كوبونات الراقية تسجيل الدخول

تيراميسوو
تيراميسوو •
Mano2018_ Mano2018_ :
ياحبيبتي تراميسو 💔 تجربتك مره صعبه الحمدالله على كل حال الله يعوضك يارب بالحمل بتوأمين تامين الخلق و سليمين ينسوك تعب التجربه
ياحبيبتي تراميسو 💔 تجربتك مره صعبه الحمدالله على كل حال الله يعوضك يارب بالحمل بتوأمين تامين...
اللهم امين يا رب
ربي يحفظ لك اجنتك و يبشرك بما يسرك حبيبتي
Um.saad_qatar
Um.saad_qatar •
:أماني: :أماني: :
تدرون يابنات صرت اخاف انام من هالاحلام المزعجه على طول على ادعيه التحصين واسمع الرقيه وقبل النوم بعد. البارحه حلمت اني انتظر بالعياده جت الممرضه تقولي الهرمون تضاعف بس النسبه قليله وجاني الدكتور يقولي لا تخافي هرمون الحمل زاد لكن اذا وقف او طلع حمل ضعيف لا تخافين راح اضربك ضربه قويه تنزل لك الحمل ؟؟؟!!!!! تخيلو يارب وش هذا الحلم المزعج انا فيني بلاا والا وشو استغفر الله.
تدرون يابنات صرت اخاف انام من هالاحلام المزعجه على طول على ادعيه التحصين واسمع الرقيه وقبل النوم...
(لو اجتمعت الانس والجن على أن يضروك بشيء لم يضروك إلا بشيء قد كتبه الله عليك، ولو اجتمعت الإنس والجن على أن ينفعوك بشيء لم ينفعوك إلا بشيء قد كتبه الله لك، رفعت الأقلام وجفت الصحف)

بس نصيحتي لج انج ماتهملين الرقيه انا بعد عمليتي اللي فشلت وقبل عمليتي ببناتي رحت لشيخ عندكم في السعوديه ابي اعرف وش موضوع الأحلام اللي تجيني وبعدها انا بعالج نفسي وعرفت وش علتي خذيت من عنده الزيوت والعسل والسدر وصبخه الرحم واستمريت على علاجه اللي خذيته وزدت عليه مسك اسود من عندي لين حملت ببناتي وبداء الوحام ماعاد تحملت ريحة زيت الزيتون وقفته بس كنت اقراء الرقيه واسمعها واقراء اذكاري الصبح والمساء

العلاج شوي كان متعب وخطواته كثير وريحة الصبخه شوي مزعجه بس لاني الأحلام سوت لي قلق

والله اول عمليه مانسى اول ثلاث آيام كوابيس استغفر الله حسبي الله ونعم الوكيل واحد منها والله توني جايه من المستشفى ومرجعه الاجنه جات وحده ودزتني

واشياء ثانيه حتى بحملي هذا حلمت حلم حسّيت ان الحمل فيه شي ومابي اذكر تجارب ناس ثانيه لان الموضوع بيطول

فيه رقيه السدحان خفيفه وقصيره واذا حابه تقرين آيات المس والأرحام وغيرها معاها

الله يحفظكم من كل شر ❤️
Um.saad_qatar
Um.saad_qatar •
تيراميسوو تيراميسوو :
يا رب يلحقني للحمل و الوحام.. و لو يقولون صعب استحمل اي شيء بس اصير ام و يكون عندي نونو
يا رب يلحقني للحمل و الوحام.. و لو يقولون صعب استحمل اي شيء بس اصير ام و يكون عندي نونو
تراميسو حبيبتي قولي الله يرزقني الحمل الهين اللين ويسهل علي ترا وايد صعب الوحام

ان شاءالله بتصيرين ام بحمل خفيف سهل
Um.saad_qatar
Um.saad_qatar •
Fadoa Fadoa :
الله يعوضها مسكينه حست بالقهر موووو معقوله ٩ اجنه 😤 دكتورتي نشفت ريقي حتئ ترجع لي جنينين سبحان الله كيف اختلف و تطور العلم بس اكيد تغير بسبب الحالات الي فشلت الله يعوض علئ كل من خسر و ماكتب له النجاح
الله يعوضها مسكينه حست بالقهر موووو معقوله ٩ اجنه 😤 دكتورتي نشفت ريقي حتئ ترجع لي جنينين...
ليش تسع اجنه الحمدلله والشكر لو حملت لوحده بثنين يكون حمل مخاطر عاليه شلون لو اكثر

انا سمعت عن دكتوره في دولة خليجيه ترجع خمسه اجنه او اكثر وبعد ماتحمل الوحدة ويكونون اربعه او اكثر تطرشهم على دكتور ثاني يسوي الاختزال اذا صج حسبي الله ونعم الوكيل يعرضون الوحدة للخطر
العنود-90
العنود-90 •
ماشاء الله سويتوا تجمع جديد 😍
عساه يارب فاتحة خير للجميع 💙💗


تراميسو : حملي الاول حللت باليوم 13 كان تقريبا 1400 هالحدود .. بس وقتها قالوا لي احتمال حمل قوي و صاير بدري الانغراس مو شرط توأم ، لان كان قبلي وحده بتجمع الانابيب باليوم 13 كان الهرمون عندها 250 سبحان الله مو شرط الهرمون العالي توأم ،، كله يرجع متى انغرس الجنين و متى بدا إفراز هرمون الحمل ، يعني حتى يوم واحد يفرق ،، مثلاً وحده انغرس الجنين باليوم الرابع و وحده انغرس باليوم 10 فيه فرق كبير ،،