زهور الحياة123 :

اخباركم يابنات حابه اندردش في موضوع يابنات قبل يومين كنت اسولف مع وحده في الانستقرام ومتاخره بالحمل قلت لها صلحي انابيب ودخلت علي خاص تسالني انتي مسويه انابيب قلت ايه والحمدالله حامل بس قالت انها مو مرتاح لموضوع الأنابيب وخايفه تعيش طول عمرها تفكر هم عيالها او لا قلت لها المستشفيات حريصه ومستحيل يصير مثل هالخطاء وقلت لها اذا ولدتي راح تعرفين هم عيالك او لا بالشبه اكيد راح يشبهون لكم قالت ملامح الاطفال في البدايه وماهي واضحه ويمكن يصير ماطلعوا علينا واقعد طول عمري شاكه وسالتني ليش الي يحملون بأطفال الانابيب مايعلمون الناس قلت لان ماحد له دخل وناس وش عليها كيف حملنا بس فضول وكلام زايد قالت انتي علمتي احد طبعا طلعت ومارديت عليها بس فكرت بكلامها كثير وحبيت تناقش في الموضوع ليش فعلن مانتكلم عادي عند ناس ونقول حملنا انابيب بالنسبه لي ماقلت لأحد خايفه احد يحذف عليك كلمه منا ولا منا وخايفه تجيك وحده ملقوفه وتجلس ترمي كلام عيالك مايشبهون لك ومن ذا الكلام مثل الي يقول لايكون ماهو عيالك قلت اقطع الطريق على الناس وأريح راسي اما بالنسبه لي بقعد افكر هم عيالي او لا ماخفيكم في بداية علاجي كنت متردده وكنت خايفه بس يوم شفت حرصهم وتعاملهم وكيف حريصين وكلن يسألك عن اسمك كامل قلت ان شاء الله مستحيل يصير في غلط وتوكلت على الله والحمدالله مرتاحه كل وحده تجاوب على الأسئله ليش ماعلمتي احد ان حملك انابيب؟ وهل خفتي او شكيتي يصير خطاء في المستشفى وهل فعلن في البدايه ماتقدرين تحددين ملامح طفلك من يشبه اتمنى الامهات الي ولدوا قريب يردون علينا

اخباركم يابنات حابه اندردش في موضوع يابنات قبل يومين كنت اسولف مع وحده في الانستقرام ومتاخره...

@التفاحه الخضراء@ :

السلام عليكم كيف حالكن مادري اذا حد يذكرني لي ثلاث اسابيع تقريبا مادخلت التجمع الحمدالله على كل حال انا كنت مشتركه وياكن في تجمع التوام الي استوالي ان واحد من الاجنه وقف نبضه اول الشهر السادس في اسبوع ادربكت حالتيه عرفت ان الماء نشف ومالحقت اسوي عمليه فصل المشيمه قبل العمليه بيوم وقف النبض قدر الله وماشاء فعل ماكان بيدي حيله الا الصبر وقالي الدكتور ان شاء الله مايكون الحي تاثر دماغه من موت اخوه والله ياخواتي كنت احمدالله في كل وقت اني حملت بهم وسميتهم من قبل اربع سنين وخذت كل شي يعني جهزتلهم الاغراض بدري عشان الثقل في الشهور الاخيره ياربي لك الحمد بس قلبي يعتصر عليه صح صابره واكابر قدام الكل بس بيني وبين نفسي حالتيه تعبانه يارب يعوضني بتوام اولاد يارب صح كل شي مكتوب بس كان السبب في تعب الثاني ان الدكتوره الله لايسامحها قالتلي وقفي الاسبرين خلاص مايحتاج وانا قلتلها انا حملي مشيمه وحده المفروض ما اوقفه قالت ماله داعي ولا فهمتني اي شي كل ما اسالها تقولي قري في النت ويوم توفى الاول تخيلن الثاني تجمع عليه ماء زايد وقالي الدكتور لازم نسحبه بابره وكان كميه الماء خمس لتر حسيت عمري مت ورجعت للحياه يارب يكون في ميزان حسناتي خواتي ارجو منكن الدعاء لي

السلام عليكم كيف حالكن مادري اذا حد يذكرني لي ثلاث اسابيع تقريبا مادخلت التجمع الحمدالله على كل...