من العضوه جنان الورد
عن خلطات النفاس
خلطات للنفاس مهمه ومفيده ومجرررربه
1/ اول عشرين يوم ( يخلط في علبه ماش و حلبه مطحونات ) يؤخذ ملعقه ع الريق مع كأس حليب وملعقه مساء قبل المغرب
ملاحظه ( الماش يحمس قبل الطحن )
.....
2/ طريقة تنظف اللي بالرحم من مويات وافرازات ودم ممتاززززه
ع الريق اول ما تصحين من النوم والبطن فاضي الصبح يومياً !!
ملعقه كبيره عسل ( أصصلي) مع 5 حبات حلبه ، وبرأس ملعقه صغيره رشاد مطحون ، وبراس م ص كمون مطحون ، وكسرة مرّه قد حبة الحمص تدق لما تصير بودره ، يخلطون مع العسل وتؤكل ويشرب بعدها كأس مويا دافيء يميل للحراره ( الكميه كل يوم تسوى جديده وتعجن بنفس الوقت ) رووووعه تنظف
( العشرين الأولى )
.........
3/ خلططه ممتازه للتضييق وتنظيف الرحم وخروج الهواء ..
زنجبيل مطحون وفلفل اسود وفلفل ابيض ، تطحن بمقادير متساويه و تخلط مع بعض وتوضع بعلبه وتؤخذ منها ملعقه صغيره مع الحليب او توضع مع الأكل تنظف الرحم وتضيق وتبعد الهواء
.......
4/ القرفه تنزل الدم ... اليانسون والكمون زين للغازات ونفخ البطن ..
....
5/ يعجن تمر مع سمن وحبة سوداء وشمر وفلفل اسود مطحون وحب رشاد حب ويكون قليل
وبالعشرين الاخيره تزيدي الرشاد وتؤخذ مع القهوه او عند الجوع ( كل الأربعين )
.......
6/ العنزروت ينقع بعلبة مويا كبيره ويوضع بالثلاجه ويشرب يومياً كوب بعد مايدفىء
العشرين الأخيره .. تترك الحلبه والماش ويستخدم بديل عنها
..
( المردود ) شوفي وحده معالجه ثقه وخوذي منها علبه كبر علب حليب الاطفال واللي بتسمن تاخذ علبتين ( لأنه يسمن )
تؤخذ ملعقه صباحاً ع الريق مع حليب وملعقه مساءً
واللي تبي وزنها يزيد تاخذ ملعقتين ص وملعقتين مساءً
....
الطبيخه مهمممه تسوينها كل عصر وتشربين منها تدفئ الرحم ( كل وحده تسويها ع طريقتها والأعشاب اللي تفضلها )
الغسول
1/ يغلى مويا ويوضع ع المرّه ف علبه
2/ يوضع قشر رمان ومويا ع النار حتى يغلي اذا برد يوضع في علبه ويستخدم ...
الطريقه .. قبل الاستخدام حطي بعلبه من الغسول وشوي مويا حار حتى يكون دافيء ويستخدم ( لاتستخدميه وهو بارد )
العلب ضعيها بدورة المياه تكرمون حتى تكون أمامك ...
....
بنات رقم 2 تقدرون تستغنين عنها بس رقم 1 مهمه
ورقم 3 و 5 و 6 والطبيخه مهمات
وكلها تجهزينها بأول التاسع وتعلبينها
قلت عادي تستغنين عن 2 لانها شغلتها يومياً بتسوين كميه ع اللي بتاكلينه وتقدرين مو يومياً لو 3 مرات بالاسبوع
ان شاء الله يكون واضح الشرح
،،،
مع العسل فقط حبات من الرشاد
ولو ماتبين الرشاد تقدرين تستغنين عنه
والتمر مع الرشاد والشمر والحبه السوداء تقريباً كميه التمر تكون علبه كبيره المربعه وأعجني التمر مع السمن والرشاد بيكون ملعقه كبيره مع التمر ف ماراح يكون كثير بالعشرين الاولى ، كميه قليله
والتمور جداً مهم واذا ماتبين رشاد عادي حطي شمر وحبه سوداء فقط
م يغسل الرشاد م يحتاج
لانه فعلاً اذا جاه مويا صار لزج ، ف لاتغسليه
رقم 3 مهمممه لكل الأربعين حطيها مع الاكل المرقوق الايدامات وغيره ..
رقم 4 عادي اي وقت تشربينها انا كتبتها بس عشان تكون واضحه لايش هي وتقدرين تضيفينها مع الطبيخه
6 العنزروت خليه بعد اكلك الظهر بساعه يشرب دافيء .. من اول الاربعين حتى تطهرين ع حسب كل وحده
،،،
كل الطرق هنااا مجرررربه والله ع ما اقول شهيد ،
لا احتاج الشكر
فقط احتاج منكم الدعاء في ظهر الغيب
، واحتفظوا فيه بالملاحظات وأرسلوا لصحباتكم الله يجعله مفيد لنا جميعاً
،،،،،،،،،،،،،،،
نظام نفاس اخذتو من النت
يقولو كويس
،،،
اولآ هذي الخلطه لـ 20 يوم الاولى وتنظف الرحم
وهي عباره من :
كوب حلبه + نص كوب حبه سوداء غير مطحونه + فنجال حبه حلوه مطحونه
ملعقه كبيره قرنفل مطحون
وتحطيه ببرطمااان وكل يوم بالصباح تاخدي مقدار ملعقه طعام وتحطيه
مع الحليب وتحليه بعسسل .. وهالخلطه الـ 20 يوم الاولى بالنفاس وبالصباح ..
،،
ثانيآآ اللهوم وتسمى (( بالخمس فناجيل )) فائدتها تبعد الرطوبه والمويات
ومكوناتها :
محلب + كمون + عويدي + رشاد حب + فلفل اسود
وكلوو مطحون ماعداا الرشاااد يكون حب والمقدااار قد فنجان القهوه من كل نوع
وتجمعيه بعلبه خاصه ويستخدم مرتين ..
قبل الفطور وقبل العشى وطريقتها تاخديها ع الريق وتشربي وراه على طول حليب دافي
واذا عندك بواسير يفضل انك تاخدي نص فنجال عويدي ونص فنجال فلفل اسوود
،،
ثالثآ قشر القهوه ينظف الرحم ويطرد الاوساخ ويشيل الكرووشه
ومكوناتها : قشر قهوه مقدار قبضة اليد تحمسيه ع النار وبعدين تحطيه بالغلايه
وتضيفي عليه 6 او 7 تمرات للتحليه وشوية سكر اذا حابه
واذا تشربيه بدون تحليه برضوو افضل ..
وتضيفي عليه قرفه مجرووشه او ممكن تاخدي عود قرفه وتكسريها بالغلايه بدون طحن
وتخليه يغلي لمده 15 دقيقه وبعدين تقفلي النار وتحطيه بالترمس الخاص
ولاتنسي تجهزي الزنجبيل الطازج المبشور مقدار ملعقه او حسب الرغبه وتحطبه بالترمس
وبعدين تصبي عليه قشر القهوه
وتشربيه مثلآ العصريه مع تمرة النفاس وهي تمره زي المعجون
،،،
طريقة تمرة النفاس ..
مكوناتها :
تمر معبوط الي هو المعجون + اصبع زبده + رشاد
وتطحني الرشاد بكميه بسيطه يعني اقل من ربع كيلو
وبعدين تذوبي الزبده ع النار واذا كانت التمره كبيره اقسميها من النص
واستخدمي نصها ووبعدين حطي الرشاد فوق التمر وصبي فوقو الزبده
شوي شوي واقعدي اعجني فيه لين يتماسك وبعدين كوريها زي الكوره
وحطيها ببرطمان خاص وكليه مع قشر القهوه او بالفطور وبأي وقت
وممكن تعملي كميه كبيره ووتحطيه بالفريزه وكل ماتبغي تطلعيهاا وتسخنيه بالمكرويف
،،شاي النفاس
وتشربيها كل يوم لمدة اسبوعين
مكوناتها :
قرفه ونعناع وزنجبيل وكمون تعمليه مثل الشاي
وتوضع بترمس
،،،ولاتنسي الفلفل الاسود تحطيه مع الاكل لانو ينظف الرحم ويقويه
،،،،،،،،،،،،،،،
مشاركه من العضوه شيراز
في برنامج نفاسها
برنامج للنفاس بإذن الله.
بس قبل كل شيء مو كل وحده يناسبها يعني اللي يناسبني مو شرط يناسب غيري هذه اشياء مناسبتني في بعضكم عندها حساسيه من اي هذه الاشياء يعني اخلي مسؤوليتي

اولاً اكلم ممرخه انا متعامله معاها واشوف متى الوقت المناسب اللي تجيني فيه وتسوي لي مساج وعندهم ذرق عشان تنزل الدم الفاسد وانتم بكرامه وكذا

نبدء /الصباح مع الفطور كوب حليب معاه ملعقتين صغيره سفوف عباره عن -كوب حلبه مطحونه ونص كوب حبة البركه وفنجان حبه حلوه وملعقه كبيره قرنفل مطحون- طحنتها كلها وحطيتها بعلبه مع بعض .
الشيء الثاني قهوة النفاس الضحى او اي وقت
اللي هي قشر مطحون كمون مطحون حبه البركه يانسون وشمر ونانخه وقرفه طحنتها كلها ووقت م ابي اخذ المقدار اللي ابيه مثلًا ملعقتين كبيره مع ثلاث كاسات ماء مغلي واخليها ع النار عشره دقايق واشربها مع تمر بالثفى او مع زبيب اسود او تين مجفف
طبعًا بعد الغداء يجي وقت الشاي عباره عن
شاي اخضر زنجبيل نعناع ورمان جاف تحطين ملعقه من خليط هالاشياء مع كوب ماء مغلي وتخليه شوي وتصفينه وتشربيه .
وفي مشروبات باي وقت تحبي مثلًا حلبه وحده او يانسون وحده او ميليسا يعني كل هالاعشاب اخذت منها شوي شوي ونظفتها وطحنت كل شيء بعلبه وحطيت استكر باسمها اي وقت يجي ببالي بس اطلعه ومع ماء مغلي وبس .
وفيه اشياء كمان شريتها مثل العنزروت والمره والمحلب
بس مو عارفه كيف استخدمها اذا جربتها قلت لكم
،،،،،،،،،،،،،،،
مشاركه من العضوه شوشو العز
بنظام النفاس
‎بنات بخصوص موضوع الاعشاب بعطيكم كم معلومه من خبيرة اعشاب
‎الحلبه تستخدم فقط اول 10 ايام لانها تسبب مويات فلا تكثروا منها
‎الماش استخدموها طول الاربعين اخذ حبيتوا تقول فوايد رائعه والي خايفه انها تسمن تستخدمها 20 يوم
‎الماش يحمس ويطحن ع فكرره
‎قشر الرمان يستخدم بعد توقف الدم او اذا خف ومثل ماقلت لكم ينحف مره سواء حطي منه مع قهوة القشر او شاهي الاعشاب
‎لاتستخدم الكبووو نهائي مضررر جدا خليكم على الغسول والغسول مو في البدايه لا في نهاية النفاس البدايه في كريم تصرفه لك الدكتوره
،،،،،،،،،،،،،،،
مشاركه من العضوه سما
بنظام النفاس
،،،،،
نظام متوسط وبسيط بحاول اشرح لكم بشكل مختصر ماحب الحتسي يكثر>> وااااضح ماشاءالله
في البداية فيه حاجتين اجهزها قبل الولادة اشتريها واطحنها واحطها بعلب واكتب عليها دواء الحليب ودواء اﻻكل ،،
واحط كميه صغيرة من كل واحد بعلبة البهارات اللي ترش زي حقت الملح وتكون شكلها حلو بحيث كل ماجابت الشغالة او بنتي اكلي تحط العلبة حقت الدواء معه .
1- دواء الحليب (( فلفل ابيض ، زنجبيل بودرة ، ماش )) كميات متساوية واللي تبي تحط الفلفل نص الكمية براحتها
>> هذا ي حبيباتي احط منه تقريبا ملعقة مع كوب حليب حلبه الصباح اول ما اصحى وكوب زيه بالليل وأول يوم كنت نحيفه احط ترمس حليب الحلبة عندي من المغرب وكل شوي اشرب عشان تنفخني شوي
وجابت فايدة ،، بس عقب خلاص مابي سمنة بس كوبين عشان تقويني شوي وعشان الظهر
2- دواء اﻻكل (( حلبة ،، كمون ،، فلفل اسود )) كميات متساوية والفلفل نص الكمية ،،
امي كانت تحط شمر وشوي ليمون اسود مطحون قد اليد تقول يحلي طعمه شوي يصير مقبول بس انا ماحب كثرة الأعشاب وطعمه عادي مو شين
>>> هذا ينحط مع الشوربة المرق المرقوق عصيدة التمر عصيدة المرق اي شي تاكلينه حطي عليه ملعقتين من الدواء
🏼 هذا بالنسبة للأعشاب ونسميها أدوية النفاس
اﻻكل >> الصباح بدري مع الدوامات سندوتشات بيض مسلوق مع طماطم وخيار وكوب حليب حلبه ..
لمن أكون تعبانه والا فيني نوم اخذ بيضتين بدون سندوتش مع كوب الحليب وأنام اسرع كذا
لمن اصحى عاد الضحى والا قبل الظهر وأحيانا أتأخر بالنوم للظهر اكل عصيدة تمر مع كوب قشر قهوة
الغدا صحن السلطة احط معه ملعقتين رز وزبادي وخلاص
العصر يجيني ضيوف ومعجنات وحلويات احاول اتجنبها اتقهوى مع تمر واشرب يانسون والا قشر
المغرب يجيني جوع غريب وعطش اتوقع من الرضاعة فأحاول اسبق الجوع وأخذ كاس عصير برتقال فرش وسندوتشات بيض بعد
ع بال مايسوون العشاء مرقوقة والا مهبش >> أكله نجدية بعدين اشرحها لغير الناطقين بلهجتنا
العشاء للأسف عندنا لازم وجبة دسمة فنحاول نخليها مبكّر بعد صلاة العشاء وبعدها خلاص ستوب .. يكون قريب مني موية وعصائر عشان اخر الليل عطش فظيع
## شاهي الأعشاب هذا ماحبه ما اشرب الا قشر قهوة وأحيانا كمون عشان زين للغازات
## النظافة الشخصية والخياطة بعدين أتكلم فيها تعبت الحين
هذا وصلى الله وبارك وسلم ع سيدنا محمد وآله وصحبه اجمعين

،،،،،،،،،،،،،،،
طريقة العضوه ام مشاري الامير
بقشر القهوه
قشر القهوة يجي مدور واشوف الافضل تشترينه زي ماهو عشان ما تدرين لا يطحنون معه اشياء ثانية واذا طحنوه ما عاد تقدرين تغسلينه
حتى انتي لا تطحنينه مرة خليه مجروش افضل واذا غسلتيه كله انتبهي لتجفيفه عشان لا تخربه الرطوبة ويعفن
بنات انا مستغربة لطريقتكم في القشر كيف طعمه اذا ماغليتوه
وهل يوجعكم او يجيب غازات احنا معروف لااااااازم نغليه كثير لانه زي القهوة وانا احب اغليه قشرة كاملة ما اطحنه يجي اطعم ومنظره في الفنجال صافي زي الشاهي مايجي كانه مغبر
،،،،،،،،،،،،،،،
طريقة العضوه سما
بقشر القهوه
بخصوص القشر كل ناس لهم طريقة فيه ،، انا اتبع طريقة امي وخالاتي واللي حولي ،، اخذ القشر مجروش من صاحب محل ثقة عندنا كلنا ناخذ منه ،، والمجروش افضل يصير صافي وطريقتنا احط مقدار فنجان قهوة في الإبريق الوسط ونص فنجان سكر طبعاً مع مويه واخليه يغلي تقريباً ربع ساعه لااااازم يغلي زي القهوة تماماً وبعدين ابشر زنجبيل طازج واحطة بالترمس او في الابريق اللي بقدم فيه واصب عليه القشر بعد مايغلي ربع ساعه والزنجبيل تقريباً كميته ملعقتين بعد ما ابشره ، وإذا ماتحبين السكر قلليه او استبدليه بالتمر ، فيه ناس يحمصون القشر قبل بس انا ماحبه محمص يطّلع غامق ، هذي طريقتي ويطلع القشر حلو وحار
مرررا احبه مشروبي المفضل
،،،،،،،،،،،،،،،
طريقة ورد الجوري
بقشر القهوه
بالنسبه للقشر احنا نشربه بشكل يومي تقريبا ،،صار القهوه المعتمده عندنا ،،الا هالفتره حولت وبقوه ع البن
اغلي المويا وحطي فترمس القهوه ملعقتين قشر وشويه قرفه وزنجبيل مبشور
واذا تبغين تستفيدين من الاعشاب حطي شويه يانسون وشويه نخوه فيه ناس يقولون لها نانخه وشويه شمر وظيفي المويا المغليه ماحتاخذ من وقتك 5دقايق
انتي اللي يعجبك تبغيه جاهز ومطحون خذيه اريحلك بس خذيه من محل كويس
انا اجيبه حب واغسله وانشفه واحمصه ع النار شوي وبعدين اطحنه واحطه فعلبه واخذ بالملعقه قدر حاجتي ،،زيه زي اي بهار
،،،،،،،،،،،،،،،
طريقه ام وفاقده الام
بقشر القهوه
قشر القهوه مفيد جدا للنفاس وطعمه حلو زي القهوه تقريبا
طريقتي
اغلي مويه واحط في الترمس مقدار كف اليد قشر قهوه واكون طاحنه كمون وقرفه ونونخه واحطهم في علبه اخذ مقدار نص ملعقه واضيف زنجبيل مطحون او مبشور ملعقه واضيف كوفي ميت ولا حليب وزعفران واحطهم على القشر واضيف المويه واخليها عشر دقايق واتقهوى منها واكل معها تمر معجون برشاد وزبده او سمن وبالعافيه
،،،،،،،،،،،،،،،
طريقة قشر القهوه من النت
قشر قهوه مقدار قبضة اليد تحمسيه ع النار وبعدين تحطيه بالغلايه
وتضيفي عليه 6 او 7 تمرات للتحليه وشوية سكر اذا حابه
واذا تشربيه بدون تحليه برضوو افضل ..
وتضيفي عليه قرفه مجرووشه او ممكن تاخدي عود قرفه وتكسريها بالغلايه بدون طحن
وتخليه يغلي لمده 15 دقيقه وبعدين تقفلي النار وتحطيه بالترمس الخاص
ولاتنسي تجهزي الزنجبيل الطازج المبشور مقدار ملعقه او حسب الرغبه وتحطبه بالترمس
وبعدين تصبي عليه قشر القهوه

اغراض المستشفى مشاركه من العضوه ام وسام
مساء الخير يا حلوات. ..
يالله ندردش وكل وحده تقول ايش راح تحط في شنطة المستشفى. . ومتى راح تجهزها. .
انا افكر كذا أسبوع واجهزها بإذن الله.
لأن أخاف من الولاده المبكره وروح المستشفى واحوس واجلس كل يوم اطلب أهلي وزوجي يجيبون شغله ..
فاحسن شيء نرتبها من بدري متى ماجات الولاده نكون جاهزات. ..
بالنسبه لي راح احط ..

• 2 سنتيانه رضاعه
• علبه مناديل القطن للصدريه.
• قميص استقبال مع ربطه شعر وشبشب مناسب للبس ومريح.
• شبشب خاص للحمام
• علبه مويه صحه احط فيها مره تكون جاهزه اشمها اول ما اطلع من الولاده .. عاد ماعرف وحده علمتني على هذي الطريقه إلا احنا أبد مافي أحد مننا وقرايبنا يعملها .
• مشط/ اسشوار/ربطات شعر /مرطب جسم/ مرطب شفايف /مسكره /روج لون طبيعي لزوم التصوير يابنات ./شامبو /مناديل ديتول .. أدوات هذي بشنطه صغيره داخل الشنطه الكبيره حتى تكون مرتبه ومانحوس الشنطه.
• كاميرا للتصوير والأفضل خليها مع زوجك اول ماتطلعي يجيبها.
• كلوتات 6 حبات او ممكن أخذ مجموعه استخدام اليومي من مذركير أو الصيدليه.
• خمريه شعر او عطر بريحة النظافة مثل البودره موجود في شانيل .. .. صراحه لازم احط عطر خفيف بخه وحده .
• _______________
• أغراض الطفل ...
• طقم كامل بربتوز داخلي وخارجي وطاقيه وميريله ومهاد وبطانيه او مدس
• طبعا لأن راح أولد في العسكري أن شاء الله فالطفل ممنوع البسه غير لبس المشفى ... بس وقت الخروج البسه. . كذلك الحفاضات همه يوفروها. .
• ___________

يالله كل وحده تحكي ايش راح تحط حتى نذكر بعض ونستفيد. .
,,,,,,,,,
اغراض المستشفى مشاركه من العضوه ميرال
انا باخذ بإذن الله
طقم واحد للبيبي
بربتوز داخلي+ خارجي +قبعه+ كوفله + شراب + كفوف عشان م يجرح وجهه ..
حفاظات + مناديل للتغيير + لهايه + رضاعه صغيره لاني بكون هلكانه و اسكته بالمويا
مدس + بطانيه لان ابها ف الصيف عندنا امطار
لي انا
2 قمصان + استشوار >> سررقت فكرتك ام وسام ربطات للشعر + عبايه كتف مالي حيل للراس استغفر الله مويا فيها مر + فوط + ميبو للخياطه + لفات قطن مصري + 2 سنتيانات رضاعه + قطن الصدر كم حبه
+ كلوتات استخدام واحد + مرطب شفايف + مرطب جسم + عطر خفيف + يمكن اخذ مسكارا و بلاشر
,,,,,,,,,
اغراض المستشفى مشاركه من العضوه ساميه ( ملاحظه تولد في غربه )
انا باخذ شاحن جوال عندي بطاريه اشحنها واخليها جاهزه
كاميرا مع ان كاميرتنا قديمه بالحيل ومو ذاك التصوير
وروب شتوي طويل لان الجو فيه بروده
شبشب وشرابات
بيجامه اخذت قديمه عندي البسها بعد الولاده مباشره ولونها غامق
قميص قطني لنص الساق
مع ايشاربات قطنيه لاني بكون بوسط الاجانب اكيد بسكر الستاره اللي بيني وبينهم
فوط وكلوتات استخدام مره واحده
قطن الصدر مع ستيانات رضاعه وشفاط الصدر
علب صغار بعبيها شامبو للشعر وشاور جل
منشفه وروب استحمام
مشط اذا ولادتي بعمليه مايمدي امشط الشوشه
اول يومباخذ لي علبه صغيره فيها تمر ومعمول وبسكوت مالح
وعلبه فيها خواجوا سائل
وعلبه بعبيها ماء زمزم
مناديل ديتول استفيد منها اذا بدخل دورات المياه وانتم بكرامه انظفها متقرفه من الاجانب
واكياس صغيره للملابس اذا بدلت عشان اغسلها بالبيتوبالنسبه لنونتي بجهز شنطتها بربتوزات داخليه وثلاث لبسات كامله مهاد وقبعه والخ
ورضاعه صغيره وبامبرز ومناديل مبلله احتياط بس راح استخدم لها مناديل عاديه ابللها بالماء اول يوم عشان بشرتها تكون حساسه
وان شاءالله مانسيت شي
,,,,,,,,,
شنطة المستشفى العضوه ام وسام افادتنا فيها اخذتها من النت
سويتلكم نسخ من احد المنتديات ان شاء الله يفيدكم ،،
جهزي الحقيبه من اول اسبوع من الشهر التاسع ، خصوصا ان اغلب مافيها لايتأثر !
اولا اشياء تحتاجينها قبل الولاده :
- قاروره ماء متوسطه عبيها ماء زمزم ان استطعتِ او ماء عادي ، واقرأي فيها الاوراد الوارده في تسهيل الولاده 3 مرات . (لو اضطررت للذهاب للمستشفى قبل عملها اجعلي الاوراد مطبوعه عندك في حقيبتك ليقرأها لك من يرافقك ، سواء في ماء او مباشره ينفث عليك .. او انتي بنفسك تقرأينها)
.... علبه مويه صحه فيها مره مذابه .. مفيده للشمم.
- تأكدي من تصوير جميع الاوراق الرسميه التي قد تحتاجونها ووضع نسخه في حقيبه اليد ونسخه في حقيبه المستشفى وخاصه ملف متابعه الحمل ان كنتي ستلدين في مستشفى غير الذي تتابعين فيه ..
لانك وقت الخروج من المنزل ربما تنسين الاوراق ..
- في جوالك جهزي قائمه بالاشخاص الذين ترغبين في اخبارهم برساله قصيره حال ولادتك ..
اكتبي الرساله واضيفي الاسماء ثم احفظيها في المسودات .. لانك بعد الولاده ستنشغلين بالتعب والزيارات والمولود وربما يسقط العديد من احبابك سهواً ، ولو كان لك اخت او صديقه قريبه ممكن ان تفعل ذلك فسيكون اسهل لك ان تجهزي لها الاسماء وهي تتولى امر الرسائل .
ثانياً :
اغراض الطفل :
بربتوز داخلي
بجامه خارجه
غطاء للرأس
جورب يد وجورب قدم
مفرش لف
يكفي هذا الغيار يرتديه وقت الخروج من المستشفى.. لانه غالباً داخل المستشفى يلبسون الطفل من ملابسهم ..
ولو غيرتي للطفل ستضيع ملابسك مع ملابسهم ولن ترجع لك -من تجربه كثير اعرفهم- لذا لاتحرصي على التغيير للطفل واتركيه اوقات الزياره في الحضانه افضل .. ومن ارادت ان تراه يمكن ان تذهب للحضانه .. لكن وجوده في الغرفه سيتعبك وسيحمله كل من يأتي لو مجامله . . والطفل حساااس في هذا العمر .. واي طريقه لحمله بالخطأ تئثر عليه لاقدر الله ..
------
اغراض الأم : (للاقامه يومين)
2 سنتيانه رضاعه. ... مجموعه كلوتات
فوط صحيه
قميص للنوم وآخر للاستقبال
فرشاة اسنان ومعجون
كريم مرطب
فوطه للوجه
استشوار
ماسكار ومرطب شفايف وكريم bb. ..لك الحريه
شبشب او حذاء سهل اللبس والخلع
جوارب لانك قد تشعري بالبرد بعد الولاده
مناديل ورقيه واخرى مبلله
مقص اظافر واخر عادي للحاجه
طبعاً بالاضافه الى المفرش الاساسي للاستقبال
شاحن لجهازك الجوال
معقم الايدي
لو كان عندك مشغل صوتيات او مسجل صغير وضعي فيه تلاوات ترتاحين لها
كميرا رقميه لو كان عندك او كميرا الجوال ..
عطر بارد لو اردتي تعطير الغرفه .. (عطري الغرفه اول ماتدخلينها حتى لاتستنكرين العطر على الزوار)
ان شاء الله افدتكم ،،
_______________
وهنا روابط لتجهيز شنطة المستشفى
1/ https://www.hawaaworld.com/showthread.php?t=2892305
2/ https://www.hawaaworld.com/showthread.php?t=2120173
_______________

مشاركه من العضوه ام اصيل الحجازيه
بأذن الله بنفاسي اعتمد هذي الخلطه في وحده افادتني فيها من التجمعات السابقه
بس مرا ناسيه من هي .. الخلطه توحد لون البشره وتعطي بياض للجسم ونعومه ..
مع العلم بشرة جسمي ماتعدمت كتير مع الحمل بس قلت بسويها لأن مكوناتها متوفره عندي
الطريقه
4 ملاعق زبده الشيا
2 ملعقه زيت جوز الهند
2 ملعقه جلوسليد
2 ملعقه زيت فيتامين e
تخلطيهم وتحطيهم بعلبه وبالليل تستخدميها تحطيها بكل الجسم
ماعدا المنطقه الحساسه
وبالصباح تتروشي
ومع الاستمرار يروح السمار والبشره تطلع ناعمه
وموحده اللون

،،،،،،،،،،،،،،،

مشاركه من العضوه سوسو بيدو
خلطه شعر
،،،
السلام عليكم
هذي خلطت الشعر علشان ترجع شعوركم احلا من قبل وتصيرون كاملات والكامل الله
الخلطة هذي انا في بدايت استخدامها بستمر عليه لحد ما اطلع الأربعين تفضلوا
المطلوب :
-زيت النارجين ( الحديد الي مرسوم عليه نخلتين ) بخمسة او سبع ريال
- وبقبضة اليد تاخذين خوجوا + ألاملج + محلب اسود
الطريقة :
- جبي قدر واخلطي فيه الزيت والأعشاب تكون مطحونه وخليها تطبخ على نار هاديه يعني كذا ربع ساعه خليها بعد الغليان حوالي عشر دقايق اهم شي ماتطلع ريحة حريقه
وحيصير لون الزيت عوووووودي
صفي الزيت واستخدمي الزيت حطيه بشعرك يعني 4 ساعات
والله يا بنات شوفة عيني ان بنات قريبتي صارت كثيرة وطويلة والله وحدة بنات كانت الشباصة ما تمسك الشعر والحين ما شاء الله صار طويل
،،،،،،،،،،،،،،،
مشاركه من العضوه سوسو بيدو
عن سنفرة الجسم
،،،
والسنفرة الي استخدمتها اخذتها من النت وهي كالتالي :
1- نصف علبة سنفرة كاب
2- ملح الحليب ( يوكو سبا) نص العلبه
3- اربع ملاعق حليب نيدو
4- ملعقة من كركم الجسم
5- ملعقتين نشا
تخلطينهم كلها مع بعض وتستخدمينها مرتين او ثلاث مرات بالأسبوع طبعا او شي توزعينها على جسمك وتخلينها 3 او 4 دقائق وبعيد أبدي بالتفريك
وبعدين اغسليها وجيبي ليفه وصابونة وافركي جسمك فيه
وراح تشوفين النعومه والنظافة ومع الاستمرار راح يفتح جسمك باذن الله
بالتوفيق يا قلبي
،،،،،،،،،،،،،،،
مشاركه من العضوه اشراقه انثى
خلطة شعر
اليوم صحيت الصباح بدري قبل يصحى زوجي وبناتي
وسويت خلطة وحده تحلف بالله انها لاحظت فايدتها من أول ماجربتها!!
المهم الخلطة وصلتني واتس وللأسف اني مسحتها بالغلط كويس اني فاكرتها الحمدلله
1-سدر
2-وزيت زيتون
3-وزيت خروع
4-وتجيبي بصلة وفصين ثوم قشري البصل والثوم وقسميها نصين براحتك وحطيها في مويا وخليها تغلي لين يتغير لون المويا وتصفيها
وتخلطي معاها السدر وزيت الخروع وزيت الزيتون وتحطيها في شعرك في الليل مثلا وتغسلينها الصبح تحلف انها تنعم الشعر وتطوله والله أعلم
الكميات ماحطت كميات أنا أحط تقديرية ع قد استخدامي
وللأمانة أنا زيت الزيتون ما أحطه مباشرة أحط كميه ع النار وأدفيه شوي وأعبي فيه قارورة للشعر واستخدم منه لي ولبناتي لأن زيت الزيتون لما أحطه مباشرة مايناسبنا ووحده نصحتني أدفيه ع النار عشان فيه مركبات تتفكك مع التسخين والله أعلم وفعلاً والله يخلي شعر بناتي يلمع وحيوي من يوم صرت أدفيه!!
حبيت أفيدكم للي لها مزاج الخلطات الشعر
،،،،،،،،،،،،،،،

مشاركه من العضوه ام اصيل الحجازيه
للعنايه بالحمل وبأذن الله بستمر بعد مااولد
اعتمادي حاليآ على شيئين للشعر
ماسك المايونيز طبيعيه ولها فوائد كتير انا اشتريها جاهزه
وسبق وشرحت عنو
بالتجمع العاشر بالصفحه الاولى وفيها صورة الماسك
اكون قبلها بيوم متحممه وشعري نضيف
وثاني يوم احط الماسك بفروة الشعر الى اخر الشعر
واغطي شعري بكيس لمده ساعه او ساعتين
وبعدين اغسل شعري فقط بالمويه
وبعدها بيومين اغسل شعري بالشامبو
وبعد 5 ايام ادهن شعري بزيت الجوز الطبيعي
برضو حطيت صورة الزيت بالتجمع العاشر الصفحه الاولى
واخليها بشعري 8 ساعات واغسل شعري بالشامبو
وكل 5 ايام او 6 ايام اسوي دي الخلطتين مرا كدا ومرا كدا
...
اما الترطيب للبطن والارجل واليدين
جهزت علبه وخلطت فيها زبده الشيا + زيت جوز الهند
وشويه زيت اللوز
والنتيجه ترطيب يجنن ونعومه ورجولي صارت ناعمه ماشاء الله
لكن رجولي احط كمان فازلين وبعدين احط دي الخلطه
،،
للبشره اسوي قناع كل 5 ايام
القناع الاوربي وبعدها بخمسه ايام احط قناع هيلين كوين
،،
وقبل النوم ادهن المنطقه الي تحت العين بفيتامين e
و وحهي اخلط كريم كيو في مع قطرات من فيتامين e
والشفه اخلط فازلين مع نقط من فيتامين e
،،
والتفاصيل والصور تلاقوها بالرابط بالتجمع العاشر
بأول صفحه
،،،،،،،،،،،،،،،
مشاركه من العضوه عشرينيه
لخلطه بالجسم
نضاره وتفتح وتوحيد لون
صبايا فيه خلطة روعه وسهله ومتوفره بكل بيت ونتائجها تستاهل
نضارة وتفتيح وتوحيد لون البشرة بس استمرو
ملعقتين سدر مع ملعقة حليب بودرة تخلطونها بموية وتدهنون جسمكم فيها اذا جفت افركوها بحركات دائرية بتنظف الجسم وتفتحه استخدموها مره أو مرتين فالاسبوع
وبالنسبة للوجه حطوها ماسك لاتفركونه
ولاتنسون ترطبون جسمكم بزيت الجلسرين واللوز والليمون مره أو مرتين فالاسبوع قبل النوم
مكونات سهله وتستاهل نتيجتها ذكرتني فيها ام أصيل
،،،،
هنا ردود اقتبستها للخلطه الي كتبتها عشرينيه لكن ماكتبت من مين للاسف !
وممكن قبل خلطة السدر تسوي تقشير للجسم
هذي الخلطه عجيبه
تشيل الحبوب والاثار وتفتح البشره بس طبعااا مع الاستمرار
كنت استخدمها قبل الحمل واستخدم قبلها تقشير للبشره والجسم
البشره بكريم كاب
اما للجسم كنت استخدم كاب مع ملح الحليب مخلوطه مع اي سنفره للجسم
وبعده استخدم الخلطه حقت السدر شفت نتايج حلوه لكن الحين مع التعب تركتها بس باذن الله ناويه ارجع لها
،،،
وهنا تعليق ثاني للخلطه من احدى العضوات
اخلطي السدر مع حليب بودره بس السدر يكون اكثر ومع مويا وخليه قناع ع جسمك ووجهك وكل اماكن الحبوب انا الحمدلله ناسبني ف حبوب الجسم اما الوجهه بس خففها لكن ماراحت المشكله من 8 سنوات ..
،،،،،،،،،،،،،،،
مشاركه من العضوه جنان الورد
خلطه للجسم
الخلطه ( فازلين كبير العادي + كركم الجسم اخلطيهم مع بعض تقريباً 5 ملاعق كبيره من الكركم ) السر هنا ي بنات بالكركم لازززم الأصلي
انا اشتريت مرا من عطار عبدالله عمر اثق فيهم بس صراحه ماعجبتني لاني كنت دايم اخذ من محل عطار عادي عندنا بنفس الحي وفعلاً تفرررق يعني انتبهو لازم تكون الاصليه
اتركي الخلطه ساعتين ع جسمك وبنفس الوقت زيتي شعرك استفيدي من الوقت
2/ اي صابون او صابونيه عندك استخدميها بعد الخلطه
3/ سنفرة كاب جددددداً خطيررره ماستغني عنها ابداً
بعد السنفره رطبي جسمك لاززم والا مابتستفيدي شيء
انا استخدم كريم بالمرز مو الزبده لا الكريم
وكمان مسويه مرطب يتكون من ( الفازلين الوردي مع جلسرين سايل وزيت لوز مرّ خلطتهم مع بعض ورجعتهم للعلبه ) تقريباً فنجان من كل زيت
انا ان شاء الله من ادخل الثامن ببدأ فيها 3 مرات بالاسبوع وبالاربعين كمان ان شاء الله ع خير

,,,,,,,,,,,,,,,

مشاركه من العضوه فوق الغيوم احلامي
بخصوص مغص البيبي
،،،
حبيت اضيف شي علاج المغص للبيبي فيه نقط اسمها ديسفلاتيل مره حلووووه وتريحيه للاحتياط اشتروها تنقطين اربع نقط في الرضاعه وتحطين عليها شوي مويه يدوب تملين الغطاء حق علبة المويه وترجينه لين تذوب ويرضعها البيبي عشان تضمنين انه اخذها كامله لان اذا نقطتي بفمه ماراح يستفيد منها كثير فابالرضاعه افضل
والحلو في هذي النقط ان جسم البيبي مايمتصها يدوب تذوب الغازات في بطنه وتطلع وانتوا بكرامه مع براز الطفل انا مجربتها مشاء الله في بناتي وهم صغار ونتيجتها فعلا مريحه وسريعه وبرضو لازم تكرعون للطفل عشان يتجشاء بعد كل رضعه ضروري عشان الغازات وفيه طريقه يرتاح فيها الطفل تنيمينه ع بطنه وتمسحين بشويش بيدك ع ظهره بيرتاح وفي نفس الوقت يتجشاء وتروح الغازات من بطنه وبالعافيه ع الكتاكيت يجون بالسلامه يارب
،،،،،،،،،،،،،،،
مشاركة من العضوه جنان الورد
علاج شمم الطفل يعني الالتهاب الي يجي بالسره واي نوع من الالتهابات عمومآ
تسمى شمم ..
طريقةة الخوا جوا من الوالده
كمون محلب
خوا جوا
عنزروت
تطحن جميع
رشاد حب يحمس
الطريقه :
يسخن زيت زيتون وتضعين المقادير المطحونه ع الزيت ثم تضعين الرشاد وتحركين لدقائق
يوضع بعلبه زجاجيه وتضعين عليه (مرّه ) مطحونه وحركيهم مع بعض قبل الاستعمال
يوضع ع انف الطفل مسحه وخلف الأذنين
واذا استشم الطفل حطي مسحه منه بالحفاضه
،،،،،،،،،،،،،،،
هذا الرابط افادتنا فيها العضوه ميرال
اسم الموضوع حامل وماتعرفي كيف تتصرفي يوم الولاده
https://www.hawaaworld.com/showthread.php?t=399712..
،،،،،،،،،،،،،،،
هذا الرابطافادتنا فيها العضوه ميرال
اسم الموضوع مهم لكل حامل بالشهر الاخير خلاصه بحثي من عدة مواقع
https://www.hawaaworld.com/showthread.php?t=325896...
،،،،،،،،،،،،،،،
هذا الرابط افادتنا فيها العضوه ام وفاقده ام
اسم الموضوع العنايه الصحيحه بالخياطه بعد الولاه
https://www.hawaaworld.com/showthread.php?t=422313...
،،،،،،،،،،،،،،،
هذا الرابط فادتنا فيه العضوه شيراز
اسم الموضوع تقنيه التنفس لتسهيل الولاده بأذن الله تعالى
https://www.hawaaworld.com/showthread.php?t=422387...