هلا وغلا شموخه منوره حياااااج

شمووووخه هلافيك
ماشاءالله عليك الله يخلييهم لك
شواقه من بغى الدح ماقال اح لا تشكين كثير هذي نعمه احمدي الله عليها وكل ماتعبتك تذكري ان فيه ناس يتمنون ريحتهم والله يصلحها ويهديها لك ..:)

لااله الاالله

شموخة ماشا الله عليك سنعة
الا ابسالك انتي اخذتي بحملك منشط النولفادكس حبتين باليوم ولا 3

والله ييسر لك تربية التوام اللحين توامك مابينهم شبه ابد

السلام عليكم يا حلووااااااات !!
الله يرزقكم ويرزق كل محرومه وكل وحده تبي الذريه المعافاه !
تصدقون يابنات أنا أول كنت مافكر أبدا أدخل قسم المتأخرات بالحمل ولا في يوم من الأيام ظنيت أني راح أعاني من مشاكل ..لكن الإنسان مايدري أبدا وش ينتظره بعلم الغيب

أنا تزوجت وحملت عادي مرتين والحمدلله مافيهم ألا الصحه والعافيه وماكنت أبدا أعتبر الإنجاب مشكله .
بعد 3 سنوات قررت أحمل وكنت في نفسي أقول أب يوأم بنت وولد .. وهذاك اليوم فتحت الثلاجه ولقيت حيوب اللقاح أو غذاء ملكة النحل مدري بصراااااحه بس هي حبوب صفرا كان زوجي شاريها وقمت آكل منها أقول حراااام والله مرميه بالثلاجه خليني آكل منها ووالله يابنات ماكنت ماخذتها لتقويه ولا أدري وش فايدتها أخذتها بس كذااا ..
المهم , تأخرت علي الدوره طبعا كنت متوقعه أني حامل , مثل ماقلت لكم الحمل ماكان مشكله بالنسبه لي وطبعا لما رحت أسوي سونار ,قامت الدكتوره تقول للمرضه بالأ،جليزي أنهم توأم .. طبعا أنا سمعت بس قلت لاااا يمكن غلطانه !! قلت لها :دكتوره كأني سمعت توينز ! قالت وهي متردد :آه بس لسا مانقدر نحكم واستني ومن هالكلام .. المهم
مرت شهور الحمل واكتشفت أن ببطني بنت وولد وياااالله ماتدرون كيف الدنيااا مو واسعتني من الفرحه واستنااااااهم على أحر من الجمر .. شريت من كل شي وردي وأزرق وأخترت الأسماء والأسررره وكل شي
طبعا الدكتوره قالت لي عمليه , لأن واحد راسه تحت والثاني فوق وإلا إذا أبي أجرب طبيعي يشوفون أولد الأول ويحاولون بالثاني طبيعي وإذا ماتعدل راسه قيصري يعني أثنين في واحد خخ!!
قلت :لااااا مادام الموضوع كذا خلينا عالقيصري
المهم سويت القيصريه : أول مافقت قلت لهم ووووينهم أبي أشوفهم , قالوا لا لا أنتي توك صاحيه من البنج وجلست مصره لييين جاااابوهم لي والله يابناااااات شعوووورر مايوصف يالله يارب يالله يارب يرزقكم هالشعور وماتنحرموووون منه قولوا آمين لأني والله اللي خلقني أني حاسه فيييييكم .. لأني جربت شعوركم ولو بطريقه مختلفه وببدايه مختلفه !
طبعا أنا بحمحلي بتوأمي كان دايم مشاكل بيني وبين زوجي وهوااااش وأجلس أصيحح وحاالتي حاله , وزوجي أبدا ماقدر النعمه اللي الله أعطاها له !
ودايم يقول لي :أنتي مابي أجيب عيال منك , وخلاص وقفي بسك عيال , عمره ماقال الحمدلله ولاا الله يحفظهم أو أي شي من هالقبيل ..
بس أنا كنت فرحاااانه وماهمني وش ماقال
زوجي كان رايح يبشر واحد من قرايبنا الكبار بالسن , قال له : بارك لي ياخال جاني توأم , قال له : توأم ,توأم !!
لا مبروك ولا ماشاء الله !
جبتهم وتعبت تعب مو طبيعي , أنفتح علي الجرح من كثر ما أنا الجلسه والله كنت مانام أبدااااا ألا ساعتين أو شوي تنام البنت يصحى الولد والله يتانوبون علي ولما يجي زوجي أحط اللي صاحي عنده وأنام كم ساعه
كل الناس قالوا لي خلي واحد منهم عند أمك وأنا أقووول مستحيلللل والله ماقدر أحبهم !
كنت أنيمهم جنب بعض بسرير وأصور فيهم آه بس ,يارب لك الحمد واشكر
كان الولد يستفرغ كثير وماعرف وش المشكله وديته المستشفى قالوا عااادي ومدري أيش , فجأه صار يستفرغ ويستفرغ على طووول وبدووون سبب أنا مت من الخوف وطرنا فيه المستشفى قالوا نزله معويه , نومموه بالمستشفى لكن كنت أشوفه خامل وتعبان داااايم وأنا أقول للدكتور يقول مافيه شي عاااادي نايم , فجأه قلبت شفايفه زرق ويصيييح ناديت اممرضه ومدري أيش سسووله المم ذاااك اليوم من حالة القلق اللي فيني والخوف كنت جالسه طول اللي أطالع فيه الأ فجأه تشنج وصار متيبس وقسم بالله جلست أصيح ومرعوووبه وأقوله فلااان ماما ياماما شفيك كأنه بيفهمني واصيح عالجوه وخف لكن ولدي تدهووورت حالته وتوفى بدون مانعرف وش السبب ..
وقسم بالله ماتتخيلون وشلون صدمتي لا قدرت آكل ولا أشرب ولااا أصيح ولا شي ..
المهم مرت السنين .. وحملت تسع شهور حمل عادي طبيعي ..
جاني الطلق لكن ولدوني قيري لأن الجنين تعب وجبت ولد .. طبعاااااا فرحت فيه وتعلقت فيه بشكلللل مو طبيعي حبيته من كل قلبي , والله يابنات كان متعلق فيني لدرجة ماكان يبي أبوه , حتى الطبخ ماكنت أعرف أطبخ لأنه من يشوفني أوقف على رجليني هاااتك ياصياااح والله كنت أحبي وأطلع من الغرفه علشان مايشوفني ولا أعرف أتروش ولا أروح حمام بسببه , بس كاااان عااادي عندي
مدري ليه بس كان حاسني قلبي أن عيني راح تبكيه وأنه ماراح يطوول كنت دايم أناظره وأقول أبي أحفظ شكله . علشان لا فقدته مانساه ,أحبب فيه وأضمه وأشم فيه
مثل ماصار لأخوه صااار له كان عمره ثماني شهور وكان بدى يجلس وتعرفون مثل هاصغااار باعمر هذا لاشاف أشيااااء صغيره عالأرض يقوم يشيلها ويحطها بفمه
يااااارب لك الحمد والشكر راااااح فجأه مثل أخوه مرض فجأه وتوفى خلال يومين ماضيقت فيها النوم ولا عرفت الراحه كنت بس أناظره عارفه أني ماراح أشوفه بعدها ..
ودعته وضميته ,قلت له :أشوفك بالجنه يا حبيبي
لما رحت البيت , دخلت غرفتي رحت لسريره اللي ماخذنا شهر من شريناه له أخذت مخدته وبطانيته وجلست أشم فيهم وأصييييح , تصدقون أنه كنت طول يومي أجلس بالحوش أو بالصاله وأنام فيها لأن باقي البيت يذكرني فيهه,رضاعاته ملابسه , ألعابه المرميه عالأرض
يااارب يااااسامع الصوووت أجمعني به وبأخيه في جنان الخلد وتقبلهما شفيعيييين مجااااااابين عندك !!
ضمنا عائله واحده في جنان الخلد يارب وعوضني ولا تفجعني بأحد من أحبيتي ولا المسلمين يا حي يا قيوم


المهم بنااااات معليش ضيقت صدوووركم .. بس أنا أقول قصتي علشان تصبروون على حالكم أولا .. ثانيا علشااان تحصنون نفسكم وتنتبهون على حملكم ومااااتسوى الدنيا كلها أنك تزعلين نفسك وأنتي حامل علشان زوج ولاغيرها وتستفيدون من أشياء سويتها أنا علشان أحمل

أكمل لكم آخر شي معليش تحملوني ..

المهم ضليت 3 سنواااات وكنت ماااافكر بالحمل ولااا أبيه وكل أهلي يقولون أ؛ملي وتوكلي على الله ودري أيش ألا زوجي طبعا اللي كان يقول لي لا لا لا ااااااااا
مانبي عيال نجيب ويموتون ومدري أيش
وصااار يخطب يمين و وشمااااال !!
ولا قالوا له ليه تبي تتزوج قااااال : أبي عيااااااال زوجتي تجيب عيااااال ويتوفون !
وهو أول كان يقول ماااابي عياااال وخلااااص
حتى أني أقول يمكن اللي صار بعيالي عقاب له لأنه ماحمد النعمه ... تعلموا تحمدون ربي وتشكرونه بكل حال أخواتي بالسراء والضرااااء لأن الإنسان مايدري كلمه ممكن يرميها ويعااااقب بسببها عقاب يندم عليها
اللهم لك الحمد على كل حال ..

المهم مع إلحاح اللي حواليني وكذا , قلت راااح أتكل على ربي وأحمل ..
تركت الموانع بس أبدااااا ماصاااااار حمل وتلخبطت دورتي فجأه وصااارت تجيني ألاااااام رهيبه بالظهررر والله تعبت تعبت وكرهت حياتي أخذ أسبوع وزياده تنوي خلص الدورره وترجع مره ثاااانيه عذاب نفسي ورحت للدكتوره تقول مافي شي مره كيس عالمبيض بعدين لا هذا كيس وظيفي وبعدين هرمون حليب ومدري أيش ظليت سنه وزياده وأنا تاركه المانع ..
مابقى خلطه ماجربتها .. بودرة لقاح عسل رشاد حلبه مدررري أيش بس أبداااا مافيه فاااايدده
الدكتوره قالت لي : تعاي الشهر الجي نسوي لك صبغه يمكن عندك أنسداد ونعطيك كلوميد ودري أيش , بس مارتحت للموضوع , قررت أتركها
قلت الله خلقني وهو اللي يتكفل فيني , هذيلي بشر ضعااااف مسااااكين مابيدهم شي
زوجي طبعااااا قال: خلاص خرباااانه أنتي ماتنفعين
أتجهت لربي وتعلقت فيه , صرت أقرى سورة البقره
يوميا مع أني كنت أفوت بعض الأيام , زيت مقري أدهن جسمي فيه
قلت لزووجي أبي أروح مكه بالعطله , كان روحي معلقه بربي بنااات أملي فيييه
لما وصلنا الميقاااات شريت كتيب حق العمره علشان أتأكد أني أؤديها على أحسن وجه والكمال لله وحد ه
دخلت الميقات ..أحرمت
وبعدها بديت أؤدي نسك العمره مثل ماهو مكتوب بكل خشوع وطمأنينه ,, روحي مشتاااقه لربي واالله يا بنات شعور عجب وطمأنينه ركبنااا السيراه متوجهين لمكه وأنا أكبر طول الطريق على ما أظن لأنه كان من مناساك العمره ..
وصلنا مكه دخلنا بيت الله الحرااام .. شعووور رهيييب
دمعت عيوني
رحت وطفت بالكعبه ..وأنا أطوووف جلست أدعي و,أصييييح واشتكي حاااالي لربي طول السبعة أشوووواط
أدعي وأدعي وأدي واشتكي , خليت العد لزوجي وأنا ركزت بالدعااااااء
والله كان شعور روحاني عجيب ,حسيت كأن مافي أحد باهالدنيا غيري أنا وربي ..
بعد ماخلصت الطوااف وصليت خلف مقام أبراهيم
رحت للسعي نفس الشي .. طول فترة سعيي كنت أدعي وأدعي وأبكي بكل خشوووع وذل وحاجه أرجوه يفرج همي وكربي ويعافيني ماوقغت الدعاء أبدا
ألح والح بالدعاااء .. تذكري أن الله يحب العبد الذي يلح بالدعاء يا أختي ! فلا تملي وتكلي وتقولين جعيت وتعبت

وكنت كل ما أخلص شوط كامل أوقف عند برااااد موية زمزم واشرب بنية أن الله يشافيني من أمراض جسمي ويرزقني الحمل ويشفي رحمي !!
وهكذا كل شوط أروح وأعبي موية زمزم وأجلس أشرب فيهاااا لين يتعبى بطني منها وأنا أسعى وأدعي !
خلصنا مناسك العمره
كنت بعض الأحيااان أجلس بالحررررم طول اليوم أقرأ قرآن وأصلي وأدعي بكل وقت بالفجر المغرب العصر
وهكذاااا
وبعد ماخلصنا العمررره رجعنا البيت
أخذت شهر بس يابنات جتني الدوررره وطهرت وبعدها ماجاتني الدوره مره ثانيه ..
لما شريت التحليل المنزلي والله يدي كانتتتت ترجف وانا أستنى النتيجه وقلبي يدق دق مو طبيعي
طلع خط ثااااني بس خفيييييف وخليت بالحمام ورجعت بعد فتره ولقيته صار غامق .. بس ماصدقت
رحت المستشفى حللت قالت مبروك حااااامل
سجدت لله سجود شكر وحمدت ربي ودمعت عيني ..قلت سبحانك ياربي ما أعظمك مايعجزك شيئ ياخالقي , أن أردت شيئا قلت له كن فيكوووون

أنا الحين بشهوري الأخيره , وحامل بولد الناس حواليني تلمح أنه مممكن يصير فيه اللي صار بأخوانه بس أنا معلقه قلبي بخالقي والله بيفرجها من عنده
بناااااات دعوااااتكم لي أن الله يقر عيني فيه !!
ماراح أنساكم من الدعااااء ولا تنسوني
أعذروني عالإطاله أو إذا فيه لخبطه بكلامي بس حبيت أفيدكم ولو بشي بسيط لأني مريت باللي مريت فيه وتدمع عيني لما أقرا مواضيعكم
الله يرزقكم كلكم وان شاء الله مايخلص هالشهر الا كل وحده منكم حاااامل باللي تتمناه