لمووو
انا الحمدلله كوييسه بس الم الظهر لايطاق من يوم دخلت السادس ويتحجرون النونوات حق ثواني ويفكون يارب يسر لنا وتمم حملنا انتي ماشاء الله صرتي بأي شهر الحين ؟؟
/
ام سعودي
ايوه ان شاء الله رح اروح للعسكري خلاص
بس اللي مخوفني تعاملهم بعد العمليه مااحب
احد ينافخ علي والا ادق الجرس ومااحد يجي 😩
ابغاهم يدلعوني 😂

ام جسار انا لي تجربه في العسكري
من زمان
خايس مره الممرضات نفوسهم شينه
وحرمت ارجع لهم
عاد مدري الأن تغير او لا
لاني مادخلته ابد من بعد هالتجربه
شوفي اذا تقدرين تفتحين ملف في المدينه الطبيه
يمكن يقبلون حالتك
انا اتكلم عن عسكري الرياض اذا هو الي تقصدينه

السلام عليكم بنااات ان شاء الله الجميع بأتم صحة وعافية 🌹🌹
اشكر كل من رد على استفساراتي لاحرمتو الاجر ..
بما أني في نفاسي ببنتي ما أهتميت بنفسي .
وبما أني ناوية هالمرة اهتم فيها .
وبما اني لي فترة ابحث واحوس عن افضل اعشاب وادوية النفاس من عدة مصادر من ضمنها الدكتور جابر القحطاني .
وبما اني توصلت من خلاصه بحثي الى مجموعة بسيطة شافية ووافيه بأذن الله وكتبتها في قائمة وبأقرب فرصة بمر العطار واشتريهم واجهزهم .
وبما اني احبكم وابي لكم الخير مثل نفسي .
انقل لكم هذي المجموعة العشبة للي حابة .. وهي :
( شمر >>> مفيدة جداوخصوصا لغازات البطن
(حلبة >>>مفيدة لادرار الحليب وتقوية العظام بس شايلة هم ريحتها وقريت انه فيه منها حبوب مالها ريحة بس بصراحة ما ادري اذا فايدتها نفس الطبيعي ولا لا .
(عشبة عباءة السيدة >>> مافيه احد ما جربها الا مدحها و الدكتور جابر القحطاني مدحها كثييير ..وهي خاصة لتضييق المنطقة بعد الولادة ولحد يقول القيصري ما تتوسع كل الولادات اذا ما صار معاها اهتمام تأثر فيها .
(قشر القهوة >>>غنية عن التعريف .
( بالاضافة للتمر و العسل والحبة السوداء والزنجبيل والقرفة ..
واللي يقول لكم اشربي مردود ومدري ايش تراه طعم مخيس وعذاب عالفاضي .
وسلامة كل وحدة فيكم .. أسأل الله في هذه الساعة في الثلث الأخير من الليل بأن يفرح قلوبكم بش فة أجنتكم وهم بأتم صحتهم وان يرزقكم برهم وان يرزق كل من اراد انه على كل شيء قدير .

السلام عليكم ورحمه الله وبركاته
كيفكم ياحلوين ان شاء الله تمام
صغيرونه
سلامتك ياقلبي ولاباس عليك ان شاء الله والله يشفيك ويقومك بالسلامه ويحفظلك الصغار وماقصرتي بالقائمه حتى بعد الولاده وان شاء الله البنات فيهم الخير والبركه يكملو الي بديتيه
فجر حايل
انا سوبت ربط ولا احس فيه الحمدلله هي الاسابيع الاولى كنت احس بخشونه الخيط ووخزات خفيفه وما اقدر اجلس معتدله اغلب شي انسدح الان ولا احس اني رابطه اخرج وارح واجي والامور تمام بس الافضل الوحده تنتبه للربط من ناحيه التهويه والنظافه علشان الالتهابات والي تسال هل يمنع الولاده المبكره هو مايمنعها بس يساعد باذن الله في الحفاظ على الحمل لان البعض ينفتح الرحم من غير ولاده يتوسع عنق الرحم او يقصر او يضغط عليه الجنين بدون وجود ولاده
ام جسار
نورتي ياقلبي الحمدلله هانت وتمر الشهور باذن الله بسهوله يارب انا ابر كلكزان ما وقفها الدكتور قال هي والجسبرين توقفيها قبل الولاده ب3 ايام او يومين اما الدفستون والسيكلوجيت خففها لي وطلب مني اسيبها بس انا ما ابغى اسيبها الا اذا خلصت السابع خايفه من الولاده المبكره وخصوصا من دخلت السابع وانا ذابحني التحجر المتواصل مو يجي شوي ويروح لا متواصل حتى لما بنام ما اقدر على ظهري انكتم وادوخ واذا جيت بالف من جنب لجنب لازم احد يساعدني واذا بقوم لازم احد يوقفني الحمدلله بس باقيلي اسبوعين وادخل الثامن الحمدلله واحتمال اطلب منهم ينوموني علشان ما اقلق انا ما انام في الليل من القلق اخاف يجيني طلق وما اعرف او اولد بدون ما احس بطلق
اما الي تسال عن القصدره ترها سهله واريح من الروحه للحمام وفك الربط يقولو ماتحسي فيه والاغلب يفكوه مع العمليه ماتحسي فيه
اما التجهيزات يا ام جسار عادي انا ماجهزت الا لبستين لكل بيبي واذا سويت العمليه وولدت بارسل اخواتي يجهزو انا خلاص ما اقدر اتحرك يادوب للمواعيد وبالكرسي المتحرك كمان

صباح الخيرات
واخير رجعتو همس وام جسار لكم فتره مختفين