حاسه بكل كلمة قلتيها لان وضعي قريب من وضعك... عندي بنات الحمدلله.. وولد واحد الله يحفظهم ويخليهم لي...
وهذي برضو بتجي بنت يارب لك الحمد.... و على قد فرحتي فيها على قد ما كسرو الناس خاطري.. اواهم زوجي يقول يمكن خطأ...
مع اني لسى ما علمت احد بجنس الجنين الا زوجي. بس ان الكل متوقع لي اجيب ولد اخو لولدي هههههه كأنه بمزاجي اجيب اللي ابيه.... خصوصا اهلي واهل زوجي يرمون كلام... وانا اللي احاول اسوي نفسي عاااادي واقولهم اني اتمنى بنت... والله يشهد علي اني فرحت فيها وجهزت لها احسن تجهيز مثل اخوانها... لكن قسرت الخاطر توجع في القلب...
وناويه اعلم بالجنس قبل الولاده ان شاء الله عشان ما القى لي كلام يسم البدن وقت نفاسي مو ناقصه اكتئاب..
انتي دايما ادعي ربك انه يتمم فرحتك فيها ويرضيك بما قسمه لك... يعلم الله اني بعد هذا الدعاء احس ماعاد في شي يهمني وارتحت وجهزت ونا مبسووووطه الحمدلله... الدعااااااء فقط..
معلش فضفضت بعد كلامك حسيت انك تقولين نفس اللي بقلبي...
حاسه بكل كلمة قلتيها لان وضعي قريب من وضعك... عندي بنات الحمدلله.. وولد واحد الله يحفظهم ويخليهم...
الناس مراح يتركون احد بحاله اللي عنده بنات بيقولون جيبي لهم اخو و اللي عندهم اولاد بيقولون جيبي لهم اخت
ومن جد نظرات الشفقه متعبه جدا و انا حسيت بهذا الشعور اكون عرفت اني بجيب ولد و راضيه و فرحانه لكن من كثر الكلام اللي اسمعه مره يضيق صدري لدرجه ام زوجي لما عرفت اني بجيب ولد قالت اجل زوجك ضاق صدره انا من الصدمه كان ودي اقول كم وحده بالعايله تتمنى تحمل و تبيني انا ازعل علشان بيجيني ولد بس والله فكرت باللي قاعدين جنبنا ومالهم ذنب يتاثرون بالكلام و سكتت ما رديت عليها
لكن هالمره حبيت احطها بعينهم و اقطع الكلام من بدايته سويت حفله علشان اعلم اهلي بجنس الجنين و صورت و ارسلتها لاهل زوجي كلهم علشان محد يعلق و يدرون اني انا فرحانه و الحمدلله هالمره الكل ساكت 😁