مساء الخير كروشات🌹🌹
الحمدلله كويت ملابس النونو😍😍😍و رتبتها في الدولاب وخلصت😍😍
كان هم وارتحت منه😅😅😂عقبال اخلص باقي أغراضي انا وارتاح ..
سوسو
الله يعينك باين بنتك بدأت تغير من النونو،خصوصا اذا هي الصغيرة
وحاولي ما تخليها تنام بالنهار كتير ،اشغليها ولعبيها،و ع الليل عشيها
ونوميها،لانها لو أخذت غفوات كثيرة بتسهر ع الليل وتعذبك،حتي انا
ما انام زين بالليل أقوم كتير وكمان بالنهار ما اخذ غفوة😰😰يعني من أقوم
مع بنتي 5 ونص فجر الي الليل ما انام😭😭😭الله يهون علينا،المشكلة
بعد ما يجي النونو مافي نوم ابد😔
مساء الخير كروشات🌹🌹
الحمدلله كويت ملابس النونو😍😍😍و رتبتها في الدولاب وخلصت😍😍
كان هم وارتحت...
وكل اللي ردوا الله يسلمكم من كل شر ولايشوفون باس والحساسية هذي ما أتمناها حتى لعدوي والحمدلله ع كل حال والله يكتب الأجر
اليوم اختبرت الاختبار كان شوي طويل 😔بس الحمدلله ع كل حال اهم شيء خلصت
اقسم بالله كل العناية اللي بدأت فيها ضاعت في هدي الأيام حق المرض اللي يشوفني يقول هذا مريضة من شهر😳وحتى البنات مزكمين كلهم
البيت صار صيدليه من الأدوية 😂😂
بخصوص موضوع الدورة والبلوغ انتوا ليش تستحون من بناتكم بالعكس لازم تكونوا حازمين وواضحين بحدود العقل والمنطق وعجبني كلام سما وأتفق معاها والله يبارك لها في بناتها
انا امي من امهات زمان ولا قالت لي اي شيء كل شيء عندها عيب وبلغت في الاجازة الصيفية وانا طالعه ثاني متوسط وسبحان الله عرفتني من وجهي بس سبحان الله أمي تربيتها لي كانت شوي مميزة يعني النظافة وهذي الأمور مربيتني ومعودتني عليها هذا غير ان الدورة جاتني وانا شبه فاهمه من صديقتي المقربه اللي بلغت قبلي بسنتين يعني ماعانيت لانفسياً ولا جسدياً الحمدلله
وأختي الكبيرة بيني وبينها عشر سنين وماعندي غيرها يعني ماأخذت منها أدنى فايده 😂في هذي المواضيع هذا غير انها تزوجت أصلاً وانا في اول ابتدائي 😓
المهم حالياً انا أم لثلاث كتكوتات بس الحق اني حازمه شوي معاهم يعني وقت الجد جد ووقت المزح مزح يعني ما أعرف أسلك أبداً😂
بنتي شافتني قبل فترة وانا افتح كرتون الفوط اليومية وقالت لي ماماتلبسين حفاظه😁
قلت لها ايوه انا كبيرة وهذي حق الكبار طبعاً بنتي عمرها خمس سنوات خلصتها في شهر صفر وانا ماعرف اكذب صراحة وخلاص حطت في عقلها ان هذي حق الكبار وماعاد صارت تعلق ومره اختها اللي اصغر منها قامت تسأل لأني انا بصراحة حاطتها في دورة المياة ع المشبك فردت عليها الكبيرة وقالت هذي حق الكبار مو حق الصغار 😂يعني ريحتني
الشيء الثاني بناتي بِسْم الله عليهم احاول أعودهم عن النظافة من الآن واذا لاحظوا شيء وسخ او مو حلو ريحته يغيرونه احيان تجي بنتي الكبيرة تقولي ماما ابغى أغير السروال الداخلي اقولها ليه تقولي ريحته مو حلوة وفعلاً تطلع صادقة وأعطيتها الحرية تفتح الدولاب وتغير الكلوت اذا حست انها مو مرتاحه وأختها صارت زيها الحمدلله بقي الصغيرة عقبال تبطل الحفوظة وتصير زيهم ☺
الملابس الخارجية ماشاء الله تبارك الله افسخها من عليهم نظيفة يادوب كم بقعة شوكولاته او شيء خفيف
واذا وسخوا أشوفهم يجيبوا منشفة صغيرة ويبللوها مويا ويقعدوا يمسحوا ما أكذب عليكم واقولكم بناتي اتولدوا فاهمين لا والله بس انا أتعب عليهم وعلى نظافتهم وأحاول ما أخلي حد يخرب علي لأن البنت لازم تتعلم تكون نظيييييفة لأنها هي اللي بتساعدني وتوقف معايا ان شاء الله وملامة الأب او زوجها في المستقبل يجي ع الام المربية هذي وجهة نظري أنا زوجي مره اعترف وقال نظافتك ماجات من فراغ جات من أمك الله يطول بعمرها مع انه ماعاش مع امي يادوب زيارات خفيفة
عموماً موضوع التربية هذا أمر شاق ويبغى جهد وصبر ولازم الانسان يدعي الله ويسأله التوفيق لأني والله أحس هذي أمانه أسأل الله ان يقدرنا ويعينا عليها،،