دودي 1414 :

لا ماسويت تحفيز ،، والمحلول الابيض دايم اقرا عنه ولا اعرفه 😂 وش وظيفته هالمحلول ؟

لا ماسويت تحفيز ،، والمحلول الابيض دايم اقرا عنه ولا اعرفه 😂 وش وظيفته هالمحلول ؟

* نوران * :

مساء الخير للجميع الله يرزقنا جميعا بما نتمنى ويجبر خواطرنا ويعوضنا خير ويكتب مانعاني في ميزان حسناتنا حبيباتي بخاطري كلمات أكتبها لكم💐 صحيح احنا ندور الدكتور الفاهم ونحاول نبذل الأسباب من علاجات وفيتامينات ووووو لكن خلونا ماننسى إن التوكل الحقيقي على الله هو إننا نعمل بالأسباب + نحسن الظن بالله كثير منا نتبع قائمة بالممنوعات بالأكل رغم إن هالقائمة مافيه دراسات علمية مثبته عليها وهي مجرد اجتهادات ناس مرت بنفس تجربتنا ومن خوفنا صرنا نسوي أي شيء ( طبعا باستثناء الأكل الصحي أكيد مطلوب والتنويع بالخضار والفواكة والبروتينات هذا شيء مفروغ منه ) لكن بالمقابل ننسى أشياء مهمة جدا ومذكورة إنها من أسباب الرزق والشفاء ،، والله ياحبيباتي أذكركم ونفسي في هالأسباب واللي أولها عمل الخير حاااولي قد ماتقدرين تقدمين الخير للناس باللي تقدرين عليه تدرون إن لها مردود عظيم عليك وتراها سهلة ماتبي منك شيء ، اللي يسعى بحاجة أخيه يكون الله في عونه ويساعده ويفرج عنه لما يحتاج الفرج وهي سبب لاستجابة الدّعاء الله سبحانه يقول: (وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ، فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ) والشيء الثاني لاتقصرين في الصلاة أديها على أكمل وجه وقدمي السنن الرواتب ، احنا بحاجة لرضا الله وحب الله وللقرب لله لاتنسي الصدقة لها مفعوووول عجيب واعتبريها أحد علاجاتك المهمة تصدقي باللي تقدرين عليه لو بالقليل ان شاء الله عصير وماء بارد لعمال النظافة وانتي طالعة لمواعيدك ،، تحري الناس المحتاجة من حولك الرسول عليه السلام يقول ( داووا مرضاكم بالصدقة ) لاحظي الكلمة هي ( دواااء ) ابحثي عن أنواع الصدقات رااح تتفاجئيين بالمجال واسع واحنا غافلين عنه الدعاااااء معجزة ،، ادعي من قلبك وأنتي موقنه بالإجابة ،، وتحري أوقات الإجابة ،، رددي الأدعية الواردة في القرآن ،، “ربِّ هبْ لي من لدنك ذريةً طيبةً إنك سميع الدعاء”. “ربِّ لا تذرني فردًا وأنت خير الوارثين” اسألي الله الرزاق الواهب اللي تتمنين ،، وكوني ملحة في الدعاء الاستغفار يابنات شيء عظييييييييم وأحد الأسباب المهمة في المساعدة على الانجاب وجلب الرزق ،، الله سبحانه اللي خلقنا يقول( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) كثري من الاستغفار طول الوقت وفي كل مكان وبإذن الله واح يعطيك ربي مرادك واخيرا القرآن علاااااااج لكل داء ،، لاتبحثي عن راقي أنتي ارقي نفسك اقرئي البقرة على نفسك كل يوم والفاتحة سبع مرات والمعوذات واستعيني بكتب الرقية موجودة في المكتبات مجمعة فيها الأدعية والآيات المخصصة للرقية ،، انفثي على بطنك وانفثي في زيت زيتون ومسحي بطنك وظهرك ،، انفثي في ماء واشربي منه ،، ابحثي عن ماء زمزم متوفر الآن بكثير من المحلات فيه بركة ودواء ،، احرصي على العسل على الريق وحبة البركة كلها مذكورة من السنة النبوية وانها من العلاج بصراحة طولت في الكلام لكن من حبي لكن ورغبتي بتحقق الأمومة لكل وحدة منا حبيت اذكر نفسي أولا وأخواتي بالقروب عن هالنقاط المهمة واللي ماتقل أهميتها عن المنشطات والعمليات ربي يكتب لنا الخير والرزق والذرية الطيبة عاجلا غير آجل

مساء الخير للجميع الله يرزقنا جميعا بما نتمنى ويجبر خواطرنا ويعوضنا خير ويكتب مانعاني في ميزان...

شذاوي١٢٣٤ :

اليوم كان ترجيعي اجنة مجمدة لكن الى الان ماعندي اي اعراض مااحس بشي ابداً ماكأني مسويه شي طمنوني بنات في احد مثلي لان تجربتي السابقة الي فشلت تفس الشي ماحسيت بشي

اليوم كان ترجيعي اجنة مجمدة لكن الى الان ماعندي اي اعراض مااحس بشي ابداً ماكأني مسويه شي طمنوني...

رحاب💗 :

انا اليوم نفسك بس انا احس غازات تعبت منها الله يكتب لنا الخيره

انا اليوم نفسك بس انا احس غازات تعبت منها الله يكتب لنا الخيره

امنيتي طفلى :

غبت هااليومين للظروفه اشتقت لكم وادعيلكم معاي كل ماادعي ❤️❤️ حبيباتي بقولكم رحت للدكتور بندر انتظار جيت الصبح الساعه ٨ وخلصت الارقام وعطوني الساعه ٤ العصر ورحت لهم مادخلنا الا ٦ قابلتني الدكتوره السمراء وخذتمعلوماتي والاسباب وكم لي متزوجه وكم عمليه ومن هاالكلام ودخل الدكتور بندر تبارك الرحمن محترم وحنون ويعطي الوحده فرصه زوجي يسال وانا اسال وكل شوي امروقولو اللي بخاطركم طبعا جبت تحاليلي اللي سوييتها بالمستوصف الخاص والسونار وشافها قال مرا كويس تجين ثاني يوم الدوره نسوي لك اشعه صوتيه ونبدا التنشيطبس زوجك دام الحيونات تنزل وتصعد لازم يسحبون عينه وتجميد ع طول عشان ما نتورط يوم العمليه العدد عند زوجي اخر تحليل قبل ٣ شهور العدد ٦ مليون وتشوهات بنات رحت ماحصلت موعد الا بعد دورتي بشهر ١٥ يوم كيف يسون سحب بعد العمليه قلت لها قالت مافي نفسيتها خايسه المنسقه قلت اروح اكلم الدكتور قالت ماله دخل من عندنا المواعيد قلت اسوي بذريه قالت اي ووقت العمليه تروحون تسحبون العينه وتجيبونها عندنا كيف يابنات علموني ماعندي خبره بسالفة التجميد مو عارفه اتصرف النقطه ذي حتى بجده يوم حملي بولدي مااذكر الا سحبو يوم العمليه الدكتور بندر يقول سحب وتجميد يبيها قبل تكفون اللي تفضى وعندها خلفيه وعندها شووور ليتقولي 💔😰

غبت هااليومين للظروفه اشتقت لكم وادعيلكم معاي كل ماادعي ❤️❤️ حبيباتي بقولكم رحت للدكتور بندر...