السنعة لو انتي نفسك تجربي الطبيعي عشان ولاداتك الباقية تكون طبيعي خلاص اتوكلي ع الله وادعي ان ربي ييسر لك ولا تشيلي هم وتفكري بالاحتمالات الي ممكن تصير .. لان حتى القيصري اله مشاكله ولو الوحدة حتفكر بكل شي رح نبطل نولد لاطبيعي ولا قيصري ونخليهم جوا هههه خلاص استخيري وربي يكتب لك الخير ولو ارتحتي للطبيعيخليكي واثقة بنفسك وانك قوية و حتضميهم لصدرك بعد تعبك ولا تستسلمي ..وانا مع طبيبتك انك ما تاخذي ابرة الظهر لأن مارح تحسي بالطلق ف دفعك حيكون ضعيف وحتتأخري وهالشي مو كويس عشان البيبي التانية .

أهلين حبيباتي
أشكر كل اللي اتحمدوا على السلامة ربي يسعدكم ويتمم لكم على خير ويبلغكم شوفتهم بالسلامة .
أكلمكم وجنبي بنوتاتي الاثنين نايمات 😍
اليوم طلعت الثانية بعد على مسؤليتي بعد ما حولوها من العناية للحضانة .. بس تخيلوا القهر بنات لما ولدت كان وزنها 2 كيلو واليوم دكتورها قال صار وزنها كيلو و800 جرام لا تطلعينها لين ما توصل 2 كيلو و500 جرام قلت اسبوع ونزلت ولا زادت لو اخليها اكثر مدري اش بيصير فيها غير جارحينها من وجهها وفي جروح كذا خطوط ونقاط عل رجولها من الابر .. ولما جات الممرضة تسلمني تقول لي احسن لك خذيها عندك بتلقى رعاية أكثر .. والحمدلله بترضع زين .
وبالنسبة لي الحمدلله فتحت الغرز اليوم واحس حالي أحسن وخفيفة ولا كأني نفاس خخخخ ..
وام دحوم سألتي عن الكحة والبلغم والتنفس الحمدلله ما جاني شي بس حسيت ببلغم بسيط بعد ما صحيت من المخدر وسوية وراح وما جاني الكحة .
والاخت اللي سألت عن الملابس مع اني مشترية نيوبورن بس بردوا ضايعين في لبسهم بس مو مشكلة اكثر الوقت مكوفلين .


برستيج المحبة
من جد استفدت منك الكثير ربي يجزيك الخير ويقر عينك ببرهم وصلاحهم .
😙😙😙😙😙😙

بنت المرور
الحمدلله ع سلامة بنتك وقرت عينك فيها وباختها بس تحزن حالتها معقوله بالعنايه وينزل وزنها وكلها ابر ياقلبي كيف كذااا مايتحمل جسمها كل هالابر والجروح وهل ماكانوا يرضعونها والا وش السالفه صدق هالمستشفيات تخووف الله لايحوجنا لهم ولايحتاجون نوناتنا لهم يارب يطلعون معنا بخير وسلامه

بنات لما انام واصحى من النوم جسمي فيه حراره حتى لما اغفي واصحى بعد ساعتين احس مرره بحراره ولما اقووم وخلاص تفك مني سبحان الله مدري هل من التعب تطلع هالحراره والا علامة ولاده ؟؟
لان اذكر لما كانت الدوره بتجيني وتقرب تجيني حراره ف جسمي كنها سخوونه فمدري وش العلاقه الحين ؟

بنت المرور


الحمدلله على سلامه الأميرة الصغيرة وقرت عينك
فيها والله يبلغك برهم وصلاحهم يارب
وترى طبيعي الوزن ينزل بعد الولادة اذا دخلوا
الحضانه وبعدين يبدا يرتفع يعني لا تخافين والحين
هم عندك وتحت عينك ومافيه احرص من الأم الله
يحفظهم ويخليهم لك يارب


السنعه المملوحه
والله ياقلبي مااكذب عليك الموضوع فيه مخاطرة ومجازفه يمكن ربي يسهل عليك وتجيبينهم طبيعي وممكن لا واحد طبيعي والثاني قيصري وشق بالبطن وشق فوق تحت .. وممكن الاول يطلع طبيعي والثاني يعترض وماراح يحاولون يعدلونه مدري ليه اشوف الاجانب يحاول قد مايقدر الدكتور يلفه من برا او يدخل يدة ويسحب البيبي اما هنا لا على طول يحولونك عمليه
غير كذا اشوف الاغلبيه العظمى من امهات التوأم والدين قيصري وقليل جدا طبيعي
انا مثلك عندي ولادة قيصري قبل لأن الرحم فتح 2 سم وبس لمدة اربع ايام لين تعبت وتعب البيبي ودخلت العمليات وانا معك الطبيعي على الاقل تقدرين تقومين بنفسك وعيالك وماله مضاعفات والتصاقات مثل القيصري وولاداتك كلها بتكون قيصري لكن الشكوى لله الواحد مايدري وين الخيرة فيه انت استخيري والله يسهلها من عندة


بناااااات التاسع
لي يومين او اكثر احس الحركه اقل من قبل ولو احسبها من اقوم لين انام تتعدى 10 حركات لكن بشكل عام احسها اقل من قبل مدري المكان ضاق عليهم والا انا اوسوس والا اتوهم عموما بكرة موعدي بروح واشوف