مرمرشو :

انا كانت الدكتوره طوال فترة حملي لاني نزفت مانعتني من التمر والرطب والبهارات والحوار والقرفه

انا كانت الدكتوره طوال فترة حملي لاني نزفت مانعتني من التمر والرطب والبهارات والحوار والقرفه

Um.saad_qatar :

انتي اللحين اي شهر ؟؟ انا لين السابع وانا اخذ مغذي 🌚 اذا عرفتي الجنس ممكن تبدين بالتجهيز شوي شوي كل شهر تخصصينه لشغلات معينه انا اشوف أسعار بيبي شوب زينه مب غاليه او انطري وقت التنزيلات اهم شي لاتكثرين نصيحه انا مشاءالله شارية من كل المحلات والتطبيقات واخر شي نص الأغراض جديده للحين الليبل فيها شوفي موقع نكست فضيع فضيع وأسعاره زينه مب غاليه أرخص من المحل والاستقبال اذا تبين شي فخم اخذي من تشلدرن صالون شوفي المدسات والبدل مب شرط تأخذين براند غالي فيه أشياء اسعارها متوسطه بعطيج الأساسيات وان شاءالله البنات بعد يشاركون بتجهيزهم اول شي حطي في بالج ان التوينز دايم تكون إحجامهم صغيره وايد يعني انا انصدمت من بناتي النيو بورن طلع كبير ومب مرتب أيديهم تطلع من فوق من مدخل الرأس 😂 يعني حق اول شهر اخذي نيوبورن او تيني بيبي يجي على قدهم بالضبط اذا وصلوا لعمر الشهر او شهر نص او حتى ممكن شهرين وبعدها لبسيهم مقاس من 0-3 انا للحين بناتي الافرولات اللي مقاسها من 0-3 يلبسونها بس اللحين بشتري المقاس الأكبر لانهم بعد اربع ايام يكملون السبع شهور الله يحفظهم ممكن تأخذين لكل واحد فيهم حق اول شهر اللي هي تكون اصغر مقاس ست قطع لكل واحد فيهم من غير لَبْس الاستقبال لانهم بعد الشهر ماراح تكفيهم وبعدها يلبسون اللي من صفر لثلاثه في مقاس في نكست حسيته ناسب بناتي صراحه بعد عمر الشهر مكتوب عليه up to 1 month تميت فتره ألبسهم إياه هذا بالنسبه للافرولات وممكن عمر من صفر لثلاثه تأخذين كميه عالاقل عشر حبات لكل واحد لانها ممكن تلبسهم لين عمر اربع او خمس شهور وممكن تكملين لين بعد النفاس يعني ممكن تشوفين اذا تكفي ولا لا انا بصراحه كثرت شريت من موقع نكست يمكن فوق الخمسين قطعه 💔 وبعد ماخلصت نفاسي شريت زود وتوهقت صراحه بالخلاقين وبالنسبه لملابس الاستقبال اذا حابة شي غالي وماركة ممكن تأخذين من البوتيكات اللي موجوده سواء بربري او أرماني او الفيرو مارتيني او ديور وغيرها وممكن تشوفين تشلدرن صالون عندهم شغلات فخمه وأسعارها بالمتوسط اخذي لكل واحد لبستين كشخه للاستقبال وحده ثانيه ممكن اذا طلعوا من المستشفى او اذا حابه تسوين استقبال ثاني بالبيت واخذي المدسات من عندهم بعد وبالنسبه للbodysuits اخذي زياده فيه اللي تجي سبع حبات خذيتها من نكست وخذيت من بيبي شوب وغيرها والله مب ذاكره مِن وين بعد واللفات لاتاخذين قماش الموسلين مب شي مانصحج فيه اخذي القطن تمسك عدل وكم قطعه على حسب آنتي من النوع اللي يمهد او لا ولادتي كانت في الشتاء وخذيت لفات وبطانيات احلى وحده خذيتها كانت من زارا هوم وحجمها حلو بعد لفات تشلدرن صالون الصوف حلوه وماماز اند باباز الرضاعات اخذي اربع ثنتين لكل واحد مبداياً انا خذيت ثلاث صراحه ونوعت خذيت اڤنت وبيجون وخذيت براند يبيعونه في بيبي شوب من كل وحده ثنتين يعني ست رضاعات ومطارة الماي خذيت عاديه وخذيت من بيبي شوب واللي استخدمها اللحين مالت بيبي شوب وايد زينه والشفاطات مديلا الكهربائية وخذيت جهاز التعقيم من شيكو وجهاز التسخين بصراحه مانصح فيه أبد أبد أبد ماستفدت منه هذا بالنسبه لي مادري عن البنات انا حسيته شي مب مهم الاسرة خذيت واحد والله انه للحين ماستخدمناه لاني مأخذه المحاضن بوريج صورتها ونومتهم معاي عالسرير وعقب خذيت لهم أسره كل وحده واحد ولاني بكريه خذيت النيبل شيلد علشان تساعدني على موضوع الرضاعه الطبيعيه وساعدتني نوعاً ما مناديل اخذي ووتر وايبس او دكتور براون واذا تبين المعطر اخذي اللي ريحته خفيفه مثل بامبرز الأبيض للمواليد ريحته هاديه او جونسون شيكو قد ماتقدرين ابعدي عنه ريحته قوية شنطة المستشفى جهزي لكل واخد اربع لبسات مع لَبْس الاستقبال لج انتي بعد اخذي قميصين استقبال بيجامتين واخذي قميص عادي ناعم اخذي البانتي الخفيف تلقينه في الصيدليه انا فترة نفاسي كلها مالبست الا هو مريح ومايضغط عالبطن والبرا اخذي اللي مخصصه للرضاعه والشعر على حسب ان تغطون الشعر او لا بخروا ملابسكم قبل دخولكم للمستشفى على عود بس عود واذا حطيتوهم في الشنطه بخوا بخه او بختين عطر هادي اخذوا فرشاة للشعر وفرشاة أسنان ومعجون شامبو السليبرز اخذوا ثنتين وال إنتوا من النوع اللي يحط ميكاب ممكن تأخذون فاونديشن وغلوس وماسكارا انا عن نفسي ماحطيت صراحه 😌 وشي ضروري دايم أوصي عليه يا تأخذون شاحن محمول او شاحن التلفون العادي المحلات اللي انصحج تأخذين من عندهم بيبي شوب وكاترز وماماز اند باباز وزارا هوم والتطبيقات من نكست تشلدرن صالون ومن غير حسابات الانستقرام بس انا انصحج لاتكثرين والله ممكن اذا خلصتي النفاس وحسيتي انها ماتكفي تأخذين زود لو تذكرت شي بكتبه جننوني بناتي احس افكاري مخربطه اكتب لكم وهم يصيحون 😂😂 اسفة عالاطاله اللي حابة تسال عن شي حاضرين المهم حبيباتي بذكر الأشياء اللي انصحكم فيها وبقوه والاشياء اللي تحسفت اني خذيتها في رد ثاني بس مادري متى 😅😅

انتي اللحين اي شهر ؟؟ انا لين السابع وانا اخذ مغذي 🌚 اذا عرفتي الجنس ممكن تبدين بالتجهيز شوي شوي...

Deemawrlms1728 :

فديتك ام سعد والله اني محتاره متى ابدا اجهز صراحه بس توني ماعرفت الجنس حتى الله يسهل يارب

فديتك ام سعد والله اني محتاره متى ابدا اجهز صراحه بس توني ماعرفت الجنس حتى الله يسهل يارب

أمل Hope :

السلام عليكم ورحمة الله بنات ابشركم ولدت قبل امس بالاسبوع ٢٩ الشهر السابع بعملية قيصرية بعد معاناة وكنت تحت الملاحظة ساء الوضع واضطروا يولدوني 😔 ادعو لاطفالي اشكالهم تحزن كل الاجهزه عليهم وصغار مره وفيهم ثقب بالقلب💔😭 الحين بسأل الحليب متى يبدا يطلع ووشلون ازيده ؟ الحضانه يقولون لازم تشفطين من الحين عشان بعد اسبوع بيحتاجون يعطونهم وحاولت اليوم ماطلع الا شي بسيط لايذكر ومن صدر واحد ولونه اصفر وبسال لو اخذ اعشاب ولهومات نفاس هل تاثر على الحليب وبالتالي ممكن تاثر على البيبيات اذا شربوه ؟

السلام عليكم ورحمة الله بنات ابشركم ولدت قبل امس بالاسبوع ٢٩ الشهر السابع بعملية قيصرية بعد...

Deemawrlms1728 :

سوال غريب بنات وخذوني على قد عقلي هل التمر كثرته يجيب نزيف لاني استغربت اذا كليت نزل النزيف واذا وقفت وقف النزيف

سوال غريب بنات وخذوني على قد عقلي هل التمر كثرته يجيب نزيف لاني استغربت اذا كليت نزل النزيف واذا...