كوبونات الراقية تسجيل الدخول

لطوف ٢٠٠
لطوف ٢٠٠ •
tulip_uae tulip_uae :
٧.٥ يعتبر طبيعي بس بالحافه وحرام عليها خوفتج واد ماعليج منها انا ١٠ وماخوفتني الدكتوره ابدا بس نصحتني بالمتابع الدوريه كل اسبوعين تحليل وقالت التزمي بنظامج واذا ارتفع عن الرقم المحدد لي وقتها اسير الطوارىء والحمد لله اسوي من يومها بالبيت وعمره ما تعدى الرقم لاني ملتزمه وخطره على الجنين اللي اعرفه يزيد وزنه ويزيد الماي حواليه ووقت الولاده خطر يصيبه هبوط بالسكر وبالنسبه لج الخطر انه تتعسر ولادتج لو زاد وزن البيبي اويتم السكر معاج بعد الولاده والرز والخبز اذا التزمتي بالكميه المحدد ما بيضرك ان شاء الله
٧.٥ يعتبر طبيعي بس بالحافه وحرام عليها خوفتج واد ماعليج منها انا ١٠ وماخوفتني الدكتوره...
قالي الدكتور لازم بعد الاكل بساعه مايتعدى ١٤٠؟ قلت طيب وان تعدى اجي الطوارىء؟ قال لا لا تسوين شي بس سجليه لنا نشوفه
انتي قالك لازم مايتعدى كم؟
/هايدي/
/هايدي/ •
tulip_uae tulip_uae :
امس غسل افرولات بنتي القديمه واليوم غسلت قبعاتها ومهاداتها ومدسها وباجر بغسل الملابس الداخليه وبكون جي خلصت تجهيز الملابس وشفت الثياب اللي شريتها واللي وصلتني هديه اللي شارتنه اكبر حجمه من اللي وصلتني هديه فقررت باخذ الاصغر وزين مسكره ريولها وفيها حركه القفاز جهة الايد وشفت الناقص من اغراض وسجلته علشان اشطب وارتب شنطتي بعدها 👌🏻
امس غسل افرولات بنتي القديمه واليوم غسلت قبعاتها ومهاداتها ومدسها وباجر بغسل الملابس الداخليه...
الله يقويك 😍

حلو نخلص بدري قبل يدخل التاسع ونحتاس
/هايدي/
/هايدي/ •
لون الجنه لون الجنه :
هايدي حبيبتي انتي بعدي ابيوم في موعد الولاده دخلتي الثامن ولا لا.
هايدي حبيبتي انتي بعدي ابيوم في موعد الولاده دخلتي الثامن ولا لا.
لا باقي اسبوعين 🤭
/هايدي/
/هايدي/ •
لون الجنه لون الجنه :
هايدي بسالك عن اخر حبه شن صار عليها.انشاءالله وضع البيبي تمام.😞
هايدي بسالك عن اخر حبه شن صار عليها.انشاءالله وضع البيبي تمام.😞
تو المح اسمها في القائمة و جات في بالي
مادخلت الله يطمنها عنها 🙏🏻
tulip_uae
tulip_uae •
اول شي قاعده اساسيه ممنوع اي شي فيه سكر


ممنوع العصاير المحلاه


بس انا ما احرم نفسي يعني مثلا بالجمعه اكل قطعه كاكاو الحجم الميني او اذا مسوين حلى اكل لي لقمتين عن خاطري


التمر اذا تبين تاكليه ما تتعدين ٣ تمرات


بالنسبه للخبز اكل نص خبزه بالوجبه


العيش او المعكرونه مسموح ٦ ملاعق مثلا الغداء انا تكفيني ٤ ملاعق عيش مع نص الصحن سلطه بدون صوص بس عصير ليمون وشويه زيت زيتون ونص صدر دجاج او لحم عادي اللي تحبينه


المعجنات حاولي ماتكثريها لانها تتحول لسكر بالجسم


مرات اكل توست اسمر احط معاه لبنه وجبن


المربى ممنوع لانه سكر


العشاء مثلا مسوين عدس كلته مع نص خبزه


ومثلا لو مكاني احس بجوع اقدر اكل خيار وروب معاه علشان يسكت جوعي ههههه


السناك اللي هو بعد الوجبات :
حليب قليل الدسم
تفاح او برتقال او رمان او اي فاكهه غير المنجا او الموز
عن نفسي اكل موز بين فتره وفتره
مكسرات نيه غير مملحه
خيار وروب


هذي سناكاتي البرتقال افضله مع حبه الحديد بالليل والحليب والتفاح الصبح


اتوقع قلت كل شي مهم 🤔


هو نظام صحي مافيه حرمان يعني اكل بس بكميه محدده ماترفع السكر ونبتعد عن المقالي قد مانقدر واي شي فيه سكر 👍🏻


والنشويات ناكل بس بالمقياس المحدد فنكون كلنا بدون حرمان بس بطريقه صحيه


والحمد لله من بديت النظام ما زدت غير كيلوين خلال حملي هذا