الله يعظم أجرك ي توتا
والله يعوضك باْذن الل

توتا روحي لاكثر من دكتور ..
واهم علي اي اساس قالولك هالامر ؟؟؟


وحتا لو فعلا صار الحمدلله رحمج سليم .. قادره انج تحملين وبتحملين بغيرهم بامر الله ..
والله انا لما اجهضت بنتي وكانت بالشهر السادس قلت الحمدلله عالاقل عرفت اني اقدر احمل والله اعرف ناس حولي يقولون ياليت بس احمل اشوف التحليل واجهض ..
فانتي الحمدلله بنعمه .. علي قوله ابوي الله يرحمه دام سلم العود الحال يعود .. بمعني دام انتي سليمه رحمج سليم موجود .. خلاص بامر الله مثل ماحملتي فيهم بتحملين بغيرهم ..
كل ماتضيق فيج الدنيا قولي اللهم اجرني في مصيبتي واخلفني خيرا منهااا .. صدقيني بيعوضج الله عوض تعجزين عن شكره وحمده عليه

نصيحتي لك ياصغيرونة لاتستعجلين الولاده اختي جابت اول التاسع ولدها صدره متحسس مره لو لفحت هوى التهب الدكتور يقول هذي مضاعفات الولاده باول التاسع وانتي ياقلبي اثنين هانت صبرتي الشهور اللي راحت يلا كلها اسبوعين وانتي نفاس وبعدين تأكدي باليوم اللي ربي كاتبهم بيجون بيجون لو عشرين دكتوره رفضت واحتسبي الاجر ونهايته بحول الله حلوه بتصيرين ام ماشاء الله لاقوة الا بالله

توتا المتفائله اعلمي ان الله كتب لهم مايستمرون لانه في استمرارهم مشاكل لك ولهم قديكونون مشوهين او تخسرين الحمل مستقبلا هذا فضل من الله لو كشف المستور لما رفعنا رؤوسنا من السجود شكراا لله اكثري من قول اللهم اجرني في مصيبتي واخلف لي خيرا منه سقطت انا بعد معاناة وتعب لايعلمه الا الله لكن احتسبت الاجر والله عوضني الحمدلله قريب بتحملين ودام حملتي وهرمون الجمل مشى في دمك الجاي اسهل بإذن الله اللحين صلي ركعتين رضاء وقدر بالمكتوب والله رازق كريم حكيم كل شي لحكمة قضاها متفائله انك بعد اشهر قليله ستصبحين ام مشغوله باطفالك تحياتي لك

ربي يعوضك ببالتوام الأصحاء باربي ويقوي قلبك على ما اصابك والله فقدهم مش هين بس يوم تعرف ان هذا قدر من الله تحتسب وتصبر لتنادي الأجر مثل ماردي كتبهم لك باْذن الله يعوضعك بتوأم مثل ماتتمنين من كم يوم كنتي تواسييني بفقد واحد من اجنتي ربي لك الحمد والشكر كل شي من ربي خير صدقيني بترضين بعد كم يوم ولا تفكرين فيهم وكلي امرك لله وحده وأكثري من الاستغفار والصلاه على الرسول ربي يربط على قلبك ويعوضك أمين