يا حبايبي اتابعكم بصمت من اول وادعي لكم واشيل همكم اذا جا وقت التحليل وافرح اذا ربي تمم لاحد وادعي ان الله يجبر قلوب الله ما ربي كتب لهم
بنات فيه شي باقوله وحاسه فيه ويوجعني مره يارب تفهموني
كيف انسى الوجع وخيبة الالم وكسرة القلب .. كل ما اجي ابدا من جديد بيني وبين نفسي زي كذا اخر الليل انهار اصيح بس اتذكر كل مره حللت بعد العملية وما مشي الحال اتذكر كيف كنت مدارية نفسي وما اتحرك او اتحرك بشويش وتحافظ على اكلي وبالنهاية مامشي الحال انا انسانه مؤمنة وعارفة انه كل شي يجي بوقته المناسب بس حرقة القلب وكسرة الخاطر توجع
ودي ابدا بنفسية كويسه ما ابغى ابدا كذا بسلبية بس دموعي ما تستحي تنزل وقلبي يوجعني ياربي ما ابغى اكون سلبيه بس يالله شوروا علي كيف اغير نفسيتي المشكله موضوع كسرة الخاطر هذا ما شاركت فيه احد عشان ما احب اشوف احد قدامي او احسه حزنان علي او يدري بقلبي المكسور
نفسي اتفائل وادخل يتفاؤل لانه صدق الواحد لازم يكون عنده حسن ظن عشان ربي يكتب له الخير اصلا ما يصير انه اتوقع من ربي شي مو كويس اكيد انه في مصلحتي ما اعرف كيف اشرح بس كسرة القلب والدموع ذي اللي تنزل فجاة توجع
كيف انسى.. كيف افرح كل يوم ادعي واقول يارب اربط على قلبي وقويني وانس وحدتي وفجاة تنزل دموعي وانهار زي الهبله لحالي ما اكون احس اني اصيح لين احسها نازله على خدي وازعل زياده
بعد كل اللي كتبته احس ودي امسحه ما ابغى احد يقراه ويزعل ويكتئب .. بس يمكن احد جاه احساسي وقدر يطلع من ذي الحاله عشان يقدر يبدا صح
الله يكتب لنا كلنا الخير ويرضينا يارب العالمين
يا حبايبي اتابعكم بصمت من اول وادعي لكم واشيل همكم اذا جا وقت التحليل وافرح اذا ربي تمم لاحد...
تتريضي ؟ تمشي مشي سريع و نفسك يسير سريع؟ حاولي تمشي كل يوم نص ساعه. ربي يخلي الجسم يفرز هرمون اسمه اتوقع ادرلين يحسن النفسيه مرا بشكل موطبيعي.
تداومي على سورة البقره ؟ سبحان الله تريح مرا وقال النبيّ صلّى الله عليه وسلّم: (اقرَؤوا سورةَ البقرةِ، فإنَّ أَخْذَها بركةٌ، وتركَها حسرةٌ، ولا يستطيعُها البَطَلَةُ)
لا تنسي ما من عبد يصاب بمصيبة فيقول: إنا لله وإنا إليه راجعون، اللهم آجرني في مصيبتي، وأخلف لي خيرًا منها؛ إلا آجره الله في مصيبته، وأخلف له خيرًا منها
انتي انسانه طبعيه لو ما تاثرتي تخافي على نفسك
الشعور الي جاكي طبعي ربي خلقنا كذا حنونين وينكسر خاطرنا على الذريه و هوا الوحيد الي يقدر يجبر الخاطر ادعيه باسمه الجبار كل ما تبكي ادعي وقولي ياجبار اجبر خاطري .
وخلي في بالك انو انتي لاحول ولا قوة لك الا بالله استشعري ضعفك لله لمن تدعي و اسمري في الحوقله.
يارب تتحسن نفسيتك لان اهم شي في عملية اطفال الانابيب النفسيه.
جربي كل الي قلتلك عليه ماراح تخسري شي