السلام عليكم بنات شلونكم ؟ حبيت امر اسلم عليكم بصراحه وضعي شوي متخربط مع حياه التوام .. بما ان عيالي يعتبرون خدج قعدو بالحضانه ٤ ايام وحمدلله طلعوهم وبعدها رجعنا البيت ولكن بسبب الجو وان البيت كله مريض هم بعد زكمو وهم توهم صغار .. بس الحمدلله ..
القيصريه طلعت اهون مما تخيلت ووايد بنات خرعوني بس حمدلله تيسرت
المشكله اللي بتواجهكم بس الخربطه بالعنايه باثنين بصراحه اول. ٤ ايام في بيتي ومحد يساعدني جدااااا تعبت خصوصا ان بس قاعده لهم رضاعه ترجيع تبديل وهكذا وانا لانوم ولا اكل .. ولكن خذت لي ممرضه شفت ليل عشان انام وارتاح ويكون عندي طاقه للصبح .. وحمدلله ارتحت شوي ...
طبعا مااخفيكم اني حاليا اهملت العيال الكبار وبس مجابله الصغار لان يبي لهم وقت وصبر وقوه ... حمدلله عالنعمه ..
جرح القيصريه حمدلله اعتقد انه اوكي بس مااتجرا اشوفه اخااااف 😂 عندي مراجعه بعد اسبوعين يشوفون الجرح وكذا
ممممم طبعا من المسكنات اللي نفعتني بعد الولاده على طول المورفين ولله الحمد ..
مدري بس اي سوْال ياريت تسألوني عالخاص وبحط الجواب هني مع السوال لان ماعندي وقت اشوف كل الصفحات اعذروني وان شاء للله ارجع قريب اقول اكشن القيصريه وسوالفها
مهندسه قطر
الحمدلله على سلامتك وسلامتهم والف مبروك
فتحنا من زمان تجمع ثاني غير هذا
روحي له
الحمدلله على سلامتك وسلامتهم والف مبروك
فتحنا من زمان تجمع ثاني غير هذا
روحي له
آيانا
•
ماشاء الله مهندسة قطر الحمد لله على سلامتك يارب والحمد لله على سلامة اطفالك وربي يعينك على تربيتهم
الصفحة الأخيرة
اللهم بشرنا بما يسرنا وكف عنا مايضرنا