اليوم نمت الساعه الفجر وجلست ٩ وسويت التحليل وطلع الخط افتح من امس
وجات الشياطين تلعب في راسي ليكون تأثير الادويه طلع لي انه إجابي
بس زوجي جلس يقول امس نمتي ٦ ساعات التحليل كان مركز
اما اليوم بس ٣ ساعات التحليل خفيف بس
ماقدرت اتحمل وقلت له توديني احلل اليوم بكره الجمعه ولا في مكان فاتح وما اقدر اصبر اكثر ع اعصابي
وهو مبرد وواثق اني حامل وطول الوقت جالس يعاملني اني حامل ويقول انتبهي على ولدي 🥲
ورحت احلل وقالت كم لها الدوره متأخره قلت يومين لان فعلا عدا يومين على موعدها قالت بس وجايه تحللي قلت لان طلع تحليل المنزلي حامل وقالت وانتي تبين قلت ايه قالت خلاص بس تطلع النتيجه بعد ٣ ساعات قلت كثير قالت عشانك بعجلها بس مو اقل من ساعاتين
واجلس ياريي ع اعصابي مو متحمله ولا كلمه من احد واتصلت وقلبي يدق يدق مبروك انتي حاامل😭 كان اول مره اسمع هالكلمه جلست اضحك وابكي من الفرح ياربي لك الحمد
وعلى طول اتصلت على دكتورتي سهام وردت على طول قالت بدري تونا اليوم التاسع قلت يعني اعيده قالت خلاص مايحتاج الف مبروك تعالي بعد ١٠ ايام
توني مسكره من عندها وجيت اكتب لكم قصه حياتي اليوم
يارب يرزقكم كلكم وحده وحده وتفرحون مثل فرحتي واكثر يارب بحق هذه الليله تبشرونا مثل مابشرتكم
اليوم نمت الساعه الفجر وجلست ٩ وسويت التحليل وطلع الخط افتح من امس
وجات الشياطين تلعب في راسي...
اما الباقي بالعضل من ورا