دلوعة رجلها :

الف مبروووك للي دخلو التاسع والله يهون علينا ماتبغى من اسابيع راح الكثير وبغى القليل وربي لايضيع اجرنا وتعبنا السوق جدا جدا متععععععب امشي خطووتين واتعب الحمدلله خلصت كل شيء حتى العطاره امس مريتهم وخذيت اعشاب النفاس والحمدلله كنت في مكة واه على اجواء مكة والسكينه اللي فيها ونزلت جده واليوم راجعه ابها عشان الدوام

الف مبروووك للي دخلو التاسع والله يهون علينا ماتبغى من اسابيع راح الكثير وبغى القليل وربي لايضيع...

^Ro0oZ^ :

يسعد صباحكم حبيباتي ، وحشتوني لي كم يوم مادخلت التجمع مره انشغلت زواج ولد خالي وعزايم وكدا وظهري يعورني من الجلسه ف المناسباات ونفسي اتسدح بس ماينفع هع ، والحمدلله خلصت زواجات الاقارب الي مره ف فترة حملي باقي بعد الولاده فيه ملكة بنت خالتي وانا نفاس وللاسف ماراح اقدر احضر 😢، وفيه ع بعد العيد ان شاء الله ، المشكله كلهم قرايب مره وفجئه ماشاء الله دي السنه الكل ملكهم وزواجاتهم ربي يوفقهم ويسعدهم ، اختي تقولي ف البطن اسهل بعدين تشيلي هم النونو فين تحطيه وتعب وغير انك ماتنامي كويس وكوفيرا وحوسه الله يعين بس 😩.

يسعد صباحكم حبيباتي ، وحشتوني لي كم يوم مادخلت التجمع مره انشغلت زواج ولد خالي وعزايم وكدا...

ام اصيل الحجازيه :

ماشاء الله ربي يباركلهم ويتمملهم على خيررر حتى قريبتي احتمال فرحها بعد العيد الله يعين ويسسهل 💕 لكن وانا حامل بس حضرت مناسبه وحده زواج ولد خالتي بشهر 2 هـ لكن شبكه ولد عم بابا كانت بشهر 3هـ وسحبت عليهم وفرح ولد خالي كان بشهر 6 ومارحت كمان وسحبت 😓 ف احس نفسي متحمسه للمناسبات بعد الولاده بس على قولك المشكله النونو فين احطو يلا ربنا يحلها لين داك اليوم 😊

ماشاء الله ربي يباركلهم ويتمملهم على خيررر حتى قريبتي احتمال فرحها بعد العيد الله يعين...

^Ro0oZ^ :

اخباري مع تجهيزات والترتيبات ماسويت شيء بسبب العزايم 😢، وباقيلي اسبوع وادخل التاسع ع خير ان شاء الله ، بس اليوم ارتحت خلصت كل اغراض النونو الحمدلله صحيت بدري الصباح وروحت تويز ار اص وكملت النواقص من بانيو وحافظة الحليب والحلمه الصناعيه بس احترت ف المقاس كان موجود مديم ولارج ، البنات المجربين الحلمات دي كيف تعرفوا مقاسكم ؟؟ يعني كيف طريقة القياس ؟؟ وبنتي هلكتني بالمناكير وعدمتلي البيت ف اشتريتلها مناكير اطفال لقيت نوعين الي ينزل بالسحب والي بالمويا والصابون واشتريتلها الي ينزل بالسحب ، وروحت سيتي ماكس اشتريت ستيانه رضاعه كان نفسي ف اللون الابيض بس مافي مقاسي ف اخذت اسود ، والحمدلله خلصت اموري ف ساعتين تقريبا بجد الصباح فيه بركه ،، باقيلي ترتيبات البيت وغسيل ملابس النونو واكويها واعبي شنطة المستشفى ع خير ان شاء الله ، وبعد كدا لو فيه وقت حنظف تنظيفات العيد لانه مع النونو ف رمضان ماراح اقدر يدوب التنظيفات اليوميه ،، ربي يسهل عليا وعليكم ع خير يارب ❤..

اخباري مع تجهيزات والترتيبات ماسويت شيء بسبب العزايم 😢، وباقيلي اسبوع وادخل التاسع ع خير ان شاء...

^Ro0oZ^ :

وجاتني مشكله ف المنطقه الحساسه تسلخت من تحت وتحرقني وصايره امشي ورجولي مفشوخه 😢 ونفسي احك ويحرق واخر شيء روحت الصيدليه مارضي يعطيني مرهم قال دامك حامل لازم دكتورة نساء ، طبعا ليا يومين ع دا الحال وماغير احط زيت زيتون وميبو واتشطف بمويا وملح بس مافي فايده شيء يطفش قاعده اتخيل تجيني الولاده والمنطقه مسلخه ويخيطوا فوقها 😭😭😭<< يارب مايصير دا الشيء ، وحقعد ازن ع زوجي يوديني مستوصف جنب البيت الله يعين مالي نفس تكشف عليا من تحت وكدا 😢، وعندي موعد ف المستشفى بعد 8 ايام ان شاء الله بس مشوار ماراح اقدر اتحمل التسلخ انا يومين واحس اني خلاص نار من تحت الله يعين ويسهل <<< دحين حست بالاطفال لمن يتسلخوا 😢.

وجاتني مشكله ف المنطقه الحساسه تسلخت من تحت وتحرقني وصايره امشي ورجولي مفشوخه 😢 ونفسي احك ويحرق...