الشوق الصعب كل بنات التجمع القديم مسوين قروب بالكاكاو والحمد لله
الحياه معهم صعبه جداً انا جلست ثلاث شهور عند اهلي
وشهر رجعت للبيت وتعبت لحالي مجهود مضاعف وجتني المراره
ورجعت شهرين لاهلي
والحين شهر ببيتي وانتظر خدامه مقدمه من ايام الحمل وماشفتها حسبي الله
ولادتي مافيها اكشن قلت لدكتور يعلمني تاريخ للعمليه وعطاني نصف التاسع
رحت قبلها بيوم نوموني وخذو تحاليل وتخطيط وكل شي ،ومن بكره الصباح سويتها تخدير كامل
صحيت وطمنوني ع الاطفال كانو بالحضانه عشان مامعي مرافقه
بعد ساعه ونص بديت اصحصح كلمة اهلي وبشرتهم وجت اختي عندي وامي كذلك وعطوني الاطفال كانو صغار مره كيلوين ،حتئ ملابس النيوبورن طلعت اصغر منهم ، فآختي لبستهم فنايل بس لانها طلعت عليهم زي الثوب كبيره ههههه
رضعتهم صناعي حاولو بالمستشفئ ارضع طبيعي بس ماقدرت لان عندي حلمة الصدر غائره ماتطلع
والحمد لله علئ كل حال الله يعظم اجرنا تعب حمل وولاده اغلبنا قيصريه وتربيه صعبه لاتقدرين نروحين ولاتجين ةلازيارات ولا مطاعم صعب تشيلين طفلين وصعب تتركينهم عند احد وتسافرين
يقولون بعد سنه يخف التعب وهذانا ننتظر

وزني زاد مع الحمل وصل 80
وبعد العمليه بعشر ايام كان 70
والحين بعد ثمان شهور رجعت 59 الحمد لله

انتبهو من كثرة الكالسيون تكون حصوة المراره وكذلك الدهون وقت النفاس والاكل الدسم

دعواتكم لي بالتوفيق

صغيرونه حنونه 
ماشاء الله تبارك الله ربي يتمم لك على خير ياقلبي 


بنات خلونا نسولف شوي ونحرك التجمع عندي كم سؤال للامهات الي ولدوا بالسلامه نبي نستفيد من تجاربهم خصوصا الي اول حمل مثلي ومايدرون وش السالفه 

1- كيف صار روتين حياتكم لما دريتو انكم حوامل بتوأم 
2- وش ادويتكم ومتى تركتوها 
3- هل قرر لكم الطبيب ربط 
4- متى ولدتي بأي شهر 
5- ابرز الصعوبات الي مر عليكم بحملكم 

اكثر شي الخوف والقلق وبالاشهر الاخيره الثقل

الملابس نيوبورن افضل على حسب اوزانهم غالباً التوأم يكونوا صغار والسرير اخذت السرير الكبير واحد وحطيت فيه سريرين صغار اللي شبه السله نفس فكرة الصوره بس شريت كل واحد لحاله مالقيته موجود بالسوق

كانت الدكتوره معطيتني فرصه للولاده الطبيعيه لان الرؤوس متجهه للاسفل وبما ان عندي قيصريه سابقه كانت هذي آخر فرصه للطبيعي في اليوم الثالث من دخولي للتاسع انسدحت بعد الغداء الا احس مغص اسفل البطن وبعظمة العانه وحسيت صوت طقه خفيفه من جهة اليسار واختفى الالم واحاول انام بين مصدقه ومكذبه قلت خلني اروح الحمام واشوف يوم دخلت الحمام اول مابعدت بين رجولي الا المويه تتتدفق بغزاره واروح الطواري ويعملون اختبار للمويه قالوا يمكن التهاب وتطلع موية الجنين ويقيسوا عنق الرحم مفتوح 3سم واجلس من4العصر الى7المغرب ماتغير وقالوا واحد من الاجنه في التخطيط عنده تسارع في نبضات القلب لانه مويته نزلت والثاني كويس وبعدين جاني دكتور ودكتوره مناوبين واشرحوا لي وضعي وتكلموا عن الولاده الطبيعيه والقيصريه وحسيتهم مايلين للقيصريه واعطوني نص ساعه اقرر توكلت على الله واخترت قيصري انتظروا لما كملت 7ساعات من أكلي عشان التخدير كنت متغديه الساعه2 ودخلوني غرفة العمليات وخدروني نصفي ابره الظهر وسووا لي العمليه طلبت منوم لاني خوافه ورفض دكتور التخدير الا بعد مايطلعوا الاطفال ويوم طلعوهم نوموني وكملوا العمليه صحيت وهم ينظفوا جسمي وجابوا لي بناتي وطلعوني على غرفة الافاقه جلست فيها6ساعات لين ماحركت رجولي وراح اثر التخدير وودوني على غرفة التنويم جتني ممرضه تقومني للحمام وفكت قسطرة البول ومشتني شوي واسمحوا لي بالسوائل فقط مدة24ساعه بعدين تاكلين عادي اهم شي المشي بعد العمليه يخفف من الغازات اللي تضغط على الجرح وطلعت البيت بعد3أيام وفكوا الكبس بعد أسبوع