shosho in U.S.A :

كلنا نازل الحديد يمدحون الشمندر بس انا نازل والله واحس مافيني اصلح لي شيء غير الحبوب الله يهون علينا الاضافه بالقائمة اكتبي لي اسمك برد لحاله انسخه واي شهر واذا مافيه تفاعل مصطره اشيله

كلنا نازل الحديد يمدحون الشمندر بس انا نازل والله واحس مافيني اصلح لي شيء غير الحبوب الله يهون...

كن أنت :

السلام عليكم اجمل امهات واقوى نساء بالعالم ❤️ وحشتوني جداً الله يسعدكم ويقومكم بالسلامة وتشوفون توائمكم بين ايديكم بصحة وعافية.. اولاً الله يبارك بالجميع يارب.. شلونكم؟ من ولد من ماولد ؟ ماشاء الله قريت عالسريع اغلبكم ثامن اتوقع حانبواري شهر ولادات 😅 باقولكم عن ولادتي..بس باقولكم قبله كم كلمة.. مافي شي بالدنيا كلها بيخفف عنكم المكم الا رب العالمين..تجبروا والجأوا له وادعوه..استغفروا الله كثير ولاتسمعون لاي احد..تجربتها هي تجربتها هي.. انتي تجربتك غير..استفيدي منها تعرفين الخطوات وايش بيصير ووش مو صاير.. لكن تفائلي بتجربتك انها بتكون أجمل..واسهل.. بالنسبة لولادتي.. رحت للطبيب لموعدي..ولقى فيه كونتراكشن بالتخطيط..والبنوتة الي تحت مازالت جالسة.. فا خلاص حدد عمليتي اما اربعاء او خميس.. اخترت الخميس العصر ورحت شفت طبيب التخدير.. وجلست اليومين الي قبله خلاص استعد وقفلت كل اغراضي وشناطي ونظفت البيت و خلصت اي شي محتاج مني خروج.. صراحة جاني اكتئاب فضيع..خوف ورهبة ومشاعر مختلطة..بس كنت ساكتة ومااتكلم.. ولما جينا ننام بالليل بس سالني زوجي ها مستعدة لبكرا؟ انفجرت بكاء بدون ولاااااا كلمة.. المشكلة كان يسالني وش فيك؟ طيب وش الي يصيحك وش السبب؟ انا نفسي مو عارفة ابداً..ابتلش فيني وكان بيكلم امي وحلفت عليه مايكلمها..لان فعلا مااعرف وشفيني.. قال اجل امشي نطلع ندور بالسياره وفعلا طلعنا درنا ليييييييين دخت خلاص من البكاء والدوران 😂 لما رجعنا البيت اخذت بنادول وحطيت راسي ونمت لين الساعه ٧ الصبح..وتروشت وصلحت شعري وانسدحت لين ١٢ ( عمليتي العصر وقالوا تعالي الساعة ١٢) واخذت اخر صورة بالبطن ❤️ وطلعنا المستشفى.. رحنا واستلمنا جناحنا وصار عليه مشاكل لان مو هو الي طلبناه وللاسف توترت زيادة..وصار الدكتور وزوجي يهدوني ويوعدوني مااطلع من العمليات الا والمشكلة محلولة.. وصار الدكتور يمازحني ويضحك وكذا يبغاني اغير جو..وخطوا التخطيط علي وراح الدكتور يكمل باقي مواعيدة عشان يرجع ونبدا العملية.. وقال ترا ماراح ابدا الا وانتي نفسيتك عال العال.. فا جلست اقرا واتعوذ من ابليس واستغفر لين صارت الساعة ٥ وجو وودوني العمليات..واستودعت الله نفسي وزوجي واهلي ورحت وانا كذا 😭 ورحت للعمليات وعند النقاهة ونادوا استشارية التخدير وقعدت تشرح لي عن البنج وايش بتسوي بالضبط والخطوات.. دخلت الغرفة وجو حطوا مخدة على بطني وجلسوني وقالولي انزل كتوفي وراسي عالمخدة.. عطوني ابرة تخدير صغيرة للمنطقة نفسها..بعدين دقيقتين وعطوني ابرة الظهر..ماحسبت الا بشكة بسيطة وبدأت رجولي تنمل.. قلتلهم رجولي نامت قالوا تمام هذا المطلوب..نوموني وخطوا الحاجز بيني وبينهم وحطوا الشرشف وثبتوا يديني..وجا الدكتور وسمى بالله وقرا شوي وبدأ.. اول شي سواه فك الربط ووراني اياه.. وبعدين بدوا بالعملية..قلت لحطة تراني احس في كل شي😂 قالوا طبعا بتحسبن بالشغل بس ماتحسين بالالم.. وسالوني اذا متضايقة..قالوا اذا متضايقة نعطيك سديشن تنامين شوي..قلت لا باشوف البيبيات.. وفعلا شوي ٥ دقايق واسمع صراخ الحلوات ❤️❤️ قلت جيبوهم باشوفهم ❤️❤️ قالوا بس ننظفهم ونجيبهم..جابولي اول وحده وحطو وجهها عند وجهي ❤️❤️ وكانت اعظم لحظة بحياتي..كانت تبكي وسكتت وصارت ترضع دقني ❤️❤️ وانا بهاللحظة بس..نسيت كل ابر التنشيط و مراجعات محلول التثبيت والادوية والمثبتات ومراجعات الاشعة وغرف الطواريء والربط والالتهابات و التنويمات والتمزق وتوسع الكلى و قلة النوم وقلة الاكل والحموضة و الارتجاع والم الظهر والم البطن والنفسية التعبانة.. كلو راح بهذيك اللحظة يابنات..اللهم لك الحمد.. جابولي اختها ونفس الشي ❤️❤️..دقيقتين واستاذنوني يودونهم الحضانة وخليتهم يروحون.. قال الدكتور الحين بننومك شوي لين نخلص تقفيل وخياطة.. وفعلا مامداه يخلص كلامة الا وانا نايمة..وصحيت وانا بالنقاهة..تطمنوا علي شوي وودوني الغرفة ولقيت زوجي مكلم اهلي وجايين.. سلموا علي وفرحنا شوي..بعدين فجأة بدا يشد علي الألم.. قلت ابي مسكن..وللاسف كانت فترة تبديل شفت بين التمريض وتاخروا علي..وصار شوي شوي يقوى الالم لين وصلت مرحلة مااتحمل وصرت اتوجع بقوة واصرخ..وجو ركض واعطوني مخدر بالوريد وتحميلة والحمدلله خف الالم..ونمت شوي.. صحيت بعد اقل من ساعه متضايقة مره من القسطرة..ابي اشيلها ورفضوا طبعا قالوا لين الفجر.. وخلوني مسدوحة بدون مخدة قالوا لازم خمس ساعات..وطبعا مافي اكل لين من بكرا..سمحولي بسوائل شفافة بعد ١٢ بالليل بس فا استسلمت.. جابوا البيبيات وسلموا عليهم وجابوهم معاي بالسرير وكذا وبعدين رجعوهم وعلى ال ١ بالليل عطوني مسكن ثاني ومنوم ونمت لين الفجر جت الممرضة صحتني وعطتني المضاد بالوريد وشالت القسطرة..وقالت لي عطي نفسك ساعه ولا اثنين وناديني نمشي.. انا وقتها ارتحت صراحة..كنت مره متضايقة منها الله لايحدني لها يارب.. ورجعت نمت ساعتين يمكن..شوي الا الممرضة حقت شفت الصباح جاية تصحيني وقومتني نمشي.. فعلاً فعل اصعب شي هو اول مشية..بعد كذا كل مشية اسهل من الثانية.. ودتني الحمام وغيرت لي ولبستني وحاولت تمشيني شوي شوي لين حسيت نفسي دايخة ورجعتني.. اول يوم بعد العملية هو اصعب يوم..ألم وتعب وماقدرت حتى امسك بيبياتي واشيلهم..لكن بعد كذا سهالات.. بعد كذا كله متوقع..ألم العملية لابد منه بس كل مامشيتي كل ماصار محتمل..الغازات بيعطونك أدوية لها طول فترة وجودك بالمستشفى وسبحان الله ياهي تريح اذا طلعت.. الجرح مالي خبرة فيه للان بس اليوم الثالث خلوني اتروش وفكوة وخلاص خلوة مفتوح وقالولي عادي تتروشين وتسوين كل شي عادي..طبعا خياطتي تجميلية ليزر.. المهم التغذية يابنات..اضغطوا على انفسكم وكولوا وخوذوا ادويتكم وتقووا.. وبس هذي قصتي.. للاسف اليوم كتبوا لي خروج وبناتي بيجلسون عشان الصفار 💔 دعواتكم الله يشفيهم ويطلعهم على خير..مافي أسوأ من طلعة الأم من المستشفى بدون أطفالها 💔 استودعتهم الله يارب الله يحفظهم..

السلام عليكم اجمل امهات واقوى نساء بالعالم ❤️ وحشتوني جداً الله يسعدكم ويقومكم بالسلامة وتشوفون...

ام فاين :

بنات الخياطه اللي ليزر كذبه مافي شيء اسمه ليزر ابحثوا وشوفوا انا قالولي ليزر ولما بحثت مافي شيء كذا هيا خياطه تجميليه داخليه وماله اثر الخياط الا شيء بسيط جدا لما تدققي تلاحظيه انا كذا خياطتي وحتى مافي اي غرز ابدددا وقالوا خياطتك تجميلي ليزر!!

بنات الخياطه اللي ليزر كذبه مافي شيء اسمه ليزر ابحثوا وشوفوا انا قالولي ليزر ولما بحثت مافي شيء...