ماشا والدب :

الحمدلله من قبل ومن بعد بعد السحب بخمسه اشهر اختار لي الله سبحانه هذا اليوم وتم إرجاع الأجنة وباقي جنين لو استمر لليوم الخامس يُعاد تجميده إن شاءالله اسأل الله أن يكرمني طفل صالح معافى إنه ولي ذلك والقادر عليه دعواتكم مااستغني عنها لاتنسوني اخواتي🤍 كنت خايفه من مسأله البول وانتم بكرامه كلكم تقولوا نخرج حشرانين استغربت انها من غرفه العمليات قالت عملت لك قسطره وفضيت البول الحمدلله

الحمدلله من قبل ومن بعد بعد السحب بخمسه اشهر اختار لي الله سبحانه هذا اليوم وتم إرجاع الأجنة...

يمرني طاريك :

السلام عليكم ورحمة الله وبركاته 0 seconds of 0 seconds ‏مباشر 00:00 00:00 00:00 حبيباتي في القروب.. انا طبعا خبرتكم اني رجعت جنين يوم خامس قبل تسع ايام.. يعني اليوم التاسع بحكي لكم اللي صار معاي.. قلبي مجروح وفيني ألم كبير.. حمدلله رب العالمين السالفه اني من اليوم الخامس بدأت احلل منزلي بجهاز كلير بلو للكشف عن الحمل المبكر.. لاني المره الماضيه كشفت حملي اللي ما تم في اليوم الخامس من الترجيع ايضا المهم. اول شي ما بين اي شي معي في التحليل.. وانا ما ادري شو صار لي بكيت بكيت بكييت لين روحي تعبت.... في نفس اليوم بالليل حللت مره ثانيه. وبعد ساعه اشوف التحليل في خط جدا جدا جدا خفيييف يحتاج تركيز دقيق بس ما كان وهمي.. وانا قلبي طار من الفرحه.. اليوم اللي بعده احلل اكثر من مره ويطلع الخط الثاني أوضح من اللي قبله بشي بسيط.. وبعدين اليوم السابع والثامن طلعوا لي خطين واضحين ينشافوا من بعيد ومحد يختلف فيه يعني.. واضح انه حمل.. بعدين يا طويلات العمر وانا نايمه امس.. يجيني ذاك الحلم ان في حرمه دخلت بيتي وكانت تلاحقني وتبي تسرق مني شي.. انا اخر شي عطيتها شي بسيط من اللي كانت تبي تسرقه بس عشان ما تسرق الباقي.. كان ذهب تقريبا.. المهم طول الحلم وانا اهرب واحاول اتخلص منها اليوم الصبح اللي هو التاسع.. اسوي فحص.. الا وما في خط.. يمكن خط جدا جدا خفيف مثل خط اليوم الخامس. َواسوي الفحص الثاني والثالث ونفس الشي.. قلت يمكن كنت شاربه ماي كثير.. وبعدين مسكت نفسي خمس ساعات عن الحمام واعيد التحليل واستخدم ثلاث انواع مختلفه.. والله وكأن الحمل فص ملح َوذاب.. انا الحين تعبانه تعبانه تعباااانه نفسيا.. حمدلله على كل حال.. بكره مفروض تحليلي بس ما ابي اروح والادويه وقفتها.. قلبي موجوع وحالتي ما يعلم بها الا الله.. المره الماضيه صار لي نفس الشي بس ان الإجهاض صار في الاسبوع الخامس وكانت فترة الحمل اطول وهذا الحمل ما فرحت فيه الا يومين او ثلاث لكن متألمه.. دعواتكم الله يصبرني.. احس ما عاد عندي استعداد أخوض التجربه مره ثانيه لاني استهلكت قوتي ومشاعري وكل شي فيني..

السلام عليكم ورحمة الله وبركاته 0 seconds of 0...