ريمومه
ربي يعوضك باللي تتمنين واكثر💜
ام دحوم
يالله هانت ربي يختار لك الساعه السهله💜
شدونه
ربي اذا أراد شي سبحانه يقول له كون فيكون
aa-ss
حبيبتي النفسيه لها دور ، لكن ما اعرف اذا التلقيح له دور اول لا انتظري كم يوم لو ماخلصت الدوره روحي للدكتوره وتطمني ، وباذن الله ماتشوفينها مره ثانيه الا وانتي حامل💜

سارونه
كيفك مع الثامن
ايش التغيرات اللي بالثامن عن السابع لاحظتيها؟؟

أهلين حبيباتي .. والله واحشتووووووني من الأربعاء ما دخلت التجمع.
أبشركم الاربعاء اخر يوم في اسبوع 34 جاتني ألام الطلق وانا زي وحدة ما قالت اني ابوجهل شخصيا لانه اول حمل ولا ادري ههههههههه وكان الم فضيع في الظهر من اولها انتظم وصار يجيني كل اربع دقايق اتحملت من الفجر لين سبعة ونص بعدها رحت المستشفى كشفت الدكتورة تقول معاك طلق والرحم مفتوح وحولوني عملية وجبت بنوتتين ولدت الاولى على الساعة 9:١٠ والثانية 9:11 اوزانهم الاولى 2كيلو وماية جرام والثانية 2 كيلو بس حطوا الاولى في العناية المركزة 5 ايام كانوا بيقولوا ما ترضع زين وامس حولوها للحضانة العادية وخرجتها من المستشفى ع مسؤوليتي والثاني لسه في العناية المركزة معاها التنفس لسه ضعيف ..
اكبر خطأ ارتكبته اني ما اخذت ابرة الرئة مدري ليش كنت مستهترة وكنت مطمنة انه مستحيل اولد بدري بس قدر الله وما شاء فعل ولو تتذكروا نفس اليوم في الليل قلت لكم معايا افرازات كذا بين السيولة واللزوجة وتزيد كل ما اتحرك .. فانتبهوا حبيباتي لا تتهاونوا لو تشوفي عيالك ولدوا بدري وكيف حاطينهم تحت الاحهزة بيتقطع قلبك فانتبهوا وخذوا بالاسباب بعد التوكل ع الله والشغل لاحقين عليه حتى التجهيزات اللي ما جهزت مو مهم اذا جو بالسلامة وقتها اشتري لهم ودلعيهم .جالسة اقلكم هذا الكلام لاني كنت مستهترة نوعا ما شغل وخرجات وتعب ولا كنت اهتم والحين لما اشوف بناتي اتمنى لو جلسوا اكثر في بطني .بس الحمدلله على كل حال .
والحمدلله صحتي كويسة وولدوني تحدير كامل مدري اول مادخلوني حطت شي ع وجهي وقالت اتنفسي اتنفست 3 مرات واتخدرت وما حسيت بنفسي الا عشرة وربع صحيت وبسرتني الدكتورة جبت بنوتتين .. هذا تخدير كانل صح ؟؟
وبنتي اللي طلعتها معايا بعد تمام بس مرة ضعيف .. بس قلبي مع أختها كل ما افتكرها اجلس ابكي ابغى اضمها واشيلها مو هاين علي مخليتها لوحدها هناك . 😥
♡♡♡
ربي يهونها على الجميع ويتمم لكم ع خير

سارة

الله يعوض أختك ياااارب
والحمد الله على سلامتها


بالأثير نتصل
حبيبتي ماتفقدين غالي ياااارب😘


ريومة
حبيبتي الله يعوضك ياااارب
والله يجعلهم لك شفعاء يوم القيامة
ربي كريم وصبري على أمتحان رب العالمين وإن شاء الله الله بيعوضك أضعاف مضاعفه


aa_ss
حبيبتي عادي تصير لخبطة هرمونات من بعد المنشطات
أهم شي أحسبي عدت دورتك كاملة وبعده بتكون إستحاضه الله يساعدك

بنت المرور
ما شاء الله لا قوة الا بالله .... الف مبروووووووك والحمد لله على سلامتك وسلامة بناتك والله يحفظهم ويخليهم لك ويبشرك بشفاء وعافية البنااات ياااارب


فاااالكم العااافيه .... والله يطمنك على بناااتك وتقر عينك بهم