بنات برد عالكل رد جماعي
لاني ماعاد أشارك مثل قبل 😪
بالنسبه لااي عرض لاتهملونه انتبهوا انتبهوا حمل التوام حمل عالي الخطورة معرضين للضغط والسكر وتسمم الحمل والجلطات والولاده المبكره بِسْم الله عليكم الله يكفيكم الشر انا ورمت رجلي وصلت مرحلة ماعاد قدرت اطلع للدرج ووجهي تنفخ طبعاً رحت سويت دوبلر علشان اشتباه في الجلطه لاني كان فيني ضغط الحمدلله مافيني شي وكان كل يوم عن يوم يزيد لين قبل ولادتي بيوم وصلت لمرحله مب طبيعيه انتفخت رجلي وتطور الوضع حتى النفس ماعاد اقدر أتنفس ونفسيتي في الحضيض كان فيه سبب صحي ماذكره بالتجمع علشان نفسيات الحوامل علشان كذا اي تورم او اي حكه مب طبيعيه او اي الم في اي مكان لاتهملونه وبعدين نجي نقول إهمال طبي واحنا أصلاً اللي مهملين أنفسنا لحد يقص عليكم ويقول عادي الحامل رجلها تورم ادري عادي وطبيعي بس مب في حالنا احنا غير
المهم بالنسبه للتجهيز جهزوا من نهايه السادس او بداية
السابع واذا خايفين ممكن تتسوقون اونلاين فيه كذا موقع للأطفال روعه مثل نكست بس اطلبوا من الموقع التطبيق شوي صعب وأسعاره زينه واذا تبون شي للاستقبال يعني ماركه او شي كشخه عندكم تشلدرن صالون ذي الموقعين التوب
وأذا تبون تتسوقون يعني بتطلعون خذوا معاكم وَيْل جير (كرسي متحرك ) لين حسيتوا بتعب اقعدوا وخلوا حد يدفكم
خلوا الطلعه ثلاث مرات لاتكثرون طلعات اللحين حر وتعب وممكن يصيدكم هبوط في الضغط يعني يوم جهزوا للتوينز ويوم لكم ويوم للتجهيز الغرفه اللي بتستقبلين فيها الزوار
ونصيحة وخصوصاً للبكريات لاتكثرون ملابس عندي ملابس للحين جديده من كثر مأشريت ومتوهقه فيهم طبعاً التوينز دايم إحجامهم صغييييييييره جداً يعني حتى النيوبورن يطّلع كبير عليهم بناتي لين كملوا شهرين ضبطت عليهم النيوبورن حق اول شهر اخذوا نيوبورن او اللي tiny baby ذي للشهر الاول وبعدها ممكن تأخذون المقاس من 0-3 انا للحين بناتي يلبسون هالمقاس اللفات لاتاخذون قماش الموسلين مب شي مايمسك اخذوا لفات القطن احسن
الاسره لاتشترون سرير واحد اخذوا لكل واحد سله
والجميلات اللي يبون يولدون قبل وقتهم ترا احتمال الولاده المبكره في حمل التوام وااااااارد لاتستعجلون وتتحسفون وممكن تشوفون ايش المشاكل اللي تصير للخدج ويكونون معرضين لها نزيف والوزن والتنفس وغيرها انا جبت بناتي في الاسبوع ال34 كانت مشاكل وزن وتنفس وغيرها انا ع المشاكل الصحيه اللي كنت أعاني منها الا اني ولا مره قلت ولدوني أبيكم تولدوني هم مرتين قالوا بنولدج علشان الضغط ومره علشان وزن التوينز كان فيه فرق كبير بينهم والحمدلله كل اسبوع كان مراجعه لين ربي كتب لي ولاده وجاتني ولاده بدون تدخلهم كانت أمنية عمري وحلمي اني اشيل بناتي او أبوسهم او يحطونهم على صدري بعد مايطلعونهم كنت ابي احس با اجمل وأحلى لقاء يارب لك الحمد اني شفتهم
وبالنسبه للربط انا ماربطت بس كنت أراقب طول عنق الرحم وكنت مداومه على المثبتات خصوصاً التحاميل يابنات خصوصاً اللي حملهم بعلاج حرام تضيعون تعبكم تاكدوا ان الحمل فترة موقته وتعدي وتكون ذكرى وأجمل ذكرى والله العظيم على التعب اللي جاني انه اجمل ذكرى وأجمل هدية جاتني من ربي الله يحفظهم ويحفظ لكم ماعطاكم
استودعناكم الله

السلام عليكم وصبحكم الله بالخير




شلونكم يااقوى أمهات العالم


معليش ياجماعة عالانقطاع بس بعد إجازة العيد وانشغالها وحوسة النوم وصادتني انفلونزا عنيفة اخر أسبوع برمضان وبعدين وحده من توامي زكمت قلبي هي..




وجتنا حوسة نوم بعد العيد..انا ماادري وش دخلهم هالصغار تخيلوا يوميا صياح وصراخ وبكاء لين انومهم طويلات العمر صاروا ماينامون الا ست الصبح..حتى الكبار ماسووها..




ومازلت في محاولات مستمره للتعديل..انتم شلونكم عساكم طيبين؟




لميس انا توهم بناتي ست شهور بس رايي من راي زوجك..بتتعبين مره ماتسوى عليك السفره..وهو مايبي يتعاون معك الرجال بيروح ينام ويسترخي ويتمشى وانتي تبينه يعاونك ع تغيير الحفاظات والتأكيل والتنويم ههههههه..الله يكتب لكم الي فيه الخير وبكل الأحوال إجازة سعيده يارب




ام سعد رجعتي للدوام؟ انا عطلت بالعشر و امس رجعت والنوم ماشاء الله حكاية..وسبحان الله نفسك عند النوم وحده بس تصايح ووصلت مرحلة انها تصرخ من أعماق بلاعيمها لدرجة مره قام كل البيت الفجر على صراخها يوم انا ببيت اهلي..




الغريب انها مع الناس جداً لطيفة وبشوشة وظريفة بس تتعبني حبتين بالبيت..عكس اختها..اختها ماتبي الناس ابد لكن بالبيت مره حبيبة وسهله وماتتعبني زي اختها..




نجي للحوامل..بالرد الي بعده

الأخت الي حامل بثلاثه وعندها أولاد من قبل اظن اسمها غاليه؟ المهم باقولك شي..جملة وآية دايم يقولونها لي لكن مااستشعرتها الا الحين..لاني منشغله بنفسي وتعبي وولادتي وبناتي وسهري وقلة النوم والاكل..انا الي بيتي كلها يلق صار منعدم النظافة والترتيب انا الي بيتي انيق وظريف صار أغراض بيبيات بكل مكان..وكانت الحوسة تتعبني نفسيا ومااقدر بنشاطي السابق اني أقوم وارتب وانظف زي ماكنت لان التوأم سلبوا كل طاقتي وقتها..

لايكلف الله نفساً الا وسعها..الله رأى فيك القدرة على هالمهمة الصعبة وهو الذي يعلم قدراتك ومواطن القوة والضعف فيك..وهو الي رزقك الرزق هذا وقادر انه يتولاك ويتولاهم ويهون عليك أمرك كله ويجعله برداً وسلاماً واسهل من شربة الماء..

الحي بالدعاء لرب العالمين ان يحفظهم بحفظة..ويجيبهم لك تامين الخلق والخلق..ويرزقك برهم ويجعلهم هادين مهتدين..ويجعلهم أحب أبناءك لك..وادعيه انه يرزقك القدرة والقوة انك تربينهم كما يحب الله ان يربي الصالحين ابنائهم..ادعيه انه يرزقك طول البال والصبر..كثري والحي بالدعاء سجود وركوع وتحري أوقات الإجابة مابين الاذان والإقامة وعند الإفطار لو صمتي..وتصدقي ولو بالقليل..




انا والله مااتخيل وضعك ولا أقول انه سهل ولكن أحاول احط نفسي مكانك واعلمك وش باسوي ..



أولا العاااملة المنزلية..يارب تجيك الحين عشان يمديك تعلمينها وتدربينها وتورينها نظامك..وحددي لها مهام..ياتساعد بالبيت وهذا الي اغلب الامهات يسوونه..وانتي للأطفال او تخصصينها للأطفال وانتي معاها وتصيرين تشتغلين بالبيت شوي..


ثانيا..اطفالك الي قبل اذا هم كبار ومدلعين انتهى وقت الدلع..لازم من الحين تشدين عليهم..اجلسي معهم جلسة حازمة وفهميهم صعوبة الوضع..كل واحد مسؤول عن نفسه وملابسة وغرفته..الاكل خلاص الكل يلتزم بوجبتين اما كلن ياكل على كيفه ويحوس مافي الا اذا بينظف بعده وهو بيسوي له الاكل لانك لا انتي ولا العاملة فاضين لهالموضوع..اذا هم من قبل معتمدين على انفسهم ومو متعبينك معناته امرهم سهل وبالعكس يبدون يمسكون البيبات عنك بالصباح تنامين شوي..وابدي من الحين معهم..تحتاجين ترتاحين كل فترة حملك أولا لانك ثقيلة..ثانيا لانك بتتعبين لاولدتي معهم فا احتفظي بطاقتك وابدي عوديهم على خدمتك..





أتمنى انك محتفظة بملابس إخوانهم الي قبل لان اسم الله عليهم ثلاثه..يبيلهم ميزانية وماله داعي تبدين تكشخينهم من اول شي..خلي التكسيخ لاكبروا وصاروا ست شهور وفيها..وانتي عندك أطفال من قبل فا المسؤولية المادية بتزيد حتى لو كنتوا مرتاحين مادياً..والمستشفى الي بتولدين فيها خوذي منهم ورقة صرف حفايذ و حليب ومناديل أطفال..اغلب مستشفيات السعودية الحين تصرف هالاشياء للتوائم..ولايكبر راسك على هالموضوع ترا فعلاً ميزانية..



النصيحة الأخيرة..اذا زوجك ماله بالأطفال والبيبيات..وماعندك بنات كبار يحبون البيبيات حاولي تطلبين من احد يجيك بالويكند..او تروحين له انتي والبيبيات بالويكند..ترا الاولين يوم قالوا من زان نومه زان يومه صادقين..بدون نوم ماراح تقدرين تسوين شي..بتحسين نفسك مربطة ومافي أي تفكير ولاقدرة جسدية على الأطفال..



الله بيعينك ويقويك ويعطيك الحكمة والصبر ان شاء الله..الله يجعلهم ابر عيالك فيك يارب

وعليكم السلام صبحج بالنور والسرور يا حيّا الله كن انت الظاهر انا الوحيده اللي للحين صامله في التجمع 😂😂
شلونج بشريني عنج وعن الجميلات
من الاحد مداومه وقدمت على اجازة أمومه وان شاءالله يعطوني ست شهور لين يكملون بناتي سنه يارب يسخر لي الطيبين من عباده
والله اختج في الله من الساعه ثنتين ونص قاعده مع الجميله انتظم نومها يومين واليوم غيرت رايها انا اللي تصيح تلوع جبدي بعض الأحيان اخليها عالارض تصيح مادري وش اسوي فيها ودي اكفخها تصيح صياح يوتر صياح مب طبيعي صياح الله يحفظها لو صاحته وهي مع الخدامه صدقيني بشك في الخدامه انها مسويه لها شي وتدرين والله مثل وضع بناتي صياحه بس تحب الناس وماتستنكر بِسْم الله عليها الثانيه نومها سهل ومنتظم مشاءالله بس من تشوف خوالها ولا عمامها سوت مناحه لا والمصيبه تستنكر امي وعمتي هذا اكثر شي يفشلني
طبعاً الصياحه طول الوقت معي ماعطيها الخدم طبعها شين الله يهديها والخدم يقولون مادام احنا نخاف هي عندها ورم وعائي دموي في الرأس بالمصطلحات الطبيه همنجيوما والدكاتره قايلين لاتجيه اي اصابه او تقرحات يسبب نزيف لانه عباره عن شعيرات دمويه متجمعه والله يعينا لين حبت ولا مشت فطول الوقت معي
اخبار بناتج تقلبوا سويتوا اي إنجاز في الحياه شنو الاكل اللي تقبلوه انا الكوسا ماتقبلوها ووحده منهم تحسست كنسلنا الكوسا جربنا الجزر وحده حبته والثانيه أبد ماتبيه سويت جزر مع بطاطس اللي حبت الجزر ماتقبلته مع بعض والثانيه ماتقبلت ولا اي نوع من الأكل شريت الاكل الجاهز لها نفس الشي ماتقبلت الاكل بانواعه أبد أبد
التقلب يتقلبون من بين كل خمسين محاوله تنجح مره وحده وينصدمون تجيهم خرعه 😂😂😂

انا اروح مستشفى الحبيب او دله مااروح حكومي اتوقع موجوده بالوحدات الصحية الخكومي بس انا ابي اهلي مااحب ممرضات الرحده الصحيه 💔 الله يعين ضروري استعجل فيها مدري كيف بحصلها