غيوم ☁️ :

اللهم آمين يارب لا بهالاحياءخلاص حتى الخروج ممنوع والدوله بتتكفل بتوصيل الاكل والادويه للمحتاج يعني اذا تيغين اغراض من محل التموينات الغذائيه هميوصلونه لك انت ماتطلعين لكن هالاحياء اغلبها عماله ومستهتره 😿 والاب اللي طلع ولده للبقاله صراحه يستاهل الان فيها مخاطره ع الطفل مايشوف هالعماله كيف مستهترين والناس مزدحمه 😩

اللهم آمين يارب لا بهالاحياءخلاص حتى الخروج ممنوع والدوله بتتكفل بتوصيل الاكل والادويه للمحتاج...

zena22 :

نسختها من تباشير سبتمبر و اكتوبر موعد الولادة كان تاريخ ١٥ انجليزي و انا ولدت بتاريخ ٨ انجليزي عليكم الحساب شهر سبتمبر هنا الاكشن (جهزت نفسي و ركبت السياره و الشنطة البيبي ورى من ذكائي الخارق الى الان ما اكلت شي شلون راح ادفع يااااربي ياليت شاربه عصير قال لاتخافين اشتري لج عصير و حاجه خفيفه تاكلينها.. رحت الطوارئ وكان زححححمه بس التاسوعات يبدونهم اول يعني على حسب الحاله الطارئه دخلت فحصتني قالت 3سم وقالت لي الدكتوره اذا تبين تنويم او تمشين للبيت واذا تقاربت الطلقات ترجعين؟؟!! قلت امشي و ارد والسسترات الاجنبيات يناظرون وراحت الدكتوره تصلي صلاة المغرب! وهي ماشيه قالت للسستر اني رافضه تنويم و هي 3سم و جهزي ورقة الاقرار الخروج على المسؤليه.. مسكوني النيرس و سألوني مدام كم بيبي بالبيت؟ ... 4 قالو ليش مايبغى تنويم و انتي 3سم تبين تولدين بالبيت؟! رديت عليها دكتورتكم اللي قالت عادي و ثانيا فيني طلق و لا عملت تخطيط و ابد و لا اخذت منها كلمه كويسه و لا نصيحه و راحت قالو لي السسترات ونصحوني اني ابقى و اتنوم .. رجعت الدكتوره قالت ها وش قررتي قلت خلاص بصموني تنويم ترد علي اخيرا.... ماعليكم من الطويل صعدوني غرف الانتظار قبل الولاده تخطيط و البيبي نااااااايم و الطلق بارد و احياننا ماكو قالت السستر شوفي مدام ياكل اول عشان البيبي سلييب نايم يعني اكلت و تمشيت مع اللي يتمشون بالممرات صارت الساعه 2 الفجر وحمى طلقي لدرجه ينعكف الظهر واروح اناديها تجي تعمل تخطيط قلت لها ابي قياس كم فتح قالت لا تجي الدكتوره 4 الفجر قلت لها وش فيج يمكن تنا ولدت 4 الفجر فيني طلق حامي ما اقدر قالت يبين بالتخطيط وتعمله مدة ساعه جات 3 الفجر قالت التخطيط كويس قلت لها اناااااا ولاده بولد بيبي بيجي قالت لا ماما ماكو وتتركني وتروح جات وحده حامل قالت زينه صرخي ولا محد راح يجي لج قلت لها ما اقدر قمت مشييييت للنيرسات الثانيه قلت لهم انا ولاده قالو رجعي غرفتج و نجيك من الخوف رحت الحمام و بطني سهال و ينزل مني دم كثير والله خفت و انا بموووت قلت يالله وش ذا الحالة خفت يبهدلوني والاقي لامبالاه منهم وش اسوي ياربي.. واخرج من الحمام .. قالت الحامل لي نصيحه صرخي ويجون قلت لها لا ماني قادره انكتمت صرت ابكي قلت لها روحي خبريهم ان راس البيبي طلع... كذب عشان تجي تقيس راحت جات تركض قاست وراحت عني تركض قلت يالله وش ذا الحاله تركوني انا والسرير واحد وابكي على نفسي جات تركض بسرير النقاله قالت هي ولاده يلا يلا القهر ان في ممرضات سعوديات و مكذبيني ... راحو شخط ودوني غرفة الولاده قالت القابله وش فيكم تركضون قالو هاذي ولاده قالت ماكو مكان للولاده خليها على الممر قالت السستر لا هاذي مفتوح 9 ونص سم قاستني قالت يلا زينه يلا دفعي دفيعي خلاص خلاص .. وتناظر السستر وتعصب وينكم عنها هي تنزف و الراس البيبي قريب ليش ماجبتوها قبل ترد السعوديه هذا احنا جنبها قالت لي زينه ليش مايقول حبيبتي قلت لها انا اقوووول محد راضي يجي وابكي قالت خلاص خلاص حبيبتي و قالت يلا عن الطلق اعملي بوش يلا يلا ادفعي ادفعي خلاص خلاص خذي نفس جات الدكتوره قالت وش اسم المريضه قالت القابله دكتوره ليش ماشيكتي على المريضه ردت ماشفتها وين كنتي زينه يوم اروح القسم قبل الولاده.. قلت لها بالحمام جاني اسهال قالت ليه محد وياج؟ .. قلت لان محد حوالي وانا اناديهم رايحه وراده وجات هي بتولدني قالت يلا يلا مع الطلقه ادفعي و تشجعني بس راس البيبي حاشر مو راضي يدفع و عند اذان الفجر طلع حبيبي للدنيا بس مررره تعبت و تجرحت داخل و خارج و صرت اضحك قلت اخيييرا و هم يصفقون لي قالت شوفي زينه سبب ان طولتي في الدفع على مايطلع البيبي انه يناظر السماء مو ساجد للارض عشان هيك تعذبتي شوي قلت خلصت خلاص قالت بخيطج لان الجرح عميق قلت وانا داااايخه ابي انااااام ترد تضحك قالت وين و البيبي متوعد فيك اسمعيه يبكي ههه وتطلع البشيمه و تخدر وتبتدي خياطه وتخلص وقالت ان عندي نزيف لا اتحرك ونظفتي وقفلتني و قمت بالكرسي لغرفة الانتظار انسدحتت من البرد و اخذ غفوااات و احلااام واجلس والمس بطني قلت اي صح ولدت خخخ جات وحده بالكرسي شافتني كانت فوق تمشي معايا غير هاذيك اللي قالت لي صرخي قالت زيون ولدتي الحمدلله على السلامه بس صج تعبتي وانتي تترجينهم قلت اهم شي ولدت اه قالت وين البيبي قلت مدري ينظفونه وبيجبونه .. جابو هم بنتها و انا قالت لي انه بالحضانه😨 ليه طيب طلع و صاح و شفتكم تنظفونه قالت لان طول شوي عند الخروج في الرحم بس اجرائات احسن له ولج مانقدر نعطيج اياه وانتي تنزفين اذا خذتي 24 ساعه راح نجيبه لج قلت اوك قلت بخاطري لاحقه بصراحه وابي ارتاح من الكابوس اللي عشته اليوم بس ماشفت شكله على الاقل ههه وانتهييييت هذا صج اكشن كلا خايفه اكون انا و السرير واحد وصج صرت هيك بس الحمدلله عدت على خير يوم ثاني الصباح جابو الحلو لي و شفته بسم الله ماشاء الله وعلى العصر سجلت خروج انتهى ذاك اكشني ☹️🙃 يلا استفيدو بحاجة وحدة لا تروحون ع معدة خالية اكلووو اكل صحي لان وراكم دفع و لازم قوة

نسختها من تباشير سبتمبر و اكتوبر موعد الولادة كان تاريخ ١٥ انجليزي و انا ولدت بتاريخ ٨ انجليزي...