راضية مرضية :

ابقول لك تجربتي المتواضعة وكله طبعا بأمر الله وما هي الا اسباب. رفعت الحديد وفيتامين د لأنهم كانو نازلين- وطبعا شيكت بي ١٢ كان معقول بس خذت جرعات بعد. حسنت أكلي- ما حرمت نفسي من شي- بس قللت الخربطة. القهوة العربية تركتها من ٥ شهور. من أيام الحجر كرهتها مع اني كنت مدمنة - التركي يوم ورا يوم وقطعته نهائي. معد اتحملهم يجيبون لي حموضة (ولعلها خيرة) حدي الآن لاتيه ومو كل يوم. الفيتامينات خذت اوميغا ٣ وكيو١٠ ومضاد اكسدة شهر ونص تقريبا ووقفت. لانهم مع منشطات المحاولة الي قبل زادو وزني ٤ كيلو في ٣ شهور تقريبا وكنت مرة شايلة هم الصراحة. أفطر بيض مسلوق شبه يومي إلا بعض الأحيان آكل شي بالدوام أو أكون مالة وودي أغير، بس البيض أكثر شي عالفطور وغالبا وحدة بس مع خيار وشريحتين توست بر وآخذ لي موزة بالدوام ولا تفاحة ولا كم حبة بسكوت دايجستف. سجلت نادي ورحت أسبح ورياضة بس الصراحة ما كنت مداومة مرة بسبب الانشغال. بس اذا سجلت بنادي يقل اكلي تلقائيا وهذا كان هدف، كنت حريصة أشرب موية كثير واذا حسّيت اني مقللة أعد الكاسات والعلب عشان اقدر الكمية. كثفت الدعاء والصدقة بنية الفرج وزوال الهم- وطلبت من الله ان يرزقني اويرضيني وانسى هالفكرة واشيلها من راسي. كنت أعاني وشعري طاح من التفكير . سويت تحفيز يوم ٢١ من الدورة وخذت المحلول الأبيض حق الأجسام المضادة - الدكتور قرره- أنا ما طلبت شي. غير لي الدكتور المنشط بس نفس الجرعة وبعد الحقن عطاني ابر سيولة ٣ مرات بالاسبوع ومرتين بالاسبوع مثبت وتحاميل واسيرين. المحاولة الي قبل كانت فقط تحاميل. بعد الترجيع ٤ ايام ما نزلت تحت، وتحممت اليوم الخامس وطلعت اخذ ابرتي. واليوم السابع رحت الدوام كم ساعة والي بعده بعد رحت - بس كنت أحاسب بحركتي أحاول ما أدنق- واتحاشى الدرج. والتاسع تحممت ثانية (موية فاترة)، وكنت اصلي عالكرسي. بس مرة غلطت وانتبهت يوم سجدت وخلصت🙃. الله يرزقك يا رب من واسع فضله

ابقول لك تجربتي المتواضعة وكله طبعا بأمر الله وما هي الا اسباب. رفعت الحديد وفيتامين د لأنهم...

الحور 22 :

الله يعطيكم العافية يا بنات تصدقين حالتنا المادية كويسه بس الله يهديهم بعض الدكاترة اذا الرجال سمعهم يقولون مافي أمل ييئس ويصدقهم ما يدري ان الرزق من الله مو من الدكتور تصدقين لما رحت لدكتور مازن قبل اقوله انا حملت طبيعي بسوي حقن يمكن مالي سنتين حملت طبيعي يقول يمكن بالصدفة حملتي بهاذي البويضة وخلاص زوجي ما يشوف بعد كلام دكتور مازن كلام رغم اني بعد كلامه انقهرت ورجعت له قلت له ليش تقول كذا وكمان رحت الصفيان يقول مافي أمل وكثير دكاترة كيف يقولون مافي أمل وأنا دورتي منتظمة الحمدلله وعندي تبويض حتى لو بويضتين كويسه ويصير حمل كثير شفتهم حملوا بمخزون ضعيف اهم شي فيه تبويض ودورة منتظمة

الله يعطيكم العافية يا بنات تصدقين حالتنا المادية كويسه بس الله يهديهم بعض الدكاترة اذا...

قمرية 1409 :

زوجك سليم؟ اذا سليم باذن الله تحملين طبيعي المخزون الضعيف سمعت دكتور يقول نسبة حمل طبيعي اعلى من الانابيب عليك بالدعاء والاستغفار وواصلي على الفيتامينات ٦ شهور مو ٣

زوجك سليم؟ اذا سليم باذن الله تحملين طبيعي المخزون الضعيف سمعت دكتور يقول نسبة حمل طبيعي اعلى...

Mesha86 :

كم مخزونك حور؟؟ غريبه اذكر انه مو مره ضعيف

كم مخزونك حور؟؟ غريبه اذكر انه مو مره ضعيف