إيمان1981 :

غيوم حبيبتي تفكرين تعيدينها عند وايل ؟

غيوم حبيبتي تفكرين تعيدينها عند وايل ؟

كل الأسامي خلصتوها :

هلا صبايا طبعا المشفى في تركيا طلبوا مني الان الدوره اللي تسبق دورة العملية لااازم احلل الtsh اللي هو الغده الدرقية وأحلل هرمون الحليب ولازم التحليل قبل العمليه بشهر ماينقبل تحليلها القديم هنا مستشفياتنا ما اذكر انطلب مني احلل الtsh الا مره وحده قبل ٤ سنوات عند سعد الدين قناوي المهم حللتهم واليوم استلمت النتيجة الحمدلله رب العالمين وطيران ارسلت الصورة للدكتورة دلال الشمري عالدايركت في الانستقرام " تجننننن الله يرضى عنها ويسعدها يارب تخيلو كل اسئلتي تجاوب عليها ولاعمرها سفهتني مع انها مو طبيبتي بس شعور جميييل كل ما انزنق احصل طبيب مختص يجاوبني 💝💝💝" طمنتني قالت تحليلك ممتاز والحمدلله يابنات بعد جهد جهيد صار هرمون الحليب ١٩ له كم سنه وهو ٢٥ مو راضي ينزل الا شي طفيف قلتلها يعني وش رايك دكتورة هل اوقف الدوستنكس واريح جسمي لاني خلاص مقبله عالعملية ولا استمر ؟ صدمتني اجابتها صدمة عمري قالت انا ابدا ما افضل ان الوحده تاخذ الدوستينكس وقت عمليه ولازم توقفه قبل السحب لأن فيه دراسات شككت في انه له آثار في منع إنغراس الأجنه 😥😥😥 وقالتلي وقفيه قبل عملية السحب وتقول ال٢٥ وال١٩ يعتبر طبيعي وحنا طول عمرنا منتشره عندنا معلومة انه عادي وقت السحب وما يأثر ؟! والله اول ماقالتلي جيتكم طيران اعلمكم

هلا صبايا طبعا المشفى في تركيا طلبوا مني الان الدوره اللي تسبق دورة العملية لااازم احلل الtsh...

كل الأسامي خلصتوها :

عشان كذا اقووولك بندر رائع لكن تدور حوله عيوب كثيرة وانا ابسط حقوقي ان طبيبي الخاص احس فعلا انه طبيبي مو احس ان الوصول له ومعه جهاد ولو لاسمح الله احتجت في يوم من الايام اعمل الحقن في الرياض بتكون أمانةً الدكتوره دلال الشمري على رأس قائمة اختياراتي لاني ابي مختبر الحبيب وبنفس الوقت مابي دكتور ندخل انا وياه في دوامة ضغط وتعب نفسي وينسى وش قالك ولازم تذكرينه وماعاد عنده حتى وقت يتابع بحوث جديده دراسات جديده وفي النهاية وش بيسوي ؟ نفس بروتوكول التنشيط والسحب اللي يسويه اي دكتور في الدنيا دلال يختي مروووقه وراحة نفسيه تخيلي انك بتحجزين بسهووله وبتدخلين بسهووله وبتقابلك وحده تشرح الصدر وغير هذا كله دائماً مطلعه على الدراسات الجديده وهذا لاحظته في انستقرامها طول الوقت وهي تتابع البحوث والدراسات في هالعلم

عشان كذا اقووولك بندر رائع لكن تدور حوله عيوب كثيرة وانا ابسط حقوقي ان طبيبي الخاص احس فعلا انه...

Omحبيبة :

صادقه عشان كذا انا ماكنت ابي لا بندر ولا حمد الصفيان رغم انهم قمه ماشاءلله انا وحده اعرف نفسي عساي اذكر عشاي امس اجلس اذكر الدكتور وش يعطيني وش نايعطيني والله قبل كم يوم كنت بقسم الذكوره بذريه جايه بسال عن شغله جلست بالاستقبال خمس دقايق اروح واجي نسيت وش بقولها وشلون امر مثل التحاليل وكذا يمكن بندر ينفع مع اللي ماشاءالله حريصه وتكتب كل شي

صادقه عشان كذا انا ماكنت ابي لا بندر ولا حمد الصفيان رغم انهم قمه ماشاءلله انا وحده اعرف...