تكفون يابنات تردون علي
انا جتني ضيقه وكئابه مدري هو اكتئاب ولاأيش حتى النوم ماعاد انام زين لو في نوم ماتغمض عيني مدري ليش
وش الحل هل في علاج لمثل حالتي
صراحه ودي ارجع مثل قبل ودي انام مثل الناس
من مرت بحالتي وش الحل وهل راح اطول الحاله
حتى زوجي مابغاه يطلع ولايبعد عني
مدري وش جاني ماكنت كذا
زوجي عنده اجازه وبيسافر لأهله وانا ماقدر اسافر بجلس عند اهلي
ومابغاه يروح احس بضيقه
وش الحل يااااااناس تعبت
ابغى ارجع طبيعيه

اولا انا سويت عملية حقن مجهري بدبي ورجعت السعوديه وقدر الله وحملت بتوأم وماكان عندي حل الا اراجع بمركز بنون عند الدكتور عبد العزيز سوى لي عملية ربط مع انه مااحتاج بس قال توأم ومدري ايش فتوكلنا على الله دخلت التاسع بداية رمضان وحدد لي الولاده الثلاثاء 7/7/2015 في مستشفى المواساه واجمالي العمليه مع المستشفى 35الف غير انه اذا احتاجوا حضانه فالحضانه اليوم الواحد ب5الالاف عاد احنا مطفرين من بعد عمليتنا بدبي وسبحان الله الهمني اروح طواري لمستشفى الملك فهد زي ماقالوا لي الاخوات هنا ورحت طواري وكشفت علي دكتوره قالت الرحم مفتوح واحد سانتي والربط مو مشدود مرتخي طبعا من يوم مااربطت وانا احس بالالام بس كنت احسب ان الرحم يتمدد وقالت لازم ولاده بس ماعندنا الا حاضنه وحده بنحولك على مستشفى اهلي على حساب وزارة الصحه وحولوني على الحبيب اللي بالتخصصي

كان وضع التوينز واحد راسه لااسفل والثاني مستقعد جاء الاسعاف وركبت ووصلني للريان طبعا خض ام ام امي بسواقته فصار التوينز روسهم لتحت والله دخلت وفحوصات وحطوا جهاز النبض على بطني وجهاز الطلق والتوأم الاول نبضه يروح ويجي والثاني تمام وجت دكتوره اسمها الكسندرا حبيبه مره وقالت عمليتك بكره ان شاءالله واعطوني ابرة الرئه وجت دكتوره ثانيه قالت نفك الربط وجت تفكه وانا ابكي واصيح من الالم وطلع ان الربط ملتهب وملتف عليه لحم الرحم بس بعد مافكته ارتحت والله وزاد الطلق واليوم الثني سويت العمليه وطلبت بنج نصي وسبحان من الهمني

لانه لو حطيت كامل ماكان اكتشفوا مشكلة التوأم الاول في التنفس لانه بينام طبعا التوأم الاول كان عنده مشكله من التنفس بسبب التهاب الربط في رحمي فجلس بالعنايه اسبوع وقلبي بيتقطع عليه والثاني الحمدلله تمام
الدكتوره سألت زوجي وين سويت الربط (طبعا انا مااخذه نسخه من ملف مراجعاتي من مركز بنون) فجاوبها زوجي فقالت المفروض بعد الربط في تحليلين يعملها الدكتور ومو موجوده معناته الدكتور مايفهم اذا ما سواها طبعا زوجي ينتظر هالاطفال من 22سنه وبعد هالمشكله فار دمه وطلب من مستشفى الحبيب تقرير عن حالتي ودق على الدكتور عبد العزيز وتضارب معاه فقال انه يسألني اذا فيه افرازات وانا اقول لا قلت هو ماسألني الا قبل الربط بعد الربط ماسألني بشيء وانا اول مره اربط فمااعرف وش المشاكل اللي تجي من الربط المهم زوجي الى الان ناوي يشتكيه بس انشغلنا بالعيال والحمدلله طلع التوأم الاول وهو بخير وصحه وبس 🙈

ياحياتي ياهالومون الحمدلله بالنهايه الي حفظ لك اطفالك وحنا نخلص من مشكله الحمل وتاخره تجينا مشكله متابعه الحمل والولاده الله يأجرنا بس 😢