كوبونات الراقية تسجيل الدخول

بنتن لبابا
بنتن لبابا •
Hope:) Hope:) :
انا افضل الحكومي بعد ، افضل مستشفى حكومي بجدة العسكري وحاولنا ندور واسطه بس ما حصلنا ، اما العزيزيه يالله يا كثر ما اسمع سب فيه ومستشفى ثاني زين بس مستوى النظافه 😣💔 ، والجامعه دايم اسمع انه يدخلون طلاب في غرفة الولادة ما ابغا اتعرض لهالموقف وماتقدرين تقولين لا ، فما كان قدامي الا ادور افضل شيء خاص ، المدينه الطبيه ساره مره مدحتهم
انا افضل الحكومي بعد ، افضل مستشفى حكومي بجدة العسكري وحاولنا ندور واسطه بس ما حصلنا ، اما...
اجل افضلك الخاص
وباذن الله تقومين بالسلامه انتي ونونواتك ونفرح فيكم 😍❤
بنتن لبابا
بنتن لبابا •
رجاء2 رجاء2 :
هلا وغلا بكم حبيباتي ،من جد صارت ذكريات جميلة جدا لاني ولله الحمد والمنة ولدت وجبت توأم بنات حلوات الله يحفظهم يا رب العالمين
هلا وغلا بكم حبيباتي ،من جد صارت ذكريات جميلة جدا لاني ولله الحمد والمنة ولدت وجبت توأم بنات...
ماشاءالله الله يحفظهم لك 💞
…Honey
…Honey •
ام حبيبه سلامتك تعوذي من الشيطان هو الحمل يتعب النفسيه الله يفرجها عليك ومايخالف خلي زوجك يجي ويشوف وضعك ويحس بتعبك لاتشيلين هم شي غير نفسك .. وروحي شوفي ليه الاستفراغ عشان يعطونك شي يخففه وماتفقدين السوائل والله ييسر امرك ويتمم حملك على خير وتشوفينهم وتفرحين فيهم 🌸


رجا2
الله يحفظهم لك والحمدلله الي يسر لك ووصلتي للتاسع بخير كذا انتي تشجعينا انه مو كل الم ممكن نولد منه باذن الله نصمل للاخير ونشوفهم بخير والله يبارك لك ببناتك ويحفظهم
الآمرية
الآمرية •
الحمد لله على سلامتك رجاء و سلامة البنوتات الله يحفظهم و يفرحك فيهم يا رب .
رجاء2
رجاء2 •
رجاء2 رجاء2 :
طبعا تنيمت مرتين في نهاية الشهر السادس بسبب الطلق المبكر وانفتح معاي الرحم اربع سم ودخلت غرفة الولادة بس ما الله اراد وله الحمد والمنه ،خرجت من غرفة الولادة الى غرفة الملاحظه كم يوم وخرجت على مسؤليتي ،وطبعا اختكم بالله كانوا مانعيني من الحركة والراحة التامه. وانا طلعت اكمل مقاضي التؤم وتجهيز اغراضهم.،المهم تعبت ورجعت بعد اسبوع عندهم. وهالمره عيوووو يطلعوني على مسؤليتي،لمااستقر وضعي بعد كم يوم طلعوني هم. طبعا كان باقي الرحم مفتوح اربع سم
طبعا تنيمت مرتين في نهاية الشهر السادس بسبب الطلق المبكر وانفتح معاي الرحم اربع سم ودخلت غرفة...
معليش على التقسيط في سرد موضوع ولادتي ،لاني كل ما لقيت فضاوه حاولت اكمل.
عشان افيدكم ،المهم ما طول عليكم ،بعد كم اسبوع كنت تعبانه بس التعب اللي كل يوم احسه واتعبه احس اني تعودت عليه ،المهم كان عندي موعد في العيادة وصادف اني تعبت اكثر من قبل كنت اقول لزوجي شكله انفتح اكثر قال نروح الطوارئ عيت لانه عندي الصباح موعدي ،رحت الموعد وانتظر دوري طبعا دخلت بعد معاناة وسالفه صارت معاهم المهم دخلت والدكتورة شكلها تحت التدريب حتى الفحص المهبلي يوم قلت لها حسيت انه خارجي ومن غير خاطر كاشفة.
المهم قالت تبين نحطك تحت الملاحظة اوولاده اذا انفتح اكثر ،المهم بعد الكشف قالت اربع سم زي ما هو.
ماصدقتها وطلعت وانا الام شديدة ،رحت البيت وريحت لما الليل حسيت بدأت الام تخف.
وبصراحه كنت اكثر من مرتاحه بس اللي زعجني لعب وصراخ عيالي لصغار ،واكثر شي جلست ابوهم على الكنبه ومسكت الجوال اللي في ايده ،وقاعد ولاهامه ولايحرك ساكن ،طفشت من بروده جات في بالي فكره حلوه منها اسوي اكشن ومنها اخرب عليه جوه الكئيب والممل.
دخلت دورة المياه الله يعزكم ،وطلعت ومن عند الباب قلت له يااااااا ويلي نزل معايا دم.
طبعا اختكم بالله تكذب بس كذا كنت اقول كلام تخريب جو له.
قال اجل يالله نروح المستشفى ،وانا داخلي اضخك ومبسوطه منها خربت عليه ،ومنها نطلع نشم هواااا وتغيير جو ،وفي بالي حتى لو رحت وقالوا تنويم تحت الملاحظة ،يالله منها راحه منه ومن ازعاج لعياال.
طبعا رحت الطوارئ الفجر ،من درووو اني تؤم دخلوني على طول على سرير الكشف ،جات الدكتورة كشفت عليه ،المفاجأة قالت مفتوح خمسة سم.
هنا كانت الفجيعه لي وقالت على طول ولاده من بعد ما كشفت نزل دم خلاص حسيت بأنه ساعة الصفر جات. كنت نهاية السابع تقريبا.
صعدت غرفة الولاده جاني،اخصائي هو كان بيولدني طبعا سووووا لي سونار وقال وحده كان وزنها١٥٠٠/والثانيه ١٦٠٠وكانت الاولى راسها تحت والثانيه مقعديه.
كنت رافضه اني اولد طبيعي خوفا انه تكون في ولادت البيبي الثانيه تعقيدات اويصيبها اذى لاسمح الله.
عيه الدكتور واقنعني بالولاده الطبيعيه ،المهم كان معاي طلق وانفتح زياده الى سته سم ،والى بالليل وانا على هالحال ومازاد اكثر ولاسكر شافو اني تعبت وقررو انه يعطوني تحميله توقف الطلق وخلوني تحت الملاحظه الدقيقه عندهم لو زاد علي شي اكون قريبه منهم.