أم ترف الحلوه :

خلاص وكلت امرنا لربي ان سافر قضاء وقدر لازم ارضى فيه... واذا ما سافر الحمدلله وربي من كثر ما اسمع عن سفرات الشباب اخاااف.. الشباب يخربون بعض.. ولي بقصة صاحبتي كشفت زوجه بمراقص... ووصل الموضوع للطلاق لكن ربي ستر عليهم الحمدلله... وانا بالحمل ما ابي اسافر تعب... ابيه بدون حمل عشان العب بكيفي ههههه.... يلا الحمدلله توه رجع لي وقال امزح معك ما ابي اسافر يارب يكون صادق ❤️ تدرون بنات صار موقف لوحده الله يستر عليها كانت قريبتي عندنا وكان زوجها توه مسافر لتركيا مع اصحابه وحطها عند اهلها... قالت لها كيف تخلينه يسافر لحالها انا رحت تركيا تشوفين مصايب... قالت الحرمه الرجال اذا بغى السفر مايفكر با احد.. قالت هالحرمه اللهاانا مستحيل اوافق انه يسافر لحاله برا المملكه رجلي ع رجله المهم الحرمه ضاق خلقها وانقهرت وانا كنت بالمجلس .. المهم بعد فترة اقل من سنه زوج هالحرمه سافر لحاله مع اصحابه لدبي... وتركها عند اهلها ودارت الايام وتقابلوا راحت تبي تردها لها قالت كيف خليتيه يسافر لحاله قامت ترقع قالت عادي هذي زي جدة عندنا مافيها خووف.. قالت وين يا اختي مارحتي لها دبي كا أنها دوله اوروبيه الحريم متفسخات تقولين زي جدة.. المهم احس الحرمة بردت كبدها وهذيك ذاقت المرارة اللي حسسته لها.... كم تدين تدان بجد...

خلاص وكلت امرنا لربي ان سافر قضاء وقدر لازم ارضى فيه... واذا ما سافر الحمدلله وربي من كثر ما اسمع...

ايس تي :

ان شاء الله باذن الله يقولون لج بنت انا بعد عندي خمس ونص العصر موعد الاحد 😩♥️

ان شاء الله باذن الله يقولون لج بنت انا بعد عندي خمس ونص العصر موعد الاحد 😩♥️

سارونه_93 :

يارب ياكريم يطمن قلبك وتتأكدين انها بنوته يارب❤️❤️❤️

يارب ياكريم يطمن قلبك وتتأكدين انها بنوته يارب❤️❤️❤️

ايس تي :

حسبي الله ونعم الوكيل أسال الله ان كنها تسببت في هدم بيت ان يوريها بنفسها وببناتها عيشتج ورزقج مو موقف ع احد رزقج عند الرازق ربي الله يتمم حملج وتشوفين ولدج بحضنج وسند لج وتربينه احسن تربيه كرري حسبي الله ونعم الوكيل بكل سجده لاتتكلمين مع احد عن اللي صاير اذا تكلمتي عليهم بتعتبر غيبه والغيبه ذنب وكثرة الذنوب ماتخلي الدعاء يستجاب بثي همج وكل مابخاطرج بسجده حسبي الله ونعم الوكيل ع اللي تسبب بطلاقج لاتنهارين ولاتزعلين عيشي حياتج طول وعرض ولاتيئسين من رحمة ربي خل اقول لج سالفتي يمكن تعطيج امل اول ماتزوجت ماكنت ع وفاق ابدا ابدا ابدا مع زوجي كل يومين هواش وحملت من اول شهر زواج وتميت منطمه لاني حامل وجبت الولد الاول وحالتي من خياس لاخيس وحملت بعدها ب ٦ شهور ضقت ضيقه مايعلم بها الا ربي زوجي كان شبه مجنون طلعات مافي الا بيت اهلي فقط !!! او اهو يطلعني وللعلم كان مايطلعني الا كل ثلاث او اربع شهور مره بيت اختي لو يسمح لي اروح طول الوقت يدز لي مسجات هواش << ايام النوكيا والله نص فاتورته هواش لي بعد ماجبت ولدي الثاني وعمره ٤ شهور قلتله خالتي عازمتني وابي اروح لها وزوجها مسافر وماعندها اولاد كبار حزتها اكبرهم صف خامس قال اوك << كان يوم اثنين والعزيمه خميس دقيت ع خالتي وقلت لها بجيك الحمد لله وافق << كان لي ثلاث سنوات متزوجه ومن تزوجت مادخلت بيتها ابدااااا ف يوم يجي يوم الخميس دقت امي علي قالت لي خالتج ذبحت لج خروف ع العشى من الوناسه بدخلتج البيت استانست حزتها وتفشلت من خالتي ياربي كلفت ع عمرها وانا لابسه بطلع قال لي وين قلت بيت خالتي قلت لك وقلت زين قال لا ماتروحين متخيلين !!! قلت تكفى لاتفشلني وتوني اناقشه والله بشويش قاعده اتكلم قال تدرين انتي طالق وانقلعي بيت خالتج !!!!!! صدممممننننني لميت اغراضي وكملت لبس وطلعت دخلت بيت امي ولا تكلمت عن شي وطلعت معهم بيت خالتي وتعشيت ولاكان شي صاير وانا داخل مقهوره من قلب رجعت البيت قلت لامي الموضوع كذا وكذا عصبت حيييييل اليوم الثاني عمي وعمتي دخلو علي ويتكلمون يبون ارد البيت قلت لهم اعتذر انا ماطلعت زعلانه !!! انا طلعت مطلقه !! وليش مطلقه لاني بروح بيت خالتي جاب لي الفلوس والذهب ولا عطيته بال تميت ببيت اهلي ٦ شهور ابيه يتعلم وكنت ابي اتم زود لكن ابوي طلبتي ومارديته المهم رجعت تحسن اول كم شهر بعدها رجع ع شكله كرهت نفسي كرهته ركرهت كل شي والله وصلت مرحله ادعي عليه بصلاتي ادعي ربي يحدث امر ونفترق انا وياه للابدد ومره جاتنا داعيه للبيت وتلقي محاظره علينا وتطرقت لامر البقره والدعاء اخر الليل كيف انه يبدل الحال ل حال اخر التزمتهم اكثر من شهرين وكل فتره اشوفه شوي احسن الى ان ربي يسر امري والله العظيم انه تغير حاله ١٨٠ درجه صار واحنا قاعدين بالصاله يقول لي قدام الناس تعالي جنبي ! صرت اروح وارجع ماعاد احتاج اكتب كتاب قبل الطلعه بكم يوم ويمكن يغير رايه بعد اللهم لك الحمد المهم طولت عليج بعد ماجبت ولدي الثالث انقطعت عن البقره بين دوام وبين بيبي جديد رجع بو طبيع ع طبعه لكن بشكل اخف لكن اشوف بعيونه شي والله محد يشوفه غيري اشوف يكرهني ينام بالصاله يقول لي مادانيج مادري ليش خذتج !! بس قلت الرجال مو طبيعي حركاته مو طبيعيه شغلت الرقيه واهو نايم بالليل كذا مره اشغلها لين يوم من الايام صار يهتز ويختنق !!!! خفت من قلب وعرفت ان فيه بلا الرجال دقيت ع اخوه وتكلمت معاه بالموضوع قلت ضروري توديه شيخ فعلا بعد ماوداه شيخ طلع الرجال مسحور والسحر يخليه يكرهني مايحب يقرب صوبي رجعت اقرى البقره واهو صار يستخدم زيت الشيخ بشكل متقطع حملت خارج الرحم كذا مره واستمريت ع البقره والله العظيم لي كم سنه مو قادره اقطعها ان قطعتها قلب الرجال ف اقراها ع ثلاث ايام او يوميا ع حسب طاقتي هذاك اليوم واخلي له ماي مقري فيه وزين زيتون احط بأكله والحياه مشت والحمد لله حاليا اللهم لك الحمد اغلب الناس يقولون شوفو فلانه ( انا ) شنو مسويه بزوجها بالسنه نسافر ٣ او ٤ مرات والطلعات الحمد لله صاير متلي خلق لنصها والوظيفه تركتها وارتحت منها وهذا هو صار وجهه لنا ومافقدتها اكتب لج هالكلام مو عشان شوفي زوجي لا والله بس اوريج ان كل شي يتغير بالبقره والدعاء اخر الليل اسال الله انه يفرج عليج وينصرج ع من ظلمج بنات سالفتي لا تنقلونها مكان ثاني بنعرف ع طول هههههه

حسبي الله ونعم الوكيل أسال الله ان كنها تسببت في هدم بيت ان يوريها بنفسها وببناتها عيشتج...