هلا ندى الله يطمنك على أولادك .. طمنينا وش قالك الدكتور..

أه يا ندى ذكرتيني بالذي مضى .. يوم الثالث من ولادتي رحت اشوف بناتي في العناية .. الصغيرة كانت تحزنني اكثر لما رحت لها كانت تبكي وعليهها الاجهزة وباين عليها مضايقة اول ما وقفت انا وابوها قدامها فتحت عيونها وجلست تطالع وسكتت وطول ما انا وافقة قطعت نفسي بالبكاء والممرضات بيطلوا علي والبنت بتطل وساكتة ..

ماشاءالله ندا رحتي لهم وشفتيهم انا قعدت يومين ونص ماطلعت من الغرفه وماشفتهم الا بصوره الجوال مصورهم زوجي طبعا هم كانوا بحضانه عاديه واذا جتني المنرضه قلت بشوفهم هاتيهم قالت مدام انتي تعبانه ارتاحي وخليهم عندنا ولما جت الساعه ثنتين بالليل ناديتها قلت روحي جيبيهم بشوفهم راحت وجابتهم لي وشالتهم حطتهم بحضني وبستهم وضميتهم شوي ثم قلت لها خلاص خذيهم بنام😁واذا جا زوجي بالزياره راح وجابهم شوي ورجعهم الين طلعت وطلعوا معي وصراحه اهتمام المستشفى وعنايتهم كان روووعه مع انه حكومي مستشفى الملك خالد بالمدينه العسكريه بحفر الباطن

هووب
عاادي تحسين كذا اذكر بالسادس بس ودي انام نهار او ليل


ام وتين
حياك الله بينا والله يبلغك التااسع متمه يارب

اليوم انا فاضيه شوي عاد بقول لكم اكشن ولادتي😇
يوم الخميس تاريخ 21__7
رحت لموعدي مع الدكتور وكنت متوقعه ينوموني ويقولوا عمليه عشان كذا مافطرت دخلت على الدكتور سوى سونار وقالي اوضاعهم تمام لكن بحكم انك معك سكر حمل والحين خلصتي الاسبوع 37 راح نكتب لك تنويم ونسوي عمليه ياليوم او بكره قلت انا صايمه يادكتور سووها اليوم كنت ابي اخلص من التعب طبعا زوجي معي وبنتي الصغيره وقعدنا نكتب الاوراق وسويت التحاليل مااخفيكم كنت احسب ان قلبي قوي ومابخاف بس خذوني على الكرسي لغرفتي وزوجي وبنتي الصغيره سلمت عليهم ورجعوا للبيت انا جلست اصيح لحالي بالغرفه 😭وارسلت لزوجي اوصيه على عيالي واوصيه مايقول لاحد خصوصا امي مابيها تقلق علي بحكم اني بمدينه بعيد عن اهلي واهله وكلموني خواتي وام زوجي على اساس اليوم موعدي شنو سويتي قلت لهم حدد لي موعد للعمليه يوم الاحد والحين راجعه للبيت😁شسوي مابي اقلقهم ولاابيهم يقلقوني بالمكالمات جلست بغرفتي في استكنان واقرأ قران وادعي ربي وعلى الساعه ثلاث جاني الدكتور وقال انتي جاهزه للعمليه قلت اي جاهزه وطلع جتني الممرضات بسرير 😣واللبس وقالت يالله البسي لبست وسوت لي القسطره ودقيت على زوجي اخبره اني داخله الحين للعمليات قال انا جاي في الطريق واخذوني لغرفة العمليات وهم يدفوني مغطين وجهي طبعا جتني تقلصات فضييعه والتوينز يتحركون ببطني بقوه مدري هو خوف او قلق ولما دخلت الغرفه كانوا ممرضات اثنين سعوديات وممرض سعودي😑كشفوا عن وجهي فيني صيحه يابنات اول مره بحياتي رجال غير محارمي يشوفني قعدت اقول للمرضه استريني الله يسترك امانه عليك اذا خدروني لاتخلين يبين من جسمي شي الا بطني وقعدت تحلف انه يغطوني بشرشف ومايبين الا البطن ولما شفتهم شغلوا اللمبات الدائريه وحطوا يديني على اطراف السرير وربطوها انا هنا جتني ام الركب😅وقعدت اتنافض هي الغرفه بارده بس الاكيد انه خوف دكتور التخدير شايب كبير جلس عند راسي ولما شاف اسناني تضرب ببعض😁قعد يسوي لي مساج لراسي ويديني ويخاصم الممرضات والممرض يبيهم يسكتون لانهم ينكتون ويضحكون ويقولي اذكري الله وادعيه انا قعدت ادعي واتشهد وغبت عن الوعي صحيت بعد ساعه في غرفة الافاقه مادري وش انا فيه ولاادري شنو صار والله يكرمكم ارجع ترجيع فضيع واحس بطني بيتشقق مع كل مره ارجع فيها ولما انتبهت اني ولدت قعدت اسال الممرضه شنو جبت وكيفهم قالت انا مادري تروحي الغرفه ويعلمونك صراحه خفت لايكون فيهم شي وفجأه سمعت صوت زوجي يسال عني ويبي يدخل لكن منعوه انا ناديته وسالته شنو جبت قالي ولد وبنت والحمدلله صحتهم زينه اناتطمنت لكن الترجيع بهذلن لمدة ساعتين ايوه صح في جنبي وحده وزوجها بيني وبينهم ستاره اسمعه يقول لها هذي شنطتك قالت لا قال فتحتها فيها جوال وشبكه وملابس وووو😡الاكيد عرفت انها شنطتي لو فيني صوت كان هزأته ليش يفتح شنطه مو لهم ثم ودوني غرفتي وجاني زوجي والحمدلله على كل حال لكن كنت احسب قلبي قوي وان القيصري احسن من الطبيعي طلعت ماعندي سالفه وان قليبي مايتحمل وجبانه والطبيعي على قو اوجاعه الا انه رحمه من ربي وشكرا على وقتكم 😘