زهور الحياة123 :

بنات وش علاج الضيقه والحزن وقل النوم ابغى اطلع من بيتي احس مكتومه ودي ابكي اذا جلست فيه اطلع اروح لأمي بس اذا رجعت لبيتي رجعت لي الضيقه ابغى ناس ودي عندي احد يسولف معي ودي احد اسهر معه في الليل وسوالف بس الشكوى الله كلن مشغول بحياته خواتي كلهم متزوجات وزوجي ينام وراه دوام وماعندي جارات مدري انا ماكنت كذا مدري وش قلب حالي هل هذا وحام او اكتئاب حمل ولا وش تعبانه مره طفشت وش الحل هل من علاج لاني تعبانه مرررررره من الضيقه قرأت تجارب في النت فيه ناس صروفوا لهم ابر ب المركب يقولون تخفف الوحم واكتئاب الحمل ياينات الي مثل حالتي وش سويتوا بالضيقه كل شي ممل التلفزيون النت الأستقرام الواتس حتى الواتس اشوف اخر ظهور لناس 10 او 12 ماشاء الله نايمين وانا فيني ارق ماني قادره انام ولاني قادره ارتاح من الضيقه وكارهه بيتي ودي اطلع منه الله يعين يارب متى تروح هالأعراض هذي كلها باقي اسبوع ودخل الخامس

بنات وش علاج الضيقه والحزن وقل النوم ابغى اطلع من بيتي احس مكتومه ودي ابكي اذا جلست فيه اطلع اروح...

الطيوبه. :

نعناعه اعراضي بدت طوالي اول ماحملت وهي كالتالي😂😎 الم الدوره ببطني وظهري مافارقني طوال ثلاث شهور يوميا غثيان بدون ترجيع يوقف الاكل بنص حلقي 😷 كرهت الاكل وريحته والمويه وعشت ع الفواكه وبعض اكل المطاعم يجوز لي بس بعدين يبدا الغثيان وانغث جاني الم باسفل ظهري جهة وركي اليسار بالمفصل الممم مو طبيعي شهر واختفى الم بالصدر والحلمات واسودادها😢 جتني حاله بكاء 😂 استغفر الله ومازلت بس اخف الحين بعد مادخلت الرابع اختفت كل الاعراض الحمدلله وبدا الثقل ببطني وبدت الكرشه تطلع بسرعه وبدت الالام بالوروك واسفل الظهر كلها بالعظام 😭😭😭 وبشوف وش سالفتها بموعدي الجاي وسلامتكم

نعناعه اعراضي بدت طوالي اول ماحملت وهي كالتالي😂😎 الم الدوره ببطني وظهري مافارقني طوال ثلاث...

مدام 09 :

بنات كيف تسوون اقتباس؟ نعناعه انا حملي الاول بعد سنتين ونص من زواجي تعذبت فيه نزيف ومويه تسربت والتهابات شفت الموت فيه وولدت بالاسبوع 25 جبت ولد ومات حملي الثاني كان حمل طبيعي بدون علاج ولا متابعات كنت خايفه ومتوترة ونزل علي دم على فترات الى ان وصلت الاسبوع 22 ووقف الدم وبالشهر السابع كنت كله الشهر معاي طلق والحملله ولدت بنتي قيصريه بالاسبوع 38 و 5 ايام كنت ابي اسوي ربط واستخرت وقالو لي طول عنق الرحم طبيعي مايحتاج ربط وهذا ثالث حمل لي وكان صدفه بدون علاج ولاشي وماشاءالله لي 33 اسبوع عانيت معاناة من الام اسفل رحمي والالم بظهري ووركي وبكره موعدي وان شالله خير ماعرفت اني حامل بتوم الا بالاسبوع 21 فما ادري هل احتاج ربط اولا المهم اني وصلت للثامن صحيح تعبت بس الحمدلله وصلت كتبت لك عشان تخففين من التوتر لاني مريت باللي مريتي فيه والله يعوضك ويتمم لك على خير

بنات كيف تسوون اقتباس؟ نعناعه انا حملي الاول بعد سنتين ونص من زواجي تعذبت فيه نزيف ومويه تسربت...