حبيباتي انتو والله كل اللي سألو عني وقلقو والله انكم خوات وأكثر 💓💓💓😘 ربي يسعدكم ويعطيكم ليما يرضيكم شفت كم رد وماشاء الله مالحقت ع الباقي من كثر السوالف الحلوه 💓💙 والف مبروك لكل من عرفو جنس الجنين وعقبال الباقي يارب
والله انا سالفتي جا زوجي من السفر وع اساس نروح سوا الا أهله فجأه اتصلو وقالو شويتين وجايينكم على بعد العشا بشويه واحنا كنا قريب المغرب اول مرا يبلغونا بالطريقه دي وبالسرعه دي وتعالو شوفو حوستي ونرفزتي وعصبيتي مرا عصبت عليه وقلبت الدنيا لأن احب اجهز من قبل كل شي من تقديم وعشا وبخور وكل شي عشان استقبل اكره الزيارات المفاجأة والخبط واللزق وخصوصا اني كنت تعبانه وابغى اروح للدكتوره على ٩المسا لانو الصباح كانت مو مداومه واتنكدت
المهم كلمت شغالتين بالساعه يجو يوقفو معايا وعشان يرفعو ويغسلو وكده وكلمنا مطعم يجهز اللحم والعشا وزوجي راح جاب الباقي وجلست اسوي ع السريع مكرونه وسلطات حتى وصلو وانا بحوستتتي😭 والله بس راحو رجولي ماحسيت فيها والمغص زاد وجينا اليوم يقول لي يلا نروح قلتلو ماابغى يحاول يهديك يرضيك خلاص قلبت ام العبيد عندي ومااكلمو ولا اكلم احد في البيت وبس منفسنه من راحو اهلو يحاول يراضيني وانا ابد 🤢🙊😪 أعوذ بالله جتني حاله تصدقو توي من شويتين اللي فكيت شويا وهديت الحمدلله🤒🙏 واستغربت نفسي والله ع كل الدراما اللي صارت😅🙊
وان شاء الله اني بروح اتطمن بكره إذا قدرت على خير لانو اليوم جاني شي اول مرا اشوفه بعد مااستحميت وبدلت وطلعت احس زي الأفراز نازل نفس شعور لمن تجيك دوره وتدخلي الله يكرمكم الحمام تبي تشوفي لقيت مويا مرا استغربت فعليا مويا وبدون ريحه وبطني بس تتحجر وبيني بينكم مرا خفت بس سكتت عشان لايهاوشني زوجي لانو مارضيت نروح عبط
وان شاء الله خير يارب 🥺🙏
حبيباتي انتو والله كل اللي سألو عني وقلقو والله انكم خوات وأكثر 💓💓💓😘 ربي يسعدكم ويعطيكم ليما...
وبعدها ابدي اكتبي القائمه وحاولي تنجزين كل شهر حاجه حسب ميزانيتك