عزيزتي شوفي هذا المنتج
يحسن من جودة البويضات وتقييمات الناس ليه جدا حلوه وكثير كاتبيين حملو بعد استخدامه حتي بدون عمليه
بس االمشكله ماحيمدي تاخذيه لانه عبال مايوصلك تكوني سحبتي خلاص
وصف المنتج
تعزيز التوازن الهرموني
دعم وظيفة المبيض وجودة البويضات لدى النساء
تعزيز الدورة الشهرية الصحية
دعم صحة الحيوانات المنوية عند الرجال
مكمل غذائي
يكفي لمدة شهر واحد
تُنتج مادة ميو-إينوزيتول بشكل طبيعي وتنتمي إلى عائلة فيتامينات-ب المركبة.
من خلال العمل كعامل مُحسِّن للأنسولين، يساعد ميو-إينوزيتول على تعزيز الاستخدام السليم للأنسولين الهرموني، والذي بدوره يدعم وظيفة المبيض الصحية وجودة البيوضات وانتظام الدورة الشهرية. تشير الأبحاث أيضًا إلى أن ميو-إينوزيتول يدعم صحة الحيوانات المنوية.
بالنسبه لسؤالك عن البردقو مااعرف بصراحه بس لو قبل التنشيط كان نصحتك وبشده
عزيزتي شوفي هذا المنتج
يحسن من جودة البويضات وتقييمات الناس ليه جدا حلوه وكثير كاتبيين حملو...
قالها لي "عبدالعزيز الشهراني" قال يبقى الحمل إعجاز رباني
وهو في النهاية مثله مثل اي عرض صحي لايمكن يثبت الا بالتحليل والكشف
انا جربت الحمل وجربت الفشل ومافي شي اسمه اعراض وعادات ثابتة !
جسمك يتعرض في دورة العلاج لمجموعة من المؤثرات والأدوية والصحة النفسية المختلفة و و و ووبسببها له ردات فعل مو شرط تدل على نجاح ولا فشل
النقطة الأهم مهما قلنا أكل وما أكل واكلي كذا ولاتاكلين كذا كلها نسبتها لا تذكر فائدتها لصحتك انتِ بشكل عام مو انها بتنزل في جسمك وبتثبت الجنين الضعيف هذه مستحيلة !
عملية الحقن نجاحها الاول والاكبر فقط على البويضة والحيوان فقط .. وهذا شغل مختبر
البويضة الممتازه بحويصلتها الممتازه تتلقح مع حيوان جودته عاليه وينتج جنين قوي وسليم يقدر يغرس نفسه بقدرة الله ..
فيه بويضات كثيرة شكلها من برى ممتاز لكن بدون نواة وفيه حيامن شكله الخارجي جيد لكنه ضعيف
ثانياً جودة الرحم والبطانة اللي بتساعدهم على الثبات في الرحم
وهذا مقصد الأطباء اذا قالوا مارسوا حياتكم الطبيعية لاتعقدون انفسكم بعد الترجيع هم قصدهم اذا جنينك قوي وغرس نفسه حركتك العاديه هذه لايمكن تفكه لأن حجمة مثل رأس الإبرة تخيلي ومغروس
اما اذا جنينك اصلا ضعيف هو اوريدي ماراح يثبت نفسه فلا تتعبين نفسك بالسداح اللي ماله داعي
ودائماً تذكري ان هالتك المحيطة فيك هذه طاقة انتي تقدرين ترفعينها وتصير طاقتك مرتفعه وتقدرين تخفضينها وتصير طاقتك منخفضة لاتفكرين بالسلبيات وبيضرني وبيصير كذا وماصار كذا اللي باقي من العمر وكيف بعيشه وكيف بيكون هذه مو شغلي انا هذه اقداري كتبها لي ربي الرحمن انا دوري بس اعيش اللحظة واسعى لكل حلم اتمناه واتأمل وافرح وارفع طاقتي الايجابيه عشان هالتي تقدر تستقبل امنياتي وتحققها لو عمري مليون ومشتهيه طفل بروح وبسوي وبدفع وبفرح وبدعي وبجيبه ان شاءالله وبيجي وانا طيبه وبخير وهو طيب وبخير ❤️😍 القدر موكل بالمنطق لاتنسون دائماً