ام الاميرات ٤ :

عندك رقم المنسقه

عندك رقم المنسقه

حُلْم99 :

لا والله ما اعرفه اتصلي عالثابت وخليهم يحولونك

لا والله ما اعرفه اتصلي عالثابت وخليهم يحولونك

Um.saad_qatar :

السلام عليكم ورحمة الله وبركاته قال ﷺ : ما يصيب المسلم من نصب ولا وصب ، ولا همّ ولا حَزَن ولا أذى ولا غمّ حتى الشوكة يُشاكها ، إلا كفر الله بها من خطاياه . امس الفجر تاكدت انه الحمل خارج الرحم وبالتحديد في الانبوب الأيسر قصتي طويله ومن كذا تأخروا في تشخيص حالتي لانه في الأسبوع الخامس شافوا الكيس في الرحم وكان عمر الكيس خمس أسابيع ويومين وكان الرحم متضخم من الحمل قالوا الكيس مب طبيعي وشكله من النزيف راح يطيح اهم شي ان الحمل مب خارج الرحم وبعد يومين عدت الفحص قالوا ارتفع الهرمون اكثر من الضعف وبعدها بيومين تعبت ترجيع والله يكرمكم إسهال وجاني جفاف وتنومت وعادوا الفحص ارتفع الهرمون ماتضاعف ومابين مؤيد ومعارض من الدكاتره على سالفة المثبت استمريت عليه اللي هو الدوفاستون وطلعت من المستشفى الجمعة من نفسي سويت تحليل في خاص علشان اعرف وضعي تضاعف الهرمون اربع أضعاف النسبه تاكدت ان حملي طبيعي كيس داخل الرحم وهرمون تضاعف في ثلاث قرآءات بعد اربع ايّام ماحسيت بوحم ولا اَي شي قلت باروح أشيك عالنسبة اكيد بين رحت والمفاجأة ان الرحم نظيف مافيه اَي شي وبطانة الرحم طبيعيه لا متضخمة ولا شي رجعت للدكتوره قالت الله يعوض عليج الكيس مش موجود الحمل طاح قلت سوي لي تحليل قالت بسوي علشانج طلع الهرمون نازل للنص وتأكدنا من الإجهاض وقفت المثبتات ومرت اربع ايّام مافيه اَي شي ينزل علي سويت تست منزلي طلع الخط غامج اكثر من قبل عدت التحليل طلع الهرمون مرتفع شكيت بالوضع نطرت أسبوع وانا يدي على قلبي لين مر أسبوع من تركت المثبتات عدته طلع الهرمون طاير خذيت تحليلي ورحت المستشفى مركز المراه والأبحاث طبعاً كنت أراجع في مستشفى ثاني يوم ماعرفوا علتي رحت للمستشفى الكبير جيتهم الدكتوره قالت اللحين تروحين تسوين التراساوند ولا تناقشيني رحت سويت اشوف يكلمون الدكتوره 💔 رجعت قالت اشتباه بحمل خارج الرحم ماكدت لي وعادت لي التحليل وقلت باروح البيت وبرجع الفجر قالت اوكي رحت ورجعت لهم الفجر دخلوني على طول قالت الدكتوره الحمل في الانبوب الأيسر والهرمون فوق 5000 قريب 6000 وهالرقم ابرة الكيماوي ماراح تنفع معاه كبير لبسوني للعمليه ودوني فوق الغرفه جاني استشاري الله يجزاه خير قال الهرمون عندج كبير وإبرة methotrexat ميثوتركسيت يمكن ماتنفع تبين العمليه سالته عن العمليه هل بيشيلون الحمل او الانبوب قال الانبوب كامل رفضت قلت بجرب الابره وأن شاءالله الله ينفع بها قالوا احتمال لو مانزل تحتاجين ابرة ثانيه واذا مانزل نسوي الجراحه صليت استخاره وجات الساعه ثنتين احس بألم آلم ونزل علي دم تكرمون واخروا الابرة جاني الدكتور قال للحين القرار راجع لج تبين الجراحه قلت لا لين الساعه اربع عطوني الابرة ونمت لين الساعه سبع قعدت بدا ينزل علي دم قالوا عادي بطانه الرحم قاعده تنزل بعد خمس ساعات بالضبط حسّيت بألم الم مب طبيعيي قمت اصارخ زوجي تخرع حسّيت بشي نزل رحت الحمام نزل البيبي الحمدلله كيس كامل والجنين داخله نصبر على الابتلاء لانه دليل محبة الله لنا للهم لك الحمد لا اوفيك حمداً آسفة عالاطاله ❤️

السلام عليكم ورحمة الله وبركاته قال ﷺ : ما يصيب المسلم من نصب ولا وصب ، ولا همّ ولا حَزَن ولا...