Suha1234 :

صباح الخير جميع شخباركم !! ان شاء الله كلكم تمام حي هالطله صفاء .. الحمدلله يارب الله يهون الباقي ويعوضك ربي قريب وتبشرينا ان شاء الله ❤️ آخر اخباري .. من قالو العوده حضوري جاني اكتئاب الله لايوريكم بعدها تعبت جتني كحه اتعبتني حييل وسويت مسحه الجمعه طلعت سليمه ورحت السبت عند مستشفى خاص ع اساس اني بتابع معاها وتكرمني بالاجازات .. خوفتني 😢 وقالت الوزن قليل والمويا قليله في كيس البنت اللي تحت .. فلتلها يحتاج اتابع اسبوعياً قالت لا مايحتاج ما امداني اوصل البيت الا تمسكني الحراره ومع الخافض نزلت وداومت الاحد ورجعت خلاااص منهد حيلي .. زادت كحتي وحرارتي توصل ٤٠ وزاد اكتئابي وخفت ع البيبيات وبلعت من هالمسكنات لين الليل قرب ١٢ وصلت الحراره ٤٠ ورحت لطواريء مستوصف خاص واعطاني مضاد وقال حتى لو سويتي فحص ونتيجتك سلبيه ترى انتِ فيك كورونا 🥺 . الاثنين نفس الشي الكحه تزيد والحراره لاعبه فيني واعدت المسحه العصر وتعبت بالليل وطلعت الطواري الحكومي ولا استفدت شي ☹️ امس الصبح قبل لاتطلع النتيجه قررت اروح لدكتور صدريه ورحت اعطاني ادوية حسيتها مررره فادتني وللكحه اعطاني بخاخ نفس نظام ادوية الربو هجدها ع طول الحمدلله ومع مضاد آمن وسوى لي تحاليل طلع فيه نسبة التهاب بكتيري او فيروسي . رجعت البيت ع الظهر وخلاص طافيه بنام قيلولة الظهر الا اسمع صوت رساله مافتحتها وترجع تطن مره ثانيه عرفت انها نصيه اطالع الجوال الا نتيجة المسحه وصلت وطلعت مصابه الحمدلله ع كل حال والحجر عندي ١٠ ايام لاني مُستثنى من اللقاح .. هذه ثاني مره انصاب تعبت بالاصابتين بس اوميكرون هد حيلي اكثر من كورونا الاولى . والحمدلله الحين اموري تمام وافضل من اول بكثير موعدي يوم الاحد بس مضطره أأجله لين اخلص فترة الحجر انتبهوا ع انفسكم ولا تتهاونون ب ابسط الاعراض .. ولاتنسون اطفالكم استودعوهم الله ونبهوا عليهم يتعقمون ويحافظون ع الكمامه الله يحفظهم لكم

صباح الخير جميع شخباركم !! ان شاء الله كلكم تمام حي هالطله صفاء .. الحمدلله يارب الله يهون...

Tota5544 :

مرحبا بنات كيفكم اللي صلحوا استقبال بالمستشفى انا بكريه وافكر احط بالمستشفى وارمي همه عشان اخلي استقبال البيت يومين بس واحد للحموله وواحد لاهلي ويكون اخر النفاس قد حطيتوا بالمستشفى ووش رايكم فيه وايش هي تجهيزاتكم وترتيباتكم ؟

مرحبا بنات كيفكم اللي صلحوا استقبال بالمستشفى انا بكريه وافكر احط بالمستشفى وارمي همه عشان...

ريما مشعل :

هلا توتا انا مثلك بكريه بس مافكر بالمستشفى عكسك ابيه بالبيت واخر نفاسي اذا ربي يسر لي بصراحه ابي انبسط فيه واكون ارتحت وانتي شوفي اللي يناسبك ويريحك وسويه والتجهيزات والترتيبات تحكمها ميزانيتك ورغبتك

هلا توتا انا مثلك بكريه بس مافكر بالمستشفى عكسك ابيه بالبيت واخر نفاسي اذا ربي يسر لي...