دموعي قريبه وطبوعي :

ما ينفع طب شعبي لأنه الاربطه نفسها ضعفت لو ترفع لبكره وتطلعها من حلقي رجعت تطيح لكن التدخل الجراحي لمثل حالتي تقول ما ينفع زياده لأن المثانه نازله فأي خطأ في العمليه تجرح المثانه وادخل مضاعفات أكثر فقالت خففي وسوي ترميم أفضل ولا تشيلين ثقيل او تمارسين رياضه فيها جهد قوي خليك مشي وتمارين شد الجسم العاديه

ما ينفع طب شعبي لأنه الاربطه نفسها ضعفت لو ترفع لبكره وتطلعها من حلقي رجعت تطيح لكن التدخل...

EMAN H H :

بنات ربي يسعدكم لما وحدة تنزل استفسار تبي تسمع رأي الجميع ليش الزعل من الردود ؟ عادي تقبلوا كل وحدة ورأيها وخوذي اللي يناسب وضعك وظروفك واللي مايناسبك خلاص ، بالاخير القروب للاستشارة ، اذا كل وحدة بتتضايق من رد الثانية ليش تسأل ؟!! صعب أن الكل بيكون ع رأي واحد ، وكل وحدة تجاوب من منظورها ومن وضعها وظروفها ف انتي خوذي باللي تحسين مناسب لك ، وهذا اجتهاد من الجميع انه يرد عليك ويساعدك باللي يقدر عليه حسب وجهة نظره ، مو يعني لما اخالفك بالرأي اني ضدك وما ابي لك الخير ، لان لاحظت من التجمع اللي قبل هذا البنات يتحسوون من بعض الردود وماودي تصير بالنفوس شي تجاه بعض ومرات انا بطبعي لما اشوف وحدة تتحسس من الرد اصير اتجنب ارد عليها اخاف ردي مايعجبها وتتضايق ، وممكن لو ماعرفت ردة فعلها اقول رايي وممكن يكون مناسب لها فليش نحرم بعض الفائدة بسبب خوفنا من تحسس الغير تجاه ردودنا .

بنات ربي يسعدكم لما وحدة تنزل استفسار تبي تسمع رأي الجميع ليش الزعل من الردود ؟ عادي تقبلوا كل...

دموعي قريبه وطبوعي :

😂 😂 اي والله تلاحقتي الوضع لي متزوجه حدود 19 سنه صار الوضع بيننا عادي المريض يعالج نفسه والجائع يدبر أكله راحت أمور كثيره كنا نراعي بعض الي بقي الإحترام ونراعي ظروف بعضنا وما نرضى الغلط لا بيننا ولا من غيرنا وهذي أهم نقطه لأنها تبقي البيت مرتاح ومستقر وتجي مع المحبه والمودة

😂 😂 اي والله تلاحقتي الوضع لي متزوجه حدود 19 سنه صار الوضع بيننا عادي المريض يعالج نفسه والجائع...

wtoto :

شوفي ياطويله العمر انا لي اكثرمن 18 الى19 سنه وكنت عايشه ببيت قسم نسائي فقط غرفه نوم ومطبخ وغرفه مقابله لغرفتي وصاله ومجلس حريم وحمامين حتى مستودع ماعندي وقسم الرجال كان تابع لبيت اخوه يعني بيتهم كبييير وانا بيت صغير بجنبه طبعا طلعت الحوش لازم اللبس عباتي حتى اذا بودي زباله وماكان بيننا شي فاصل لاجدار ولاغيره لو يفتح باب بيتي اشوف بيتهم وهم كذالك بس الميزه عندهم انه بيتهم كبير وكانت سلفتي ترفض تنظف المجالس رغم انها ببيتها بحكم ان زوجي يجي لمجالسهم ويعزم قالت لي انظف معاها قلت لزوجي بدايه زواجي ابي حوش صغير او حط بيننا جدار رفض وانهبل وقال تتفرقين بيننا سكت ولاعاد جبت سيره وصرت اذا ضاق صدري اروح للسطح وللعلم حتى سطحي مكشوف لان بيتهم دورين يعني اطلع للسطح بعباتي والف للجهه الثانيه واجلس اريح واشم هواء مرت السنوات وحملت وولدت وهكذا حتى وانا حامل وتعبانه كنت اضطر اخذ مكنستي وادخل بيت عمنا واكنس انا اسبوع وهي اسبوع مرت سنوات وصار عندي 3 عيال وبنت البنت حطتيه بالغرفه الي جنب غرفتي والعيال حطيتهم بغرفه الحريم واكتفيت بالصاله اذا جاني احد طبعا وش اقول لك لا اثاث ولا دواليب اقول له يقول اصبري لين ربي يرزقني وارمم البيت وازيد غرف مره وحده ملابس عيالي كانت بشنط سفر وينامون بالارض واغراض المستودع احطه بدولاب المطبخ كان يجمع فلوس وكلما قلت فرجت طارت الفلوس مره يشتري سياره وماكنت اتكلم نهائي والله ماكنت احاسبه ابد ولا اتناقش معاه بس دعوتي يارب افرج لي فرج ماحسبت له يارب كنت اقول لعيالي احس اني بموت ماتهنيت ببيت مثل الناس واخذت راحتي كان اخو زوجي مايعزم الرجال الا اذا صار اليوم عندي وينشب لي بسرعه اخلص القهوه وكثير اشياء صارت الحمدلله ربي فرجه يوم من الايام جاني زوجي وقال ودي ابني مجالس لنا خاصه تعرفين مافرحت كثر ماتفاجأت وقلت خير وش صاير لايكون بينكم مشاكل قال لا ابد بس العمر ما ادري عنه اخاف يجيني شي وانتم كذا مالكم بيت مستقل اربع شهور اكتملت المجالس وحطينا بيننا وبينهم سور وسكرنا وحسيت بالحريه رغم ان للأن ماعندنا غرف اضافيه لامستودع ولاغرق للعيال بس هم وراح كنت اتعب اكرف ببيت عمنا وانا متاكده انه الاسبوع الي لها ماتلمس مجالسها بس الحمدلله فرجت صارت مجالسي بعيده شوي عن قسمي بس الحمدلله حسيت بالفرج كثير واستمر يجمع فلوس ويشتري سياره ويبيع سياره واقول ببالي شكله ماعاد يهتم سوا مجالس واهم شي عنده الرجال انا بالطقاق طبعا ماكنت اقول له الي بقلبي ابد وهو ان جاب سيره يقول اصبري ودعوتي يارب فرجها فرج ماحسبت له وصل بكري لثالث متوسط لا دواليب ولا اسره والملابس بشنط شي والله يوم اذكر اقول الحمدلله ربي فرجها صار عندي خمس الله يحفظهم جاني مره قال تراي اخذت قرض وبزين البيت طبعا هذا كلامه كل فتره واقش الاغراض وارتب واجدع الي ما ابي ولا يحصل شي المره هذي قال تراي اخذت قرض اكثر من 400 الف وبرمم البيت وببني اقسام خارجيه واشبكها مع المجالس وش اقول لك حلم ماكنت نهائي افكر فيه بدال غرفه النوم الوحده حط 4 غرف نوم غير غرفتي و6 حمامات ومجالس 3 غرف خاصه بالرجال مجلس ومشب ومقلط ومطبخ ومطبخ خارجي ومستودع كبيييير وغرفه غسيل ربي فرجها فرج ماحسبت له دايما اقول ليه مايخلص البيت ماكنت ادري ان ربي يأخر الفرج لشي احسن لي بيتي الان كبيييير بشكل قسم النساء 3 غرف وقسم النوم 5 وقسم الرجال 3 غير دورات المياه حط ال450الف كله ترميم الاثاث رجع يتدين وقروض فرجها ربي كلما قلت ابي كذا قال طيب ما انسى صبرك معاي طبعا وصل البكر ل اول ثانوي واخيرا حضينا بأسره ودواليب كان يقول شكلي ماراح اعرف النوم والدواليب وبتزوج واثث لي 😂 كنت اقول اصبر واحيانا اقول انا الي شكلي بفطس ماتحقق لي شي 😂😂😂😂😂 تدرين خطرتي ببالي وانا اسكر لمبات السور قلت اعلمك لي سنه الان ببيتي والله مازلت غير مصدقه ربي فرجها فرج ماحسبت له كريم عظيم بس يبي منا صبر وهو يختار لنا الخير دائما

شوفي ياطويله العمر انا لي اكثرمن 18 الى19 سنه وكنت عايشه ببيت قسم نسائي فقط غرفه نوم ومطبخ...

نوره الغانم :

يالله انك تصبحهم وتربحهم بنات جاء في بالي أسم واعجبني واعجب الامير اللي عندي صح انه قدييييم بس خفيف ومعناه حلو وقليل ماسمعه وهذا اهم شي عندي انه مو مكررر ماحب تكرار الاسم لو اسمي اسم شين بعيدين يزين بس مايكون احد قريب مني مسميه بإذن الله وقدرته اني بسميه سعد وش رايكم 🙄

يالله انك تصبحهم وتربحهم بنات جاء في بالي أسم واعجبني واعجب الامير اللي عندي صح انه قدييييم بس...