اولا : مبروك لجميع الخوات اللي ولدو الحمدلله على سلامتكم وسلامه البيبيات الله يرزقكم برهم
ثانيا : للاخت اللي تبي الحقن عشان توام .. ترى حمل التوام مو موضه ولا كشخه ووناسه .. والله اقول اللي يكره وحده يدعي لها بتوأم لان فعلا حملهم تعب تعب وعذاب جسدي ونفسي .. وسبحان الله كاتب لكل شخص رزقه بس مو اني ألجأ للحقن ومشاكله و مضاعفاته عشان توام .. لو مب محتاجه الحقن تعوذي من ابليس والله يكتب لج الذريه بدون اي تدخل طبي
ثالثا : خلصت مراجعاتي اليوم .. قالي الدكتور بيولدني فالاسبوع 35 قلت له مب محتاجه ابره رئه قالي اذا بعد الاسبوع 34 مب محتاجه لها بس بشوف يمكن نعطيك إياها لو مانفعت ماتضر بس بعد ال34 لو جات ولاده مستعجله مثلا مالها داعي الابره ..
راح اتنوم قبل القيصريه ب3 ايام عشان الجلطه ومتابعه السيوله والتخثر وهالامور .. بتكون اول قيصريه .. قالي الدكتور احنا نفضل البنج النصفي قلت له ليش انا اخاف من غرفه العمليات قالي لان البنج الكامل يتسرب للمعده والرئة وللجنين

أرسلت قبل مااكمل هذرتي ههههههه
المهم
فقالي مالج الا بنج نصفي وبلا دلع وخرابيط لو تعبت نفسيتج بنعطيج مهدىء ..
ولادتي بتكون بالضبط في الاسبوع 35 و 4 ايام
الله يسهل الامور ويعين ويوصلون حبايبي بالسلامه بدون مضاعفات لي ... والله يبلغنا جميعا سهوله الولاده وسلامه البيبيات
حبيت اقول التفاصيل عشان تستفيدون لو عندكم اسئله

فوفو اليوم اللي تدخلين فيه التاسع هو نفسه يوم العمليه ادعي لي

مهندسة قطر
والله نصيحه مني انسي خايفه وهالاشياء انتي قد ولدتي طبيعي يعني ذقتي اشد الالام الحين النصفي افضل باالف مره من الكامل الله لايحوجك له انا ادعي انه يناسبني النصفي واسويه ولااخذ بنج كامل مجربته مرتين متعب نفسياً وجسدياً والله يكتب اللي فيه خير لنا ولك ويتمم لنا بخير وصحه وسلامه 💗

سبحان الله نفس السؤال سألته بعد ماعرفت إني حامل بعد عملية حقن مجهري وجيت سألته هنا قبل أكثر من شهرين وللاسف مالقيت الا رد أو ردين..

عموما حبيبتي أنا طلع هرمون الحمل عندي732بعد 15يوم من الترجيع .. شكيت إنهم توام بس ماعرفت إلا من السونار بالاسبوع السابع..

بشري حبيبتي أنتي حامل؟
اتذكرك كنتي معنا في قروب المقدمات على الحقن المجهري