انا معكم انه فيه ناس ماتستحي ولاتراعي النفسيه لان المريض يبي رفع المعنويات مو تحبيط بالشكل او الوزن ومرات يجيك هالكلام من القراب مو من البعيد ومااقول حطوهم بين الناس طول الوقت بس مو اكون خايفه من العين هذا القصد ورضا الناس غايه لاتدرك .. والي بتقول لك وش اخذتي قولي تبين تحملين بتوأم وبنتحرج لو كانت كبيره واذا صغيره بتقول ايه قولي ادعي ربك ويرزقك << حوار وقصه قصيره 😂


تهاني عادي ترا يجون مو كبر بعض انا بالسونار واحد سابق الثاني ب3 ايام بس كلهم طبيعين الحمدلله .. لاتوسوسين فيهم واستودعيهم الله وكان الله في عونك ع الوحااااام 😌

الله يطمن قلوبكم ، من ناحية موضوع شفاية الحريم انو كيف حملتي بتؤام (طز) مالهم شغل علاج ولا وراثه مايخصهم ومو شايله هم الناس لان احنى بوقت كله حسد بحسد

عاد انا ما اراح اقدر اخبي وراح احطهم الاثنين بغرفه الإستقبال لان الحمد لله مابقى قريب ولا غريب ماعرف اني حامل باثنين 😂😂😂
الله يسامحهم لامي وامي زوجي من فرحتهم مايعرفوا يخبوا
وعلى سوالف الحريم كيف حملتي بتوام تراهم من يوم عرفوا اني حامل بتوام واسألتهم ماتخلص اخذتي منشطات ولا لا؟؟ اخذتي ابر تفجيريه. ولا لا؟؟؟
وسلفتي الله يسامحهه تقول لهم اي عادي صار التوام شي عادي تروحي للدكتوره وتحملي توام
ونسوا انهم رزق من رب العالمين وان في ناس تسوي المستحيل وتاخذ اي شي علشان تحمل بواحد وربي ماكتب لهم 😢
الحمد لله على كل حال انا صحيح اخذت منشطات علشان كان امنيتي احمل بتوام وكنت ادعي ربي ليل ونهار اني يكرمني ويرزقني بتوام والحمد لله الله استجاب دعائي بس بصراحه يابنات انا ماخبرت اي احد اني اخذت منشطات حتى زوجي ماخبرته واحنه عندنا التوام كثير بعايلتنا

الي تقولك ماخذه منشطات قولي لها انتي تبين تؤام ؟ اذا قالت اي قولي روحي خوذي المنشطات الي تقولين عنهم مو كل من اخذ منشط حملو بتاؤم هذا رزق ربي موزعه على خلقه ( كف عينك عن رزق غيرك ترزق

تصدقوا يا بنات شائلة هم هالسؤال كيف حملتي بتوأم لأن الكل بيروح باله بالتلقيح و لا بالتنشيط
لأني متأخره فوق الثمان سنوات و عندي خمس بنات وولد و الحين إذا الله اراد توأم اولاد
اكيد بيفكروا تفكير ثاني
قبل فتره وحده من قرايبنا حملت بعد تأخير سته سنوات و الكل فرحانين لهم . الاسبوع الماضي جابت توأم بنات الكل صار يتكلم اكيد بعلاج و تلقيح .
ناس ما تفكر انه هذة ارزاق من رب العالمين .
اخواتي يقولوا استعدي للكلام من الحين .