رنووو
غيداء الدوسري


الله يرزقكم ويفرحكم

قبل ماعطتني شيء قالت بخلي البويضه تنفجر طبيعي بس كانت تراقبها بالاشعه...
الله كريم يارب ربي يسعدك❤️

غيد ..
ورنو ننتظر البشارات ربي يسعدكم .ويبشرنا واياكم بالنسبة الزينة .

السلام عليكم
بنات اليوم العاشر من ترجيع الاجنه التحليل المنزلي سالب احس زي الحجر على صدري من الضيقه الله يفرج الهم ويعوضني خير( سبق حللت منزلي بالسادس وايضا رقمي باليوم السادس )
بنات عطوني جرعه أنا هل في امل الحمل من اجنه مجمده في مختبر الحبيب
هل مختبر الحبيب ممتاز من ناحيه التجميد واللجنه تتحمل بعد الفك ؟ عندي اربع اجنه فقط
من حملت من مجمد مختبر الحبيب
وسالت الدكتور عن نسبه نجاح المجمد قال ٤٠ بالميه
من كل عشر مريضات تنجح ٤ بالحمل المجمد

بنات بقولكم قصتي انا متزوجة من سنة واربع شهور تقريبا خذيت زوجي على حب وهو كثير كثير يحبني وما يرفض لي طلب حمدلله اول الزواج بحكم اننا تغربنا قلنا ناجل موضوع العيال كم ششهر لحتى نستقر نفسيا وماديا واصلا تصير خلافات اول الزواج وطول عمري حريصة اني ما اجيب بيبي الا لما اتاكد اني وزوجي تمام عشان اضمن له بيئة صحية طبعا كنا عاملين عزل كلي يعني طول الشهر المهم بعد ب 6 شهور تقريبا قلت لزوجي خلاص ايش رايك نفك العزل ووافق لكن للاسف فجاة طلع لي ثالول تناسلي وكان مرةة مخيف وقرات عنه اشياء مرة خوفتني لكن حمدلله ازلته بالكي بالتبريد وما قد رجع ثاني وتاكد انه خلايا الرحم سليمة لانه في انواع منه تسبب سرطان عنق الرحم ربي يعافينا ويعافيكم المهم قالي الدكتور 4 شهور تقريبا لا تفكرون بالحمل عشان هالفيروس ينشط وقت الحمل فافضل لحتى يروح من جسمك وفعلا عدت اربع شهور كذا صارلي 10 شهور متزوجة وفعلا بدينا نحاول للحمل وكنت متوقعه من اول شهر يصير حمل وما صار انتظر اللي بعده ما صار فعطول بعد بشهرين رحت لدكتورة وساوت لي كل التحاليل وقالت لي خلي زوجك يحلل وفعلا حللنا انا طلعت سليمة وزوجي طلع عنده عدد كلي 12 مليون وحركة 15 وتشوهات 60 ولزوجة والسبب في مستشفى فحصوه قالو دوالي وفي مستشفى ثاني قالو مافي دوالي وحلل هرمون fsh وطلع زين عنده طبعا لحد ما عمره سمع بشي اسمه تحليل سائل منوي طبيعي انه ينهار وفعلا انهرت شهر كامل وان ابكي ونفسيتي بالحضيض وحالتي حالة ولكن بنفس الوقت زوجي التزم التزام كامل بالرياضة والفيتامينات وكلوميدوالعسل وساوى حجامة وكل شي بعد ب 40 يوم راح يحلل وهالمرة راح يحلل بمختبر البرج ( طبعا تحليله الاول والثاني كانوا بمختبرات عادية مو مختصة ) وهنا حرفيا كانت الصدمة الحركة تحسنت 30 التشوهات زي ما هي ولطن العدد 300 الف بهاللحظة قعدت اقول انا ليه ككنت زعلانه قبل شهر على تحليل 12 مليون والدنيا بوجهي صارت سودا ولكن حمدت ربي وقمت انا وزوجي ورحنا عالدكتور اللي يراجع عنده قال هالانتكاسة يمكن من الكلوميد ما ندري وطلب منه يكمل ع كل شي الين 3 شهور زوجي رفض وخاف ينتكس بزيادة ووقف كل شي وطلب منه بعد يجمد عينه باقرب وقت هنا حسينا بالخوف ( طبعا ما خبرتكم اني حريصة كنت ولا زلت ما اعلم احد ابد لا من اهلي ولا من اهل زوج عشان ما ابغى نظرات الشفقة من اللي حولي) ولكن زوجي ما قدر قال ابغى اكلم امي ماشاءلله امه منفتحة ومتعلمة من الحريم اللي فعلا تدعم بالطريقة الصحيحة ومن عرفت انه كذا قاله الطبيب قالت لا تجمد عينات ولا غيره روح ساوي حقن خلاص وفعلا زوجي قال خلاص نتوكل ع الله واسترخنا وتسهلت الامور وحجزنا عند مازن بشارة قلت بشوف استشارة وبعد شهر شهرين اعمل العملية دخلنا عنده وكان مريح وقال لنا بالنسبة لتحليل زوجي ممكن تصير هالانتكاسة وقال نعتمد البرج ونصحنا بالانابيب وقال نسبة نجاحها عالية كون عمر الزوجة والوزن زين من بعد تساهيل ربي طبعا وطلب مننا تحليل د وتحليل هرمون الحليب وتحليل لزوجي من مركز مختص ونجيهم ثاني يوم دورة وفعلا رجعنا لهم ثاني يوم دورة بالتحاليل اللي طلبوها وما تسهل ان زوجي يعمل تحليل عالموعد فقلنا عادي كونه بنعمل االعملية بعد شهر شهرين ولاني متوقعه تحليل الحليب يكون مرتفع وسبحان الله دخلت وفحصوني قالو خلاص هذه الشهر وزوجي قال نتوكل ع ربنا وطلعت هرموناتي زينة المهم بديت تنشيط وزوجي طلبه الدكتور يجمد عينات من بدري عشان ما نضمن انه يوم السحب عينات اضافيه كونه تحليله ضعيييف المهم بنات يوم السحب رحت وتوكلت ع ربي وزوجي اعطاهم عينة جديدة فرش وطلبهم تقرير عليها وانا توني احس وافتح عيوني الا زوجي طلع عنده بيوم العينة المسبقة 49 مليون والحركة 40 مااشاءالله تبارك الله ويوم العينة حقت السحب العدد 21 مليون والحركة 30 تخيلو كنت بموت فرحة انه العدد كذا عنده ومدري احزن اني صرت بادية حقن لكن قلت ما دام تحليله تحسن عادي الفلوس تروح وتجي وربي يعوضنا لكن يا فرحة ما تممتتتتتتتتت سالتهم عن التشوهات ( وتذكروا زوجي هنا بالطبي الدولي يعتبر مختبر عقم وهو كل تحاليله السابقة مختبرات عادية ) طلعت 99 % مشوهة وع مختبرهم لازم 96 مشوه وهنا بلش الخوف انه اللي تشوهات عالية ياثر عالحقن ومع اني قبل السحب بقيت اراسال الدكتور واقوله كيف عينة زوجي كيفها باقي يقول خير ان شالءءله وبس لكن تطمنت لما سحبوا مني 9 بويضات تلقح وانقسم ماشاءلله 8 هذه باليوم الثالث ولكن قال الدكتور بنحاول نرجعلك اجنة يوم خامس وفعلا رجعت يوم خامس 2 اجنة درجة الاولى همه المتبقيين فقط ( طبعا يوم الترجيع لو تشوفون قد ما شربت مي صارت مثانتي والرحم زي كانهم بيفقعون ) قلت للدكتور مو قادر احتمل بفوت الحمام رفض وقال الرحم مرة واضح ورجعو الاجنه وانا بموت من الالم وعطول اول ما خلصت قوموني وقالوالي ادخلي الحمام طبعا انا ويلي الالم وويلي الخوف عالاجنة قلتلهم ما اقدر خايفه قالولي عادي ودخلت الحمام بنات من الخوف مو قادرةة اعمل تخيلوا وطلعت تمدتت عالتخت دقيقتين قام زوجي قالي قومي الحمام ريحي لانه بيصير لك شي االحين وفعلا رجعت عالحمام وفرغت عالهادي ومن هنا حسيت انه يا ربي ليه صار معي كذا حمدلله بعدها روحت ع طول ما خلوني ارتاح غير 10 دقايق ومن ثالث يوم ترجيع ل 6 يوم تقريبا كنت احس بتقلصات قوية زي الدورة وبعدها اختففففت الى الان ومن البارح لليوم افرازات وردي والحين زادت حمدلله راضية ع كل شي اتذكر يوم كان العدد 300 الف عند زوجي كيف كنت فاقدة الامل واقول الحين صحيح تشوهات عالية مرة لكن مدري احس القلب مرتاح اكثر اسفة عالاطالة انا للان ما كلموني عشان نتيجة التحليل الرقممي ادعولي بنات صحيح مالي زمان احاول لكن الامور تعقدت من البداية وهذه اللي محسر قلبي يعني اللحين ابغى احاول احمل طبيعي لكن النفسيه صفرر بحاول اتخطاها وانسى كل اللي مرة بالفتره الماضيه