حبيبتي الله يرزقك بالتؤام
بس نصيحتي ابتعدي عن الاعشاب والخرابيط اذا ودك روحي تابعي عند دكتور منشطات وتحت اشرافه اما الاعشاب كلها لخبطة هرمونات

صغيرونه حنونه
ليه ياقلبي التشاؤم ليه ربي من عليك بنعمه عظيمه ورزقك بالحمل تقومين تتشائمين
شوفي ياقلبي انا روعوني بعض العضوات هنا الله يصلحهم الي تقول النبض يوقف والي تقول جنين مافيه والي تقول حمل كيميائي جاني اكتئاب شديد وكرهت المنتدى وماعاد دخلته فتره واكلتني الوساوس وقررت اني اعيد التحليل بس زوجي كرشني والحمدلله مع الوقت بديت ارتاح شوي شوي واذكر نفسي ان اصابع اليد مو سوى ولا اخلي تجاربهم مقياس لي
بسالك انتي لك تجارب فاشله او اجهاضات يمكن عشان كذا خايفه توكلي على الله ياقلبي كلنا وش بيدنا قولي لي مالنا الا رب العباد نتوكل عليه ونحسن الظن فيه انا سميت اطفالي وبديت اخطط وش اجيب لهم وافكر باشياء كثير ابي استمتع عكس زوجي كلما كلمتن عنهم انواع التحطيم يقول قوليي ماشاء الله ولاجو يصير خير ياثقل دمك بس ومع كذا ماعلي منه بستمتع بلحظات حملي ذي خصوصا ان الوحم المخيس بدا يخف ابي انسى كل شي اقراه وابي اتجاهله


طولت حكي
الزبده مادام وضعك سليم مادام مامعك دم مامعك نزيف خلاص كوني قويه اقوى مر كل شيء وادخلي معنا بالجو وش بنسميهم وش بنشتري وش احسن المحلات وتذكري دايم نفسيتك بتنعكس على اطفالك امس صار بيني وبين زوجي تتش غبي وانقهرت منه وجلست اصيح والله العظيم بطني جلس يمغصني طول اليوم وتعبت مره الحمدلله عدت مافي شي يسوى اني ازعل نفسي عليه او اخسر هالنعمه الي الله من بها علي

السلام عليكم صبايا كيفكم الحمدلله جهزت اغراض التونز واغراضي والاسماء للحين مااتفقنا على الاسماء الله يتمم علي وعليكم على خير ويسهل وييسر لنا الحمل والولاده يارب

حجازيه متفائله الله يكتبلك اللي فيه الخير وتنظمين معانا بالتجمع عن قريب

ما شاء الله عليك ي فونه المزيونه انا للحين ماجهزت ولا شي الله يستر لا تجيني ولاده والا شي وانا باقي استودعت الله الذي لا تضيع ودائعه...... بأي شهر انتِ ؟؟ وايش جهزتي