اغلبية الحريم غافلين عن أهمية ال 6 اسابيع الى 8 اسابيع اللي تيي بعد الولادة او الي نسميها فترة النفاس ونشوف فئه من الحريم يتبعون انظمه قاسيه للنزول خلال هالفتره وفئه الثانيه ماخذين راحتهم طول هالفتره اكل ونوم والفئتين طبعا غلط
الجسم في هاذي الفتره قاعد يصلح ويبني نفسه من جديد الرحم يبدأ يرد لحجمه الطبيعي تدريجيا .
العضلات محتاجه لدعم وتقويه بعد الحمل الي كانت شايلته .
الجروح تاخذ وقتها للشفاء.
التغيرات الهرمونية والتعب اللي حاسه فيه يبي له اهتمام غذائي وجسدي ونفسي قبل لا اقولكم بعض الاكلات المهمة خلال فتره النفاس ▪
▪ 🔹بروتينات : علشان تصلح الخلايا والعضلات 🔹كربوهيدرات:علشان تمدج بالطاقة
🔹دهون: واقصد الي فيها الدهون المفيدة لتعديل المزاج والهرمونات 🔹الحديد:لتعويض النقص من النزيف
▪
▪
🔹فيتامين سي :لتقوية المناعه ودعم الجسم
🔹ألياف :لتجنب الامساك 🔹فيتامين بي:لتقوية الدم وتجنب الاكتئاب
🔹كاليسوم وفيتامين دال:لتقوية العظام ودعم الرضاعة ▪
▪
▪
والحين نيي لبعض الاكلات المهمة خلال النفاس : 🔹السالمون المشوي (حصتين بالاسبوع ) غير ان فيه بروتين يحتوي ايضا على اوميجا 3 وفيتامين دال 🔹الحليب او الروب او اللبن تحتاجين 3 اكواب باليوم 🔹لحوم قليلة الدسم مثل صدر الدجاج المشوي او اللحم المنزوع الشحم تحتاجين حصتين الى 3 باليوم 🔹الحبوب السمراء او حبوب القمح الكامل مثل الرز الأسمر او المعكرونه السمره غير انها عالية بالالياف ايضا فيها حديد وتساعد بسرعة الشبع . 🔹البقوليات مثل الجريش والعدس والنخي غنين بالحديد والالياف والبروتينات
🔹البيض فيه فيتامين د والدهون المفيدة 🔹الموز لان يساعد على النوم وافراز هرمون السعادة والمغنيسيوم اللي يخفف من التقلصات بهالفترة 🔹بذور القرع ايضا يحتوي على المغنيسيوم ويحفز هرمون السعاده ويقلل من احتباس السوائل 🔹الماء مهم جدا جدا للوقاية من الجفاف والامساك واحتباس السوائل خلال فترة النفاس 🔹شاي البابونج والينسون للمساعدة على الاسترخاء 🔹الفواكة الحمضية مثل البرتقال او الفراوله او التوت البري او الكيوي او الجوافه او الطماط عاليين بيفيتامين سي واي والالياف 🔹تجنب الحلويات او المأكولات الدسمه لانها بتزيد الطين بله غير زيادتها للوزن بتزيد التقلصات وتوؤدي الى الكآبه والمزاجية والارق
اغلبية الحريم غافلين عن أهمية ال 6 اسابيع الى 8 اسابيع اللي تيي بعد الولادة او الي نسميها فترة...
ان شاء الله ذي المرة ماتعوشري ع طول تولدي