تينا ربي يعينك على دوامك و الحمل


الف مبروك العروسة
و ان شاء الله انها كوييسة و تجيبيها بسلامة

نوني ما شاء الله عليك مصحصحة الصباح


شكلك ما تسهرين


تم افتتاح التجمع امس ١٠ المساء اظن


الله يجعلة تجمع خير
و ما نسمع الا الطيب

مسائكم سعاده يارب ♥️ ..
.
ورده الله يعطيكِ العافية على التجمع الجديد 🌹..
.
مبرووووك تينا وزهرة البنوتات الله يجيبهم بالسلامه يارب ..
.
السيده باء شوفي لو العسل الأسود مايضر الحامل وتستيغي طعمه خذيلك ملعقة كل يوم ويفضل تأكلي بعدها برتقاله <<< أنا أفكر اسوي كدا لأنه انا برضوا في كل حمل حتى مع حبوب الحديد ينزل عندي الحديد وكنت اضاعف الحبه عشان ماابغى أخذ الابره 😂💔..
.
بخصوص الفرزنه ..
.
حبدأ الأسبوع الجاي إن شاء الله لانه انتظر انزل جده واشتري اغراض موش موجوده هنا عندي في رابغ ..
.
حفرزن إن شاء الله سمبوسة لحم وجبنه .. اما سمبوسة الدجاج بأخذها من اهلي إن شاء الله
.
وحفرزن شوربة عدس
.
وحخلط كمية كبيره طماطم وافرزنه على أكياس عشان احطه للإيدامات وكمان مع شوربة كويكر أحب احط حبة طماطم مخلوطه ..
.
وحفرزن إن شاء الله حشوة دجاج مفتت للصواني << عباره عن صدور دجاج اسلقها وافتفتها كدا بيدي وبعدين اكشنها واخليها تبرد واحطها في اكياس وعلى الفريزر ..
.
واكياس المنقا المجمده ( اشتري الشرائح وليس لب المنقا ) أخليها تتفكك وبعدين اخلطها مع شوية عسل واقسمها في اكياس <<< استخدمها صوص لسلطة الفاكهة ..
.
واشتري علب حمص قزاز واستخدم كل اسبوع علبة قزاز وحده اسوي فيها حمص بطريقة أروى العمراني شيء سريع في الخلاط تحطي المقادير وخلاص يعتبر صنف في السفره 😁♥️ .. وترى يقعد حول الـ ٥ أيام في الثلاجة مايخرب الحمص وتسقيه كل مره بزيت الزيت من فوق ..

أمس وصلت طلبية بناتي لملابس العيد من اتش اند ام وسنتر بوينت ..
.
في فترة وحمي قلّ اهتمامي لبناتي من ناحية تنويع الاكلات وكنت شبه يومياً اسويلهم حليب بالموز واحط شوية مكسرات وهما مو دارين في الخلاط 😂 ابغاهم يتخنوا فدحين جات الملابس كلها واسعه يعني غير فلوس المشتريات دحين اقل شيء حجهز ٢٠٠ ريال للخياط 🥲 عشان ينحف لكل وحده ..
.
افضل شيء جربته لبنتي الكبيره قبل سنه تقريباً كان الحلبه .. وهما بناتي اخذوا هذا الشيء مني ومن اهلي وراثة النحف والعظمة الصغيره هو حلو لمن يكبروا ويصيروا مراهقات 😂 بس في الطفوله لا .. حلو يكون النحف الي على شوية روية كدا بحيث ما أودي كل ملابسهم للخياط عشان ينحف لهم من الجوانب ..
.
الي عندهم اطفال زي وضع بناتي جربتوا شيء ونفع معاكم ؟؟

ما نفرزن اي شي على الاطلاق
كل شي بيومه حتى السمبوسة
السمبوسة ممكن نسويها بالليل و احطها بالثلاجة
مو مقتنعة بالفرزنه و لا يعجبني الطعم عكس الفرش
و نسوي السمبوسة و الذي منه كميات خفيفة لكل يوم
ادخل المطبخ الساعة ٤ و الفطور ٦ ونص
نكون خلصنا الخفايف
الفطور الثاني
يكون طبق ثقيل و شوربة و صلى الله و بارك
اذا فيه عزيمة اكيد
نسوي كل شي من الليلة اللي قبلها اللي هي المقالي
و اليوم الثاني ندخل المطبخ من ٢ و نسوي الفطور الثاني
وقبل المغرب بساعة. نحط المقالي بالفرن و نسوي اللقيمات و القهوة و الشاهي و نحط الثقيل الفطور الثاني بالحافظات
وطبعا لازم شغالة😰تغسل المواعين اللي ما تنتهي
والله يبلغنا رمضان يارب