مساء الخير
كيفكم يارب الكل بخير
طبعا انا راح موعدي علي لان دكتورتي مسافرة ترجع بعد شهر وقتها آكون بالثامن وانا أحب شهريا اطمن
رحت اليوم مستوصف اول مرة وسويت سونار الحمدالله البنوتة تمام ووزنها تمام والمشيمة الحمدالله يارب
وقدمو موعد ولادتي ممكن تكون 2 نوفمبر. بس انا بعتمد موعدي الاول ماراح أغير لانها كلها نفس الاسبوع تقريبا
الحمدالله أريح اليومين هذي واشوف لو فيني شدة نزلت قضيت بعض والبعض الثاني اطلبه اونلاين 💕
مساء الخير
كيفكم يارب الكل بخير
طبعا انا راح موعدي علي لان دكتورتي مسافرة ترجع بعد شهر وقتها...
نحن نظامنا كل عيد يتشابه
ابوي يذبح ٥ ذبايح وليله العيد من الساعه ١٠ بعد العشاء يكون جهز الحطب واللحم والعيش ويقعد هو وزوجي واخواني يطبخون العيش واللحم ويخلصون على الساعه ١ بالليل ويتركونه على الجمر للفجر
وانا اقوم الفجر اتجهز واجهز البنات والاولاد يطلعون للمصلى مع ابوهم
ومن يرجعون من الصلاه على طول اسير بيت اهلي
طبعا الرجال على طول بعد الصلاه يسيرون بيت اهلي ياكلون من العيش واللحم وزوجي يشل له كميه لبيت اهله 👍🏻
ونحن يزورونا حرمه عمي وبنات عمي ياكلون معانا
وبعد مايسرون نسير بيت عمي الكبير
وبعد مانخلص نسير بيت جدتي يكون اجتماع خالاتي هناك نقعد لوقت اذان الظهر وبعدها نرجع للبيت
وبعد صلاه العصر ازور اهلج زوجي يكونوا خوات زوجي موجودات اقعد معاهم وقبل المغرب نروح بيت عمتي اخت ابوي وخلاص بعدها نرجع للبيت وانتهى العيد هههههه
كل عيد نفس الحكايه