الحمدلله من قبل ومن بعد ولدت ب عملية قيصرية في الاسبوع ٣٧ وجبت احلى عروستين وعقبالكم يارب

الف مبروك امونه الله يصلحهم لك ويرزقك برهم

ماشاءالله الف مبروووك ياعسل والحمدلله على سلامتك
كيف العرايس وكيف اوزانهم طمنينا ربي يبارك لك فيهن يارب

عقبالنا يارب والله افرح على الاخبار هذي تعطينا طاقه ايجابيه وحماس نصبر 😅

السلام عليكم ورحمة الله وبركاته


الله يبارك فيكم كلكم ياررب ويحفظ لكم مااعطاكم
ويهون على الحوامل
ويتمم لكم بخير

انامن بدايةالاسبوع35 معي طلق وتحجرومن السبت زادعليبس مافكرت اروح لان موعدي الاثنين
ولمارحت الموعد وزينت تخطيط طلع معي طلق قال الدكتورلازم تنويم عشان نعطيك مهدئات وان شاءالله بكرة تطلعين انارفضت قلت بطلع على مسؤليتي واذا زادعلي الطلق اجي عالطوارئ ورفض الدكتور اني اطلع
طلعت التنويم وركبوالي جهازالطلق واعطوني حبة مهدئة وابرة الرئة
وبعدالعشاءزادمعي الطلق ويفحصوني لقوا فاتح 3قالوا نستنى ممكن يتسكربعدالحبة انا تعبت حييل من التخطيط والطلق وصايمة من الظهر
وكل شوي يدخل علي دكتوريقنعني بالطبيعي وانا راافضه مرة مابي
ولماصارت س12شالواالتخطيط قالوا حاولي تنامين وتريحبن وان شاءالله يخف واناارتاح من التخطيط كسرلي ظهري مع الطلق والتحجر
حاولت انام وحسيت خف الطلق والتحجرونمت ساعه ونص تقريبا
الفجراعطوني حبة ثانية مهدئه وابرةالرئةوركبواالتخطيط
وبعد كم ساعه جى دكتوري لقى لسى فيني طلق قال اقول للدكتورة تفحصك اذا في توسع نسوي لك العملبة
فحصتني لقت مفتوح4
وبعدها تجمعواعلي الدكاترة يقنعوني بالطبيعي انا رااافضه لاني مت من الطلق ولسى بس4ومافيني جهدصايمة 24سوحلقي ناشف وميته عطش خفت لكن بعدين استسلمت قالوا بعدشوي شوي نوديك غرفه الولادة
بعدين جى الاستشاري قالي ليش انتي رافضه الطبيعي قلت لان واحدراسه فوق كيف بيطلع خايفه اتعب وبعدين اتحول قيصري قالي لا ماعليك 80بالمية راح يقلب الثاني وطلع وسكتت محتاارة
وسوالي سونار وفحصني
قالي خلاص حنسوي لك العملية الحين
قلت ليش قال لان اللي كان راسه تحت نزل برجوله
وانااستاانس حسبت برااحة الحمدلله شايله هم الطبيعي
وعلى طول ركبوالي القصطرة واخذوني للعمليات كنت مررة تعباانه من الطلق انتظرالبنج بفارغ الصبر
دخلت العمليات كانت باااردة ثلج واناارجف وانتظرالبنج تاخروا
بنجوني س10:25د
وماصحيتالاعلى اصوات الدكاترة على راسي وانااشاهق عجزت اتنفس وهم يصاحون علي تنفسي مع فمك تنفسي مع فمك انااتنفس معي فمي بس صوتي غريب اشااهقوحاطين الاكسجين والله يبنات شفت الموت خلاص بهاللحظة ماني قادرة اتنفس
بعدين كم دقيقة الحمدلله قدرت القط انفاسي لكن لسى التنفس صعب شوي
بنفس الوقت جسمي كله يرجف من البرد
والم العملية يااااه يارب رحمتك دفوني حطوالي جهازهواءحاروغطوني ابطانيات واعطوني ابره مسكن والحمدلله ارتحت
ودوني التنويم س12تقريبا
سالت البيبيات وطمنوني عنهم وزنهم زين الحمدلله
وبعدهانمت احلى نومة

بس اليوم الاول من العملية متعب متعب بكل ماتحمله الكلمه
انااحالي ماعندي مرافق لكن ياعدتني الممرضه على القومة اول مرة ودخلت معي دورة المياه وبعدين صرت احاول اعتمدعلى نفسي كل مامشيت يخف الم العملية والبلغم
اناهدحيلي الجوع اكثرمن يومين صايمة بي من اكلت قدرت اشيل حالي
وبس ادري طولت عليكم

هذي قصة ولادتي والحمدلله على فرج ربي والحمدلله عالتيسير
والله احس ماني بحلم مومصدقه انتهت فترة الحمل

واليوم رحت الحضانه وشفت اولادي😍😍وشلتهم ورضعتهم يااربي نتف نتف مررة الملابس نيوبورن اكبرمنهم

استودعتكم الله اعذروني لوماقدرت ادخل البوم بطلع للبيت واناتعبانه ماعندي احديساعدني

الفال لكم اللي بالثامن والتاسع
ويتمم على الباقي ...