حبيت ابشركم سويت المنظار الرحمي التشخيصي الحمدلله
للاسف استسلمت على اخر لحظة وماسويته بدون بنج وحولت لمستشفى خاص ودفعت ٥ الاف ريال😭😭
وسويته بتخدير كامل
نتيجة المنظار كان كل شيء سليم ونظيف ومافي اي التصاقات ولا التهابات ولا شيء
سوا لي الدكتور تحفيز لبطانة الرحم قال ممكن تساعدك بدورتك الجاية وتخليها تسمك مع الادوية
طبعا للي مو عارف انا سويت عملية تنظيف من اجهاض وخربت بطانتي كنت سليمة صرت اعاني من ضعف بطانة الرحم ولا تستجيب بالادوية
كمان قالي الدكتور ان رحمي مقوس طبعاً هذا اكتشفته من بداية مراجعتي مع التخصصي قالو لي كذا بس قالو طبيعي
والدكتور لما سوا المنظار قال كنت بزبطه لك واقصه بس خفت اسبب لك مشكلة التصاقات ومشاكل ثانية انتي بغنى عنها
والحمدلله ع كل حال
اسأل الله ان يشفيني يارررررررب ويشفي كل مريض
حبيت ابشركم سويت المنظار الرحمي التشخيصي الحمدلله
للاسف استسلمت على اخر لحظة وماسويته بدون بنج...
انا امي وعماتي وحريم عمي كلهم اميات مادرسوا
بس كلهم نفس التفكير والثقافه ماعدا حريم عمامي ثنتين مو من عايلتنا وتفكيرهم جهل بجهل
تخيلي ان وحده منهم تقول عن اطفال الانابيب انه ياخذون بويضة حرمة ثانيه مع حيوان منوي رجال ثاني ويسوون جننين للي عندهم عقم ويحطونه برحمها 🦦
استغفرالله ياربي والحمدلله اللذي عافانا من مابتلاهم
امي وعماتي وحريم عمامي اللي من العايله يدرون لاني ماخذه ولدعمي وهم اللي اذا تكاسلنا يهاوشونا ويهتمون لنا وماينغزون بالكلام ويدعون لنا ويتصدقون عنا بدون ماندري لكن مرات يلمحون لنا عشان نعرف ان عندنا ناس يفكرون فينا ويبون لنا الخير
حتى بالمجالس والمناسبات اذا انففتح هالموضوع واحد سالني وهم موجودين ابداً مارتبك لاني اعرف محد مغلطني منهم وبالعكس يفتحون مواضيع بعيده كل البعد عشان ماننحرج
اعرف انهم يعرفون ان المشكله من زوجي لكن ماقلت لهم ابداً تفاصيل التحليل وهم محترمين هالشى ومايسالون ابداً عن تحاليل
بس يسالون حجزتوا مواعيد والا سالتوا عن تقنيات جديده والا
حتى قبل كم اسبوع عمي قاال لزوجي حلالي ومالي كله لكم حتى لو السفاره رفضوا علاجكم خذوا رقم بطاقتي وادفعوا اللي تحتاجون
والحمدلله على كل حال
والله يرزقنا من واسع فضله ويفكنا من شر الناس اللي تدور القيل والقال