والله ما اعرف حبيبتي الله يسهل امرك

غيوم هذا الدوا كويس لجوده البويضات او لا ؟؟


لاني افكر اذا ربي مااراد لي اخذ ٣ اشهر كورس لجوده البويضات بعد استشاره الطبيب.

وشلون كلامك مره مره اثر فيني لدرجه امس طول اليوم ابكي وكتبت رد كذا مره ومسحته
ياعمري كلنا مرينا بهالاحساس طالت فتره الانتظار او قلت واحساس الامل ثم الفشل بحد ذاته موت بطئ يالله وش كثر ليالي وايام تاملنا وانتظرنا وبكينا
ولكن رحمه رب العالمين فوق كل شي والايمان بقضاءه العصر امس سمعت شيخ كلام حافظينه كويس لكن برضو كل مااسمعه ابكي
ندعي ونبكي ربي ما يعطينا مرادنا مش غضب ولا عقاب وانما رحمه وكرم نجهل اسبابه ولو انكشف لنا الغطاء كنا حمدناه وشكرناه عملت محاوله شهر ٩ ميلادي السنه اللي فاتت وفشلت وعدتها بديسمبر وبرضو فشلت وكنت ادعي الله يهديني لسبب يهدأ روعي لكن نفسيتي مره مره تعبت لدرجه صرت اطلع حرتي كلها بالاكل وانا ماكنت كذا ابدااا بعدين حصل شي ما كنت اتوقعه ابدااا ابداا ولو كنت حامل او اتوحم ماراح كنت اقدر اثبت نفسي حصلت لي منصب جديد بعملي وكان لازم اعمل بجد علشان اثبت للاداره اني قدها والحمدلله توفقت
صرت اقول لزوجي الحمدلله كنت اجهل وش بيجيني وربي فتح لي باب وباذن الله بيرزقني كمان. بيجي يوم اشكر ربي ونفسي اني مااستسلمت وبتحقق احلامي واشوفهم حولي وهالشي هو كل سعادتي انا رغم قوتي وصبري لكن اعترف وسبق قلت موضوع العمليات و الحمل نقطه ضعفي دموعي تسبقني فيه ومااقدر احبسها والغصه تذبحني لو فين كنت جالسه او مع من
الحمدلله على كل حال. ربي يرزقنا من فيض رحمته وترى عادي لو جبتي واحد بيشغلوك وهات يازن على الثاني. الان انا كذا بس مااعطي حد وجهه ولا التفت له.

ايه لازم بنفس الساعة كل يوم

مجرد فضفضه ..
قبل ما اسوي عمليتي الأولى اخذت قرض قيمته حوالي ٥٠ الف قرض وجمعيه ولازم اسددها خلال سنتين فقط
زوجي على قد حاله يعني تقريبا انا اللي اصرف ع البيت لأن راتبه يسدد فيه قرضه وايجار الشقه اللي احنا فيها
تخيلو فشلت العملية الاولى وجتني ضيقه ما يعلم بها الا رب العالمين مع كذا ما ذرفت عيني ولا دمعه وصبرت وكتمت .. كنت اضحك بوجه زوجي وابين انه ما اثر فيني هالشيء لأن السبب منه هو ولا ابغى اجرحه خاصة ان نفسيته دمااار بسبب انه ما يقدر الا على تسديد ايجار الشقه من كثر الديون اللي عليه
قلت بنفسي يا بنت باقي عندك من فلوس القرض حول ٣٠ الف روحي وسافري وغيري جو واطلعي من مود الفشل
وفعلا سافرنا لدبي وكنت حاطه في بالي ان ماراح نصرف الا ٥ الاف او ١٠ بالكثير وببقي لي ٢٠ الف عشان لو بسوي عملية ثانية بعد فترة
المهم ..
سافرنا والله يا بنات من ثاني يوم بالسفر وبالاوتيل يطيح بدورة المياه ويدوخ ويغمى عليه والضربه جت في ظهره
تخيلو سفر وانا لحالي معه والرجال طايح مغمى عليه وكان يصرخ قبلها
مدري وشلون دقيت ع الاسعاف ومدري وشلون نقلوه للمستشفى وربي الروعة فيني لحد الان وكأنه حلم او عفوا كابوس
قالو عنده كسر بالظهر وتعرفون الامارات غالية مره صرفت ال ٢٠ الف كلها بالمستشفى عندهم وطلبت سلفيات من خواتي وتبهذلت
ومع كذا ما ذرفت عيوني ولا دمعه
رجعنا للرياض و زوجي من يومها ما داوم طبعا لأن الكسر مازال موجود بظهره
نفسيته تدمرت زيادة اقسم بالله يا بنات انه ينام بالصاله بعيد عني ما يبغى حتى يناظر وجهي
ومع كذا ما ذرفت عيني ولا دمعه
اعتنيت فيه جت ايام يا بنات ما القى بقالة توصل لي الخبز .. صرت انا الحرمه والرجال بالبيت اشيل حتى دبات الموية والغاز واطلع الزبالة تكرمون بالشارع
وفوق هذا كله مشاويري صارت باوبر وكريم زيادة مصاريف فوق المصاريف
ومع كذا صمدت واحتسبت الاجر ورجعت المجمد ولكم انكم تتخيلون الضغط النفسي والعصبي
صدقوني بنات الألم اللي حسيته بفشل عملياتي ما يجي جزء من ميلون جزء من الألم اللي حسيته بتعب زوجي وصده عني
ومع كذا ارجع واقول ما ذرفت عيني ولا دمعه
سامحوني بنات هي فضفضه حبيت اسولف لكم فيها واعلمكم بأن ألم فشل العملية ما يسوى شيء عند ألم مرض عزيز وحتى صده عنك .. ولازم انتي اللي ترعينه وترفعين حتى الفنجال والبيالة له
يحس بالعجز وأنه مقصر ويرددها دائما انا ظلمتك معي
وارجع اقول بنفسي اللهم لك الحمد والشكر على كل حال
عندي امل بالله كبيرررر ان الله بيرزقني ويرزقكم
تفائلو عمر البكاء ما يفيد .. احمدو رب العزة والجلال والإكرام انه انعم علينا بالصحة والعافية
وتأكدو ان ربي ما يضيع تعب احد وان كل شيء باجره
سامحوني ان طولت عليكم .
ودمتم بود جميعا 💜