Lzon :

يالله ياشمووعي الله يعوووضك عوضاا تعجزين عن شكره مابعد الضيق الا الفرج وبإذن الله ربي بيجازيك على صبرك وبالعكس ابكي وفضفضي لاتخلين شي بقلبك واجهي زوجك وقوليله الصد مو حل لازم يساعدك ويدعمك حتى لو معنوي اكبر دعم ومساعده هو الزوج وهذا يأثر كثيييير بالنفسية لاتحملين نفسك فوق طاقتها فالنهاية انتي بشر ولك قدرة تحمل الله يجبر كسرنا وألمنا ويرزقنا الذرية الصالحة ياااارحمن يارحيم

يالله ياشمووعي الله يعوووضك عوضاا تعجزين عن شكره مابعد الضيق الا الفرج وبإذن الله ربي...

Omحبيبة :

يسعد صباحكم امهات المستقبل القريب باذن الله 💜 امس كنت اسولف مع وحده من صديقاتي ماشاءلله تبارك الله هذي الإنسانه ماقد سمعتها تشتكي. دايم سواليفها حلوه عن المكيب والفاشن والرياضة والاشياء الحلوه بالحياة كنت قبل احس انها ماعندها هموم ولا مشاكل وحياتها ورديه صار امس والتقيت فيها طبعا بما اني بمرحلة توتر محتاجه احد يلطف الجو عندي ويخليني افك شوي من دوامه الحمل وكذا قمت سألتها قلت فلأنه شلون اذا ابي شي يصير اخليه يصير قالت لا تتعلقين فيه ! قلت شلون يعني قالت تعاملي معه عادي اذا جاء اهلًا وسهلا ماجا فيه أشياء حلوه كثير بتجي قالت تعرفين اهم شي عشان يجيك الشي الحلو اللي تبينه تصير مشاعرك سعيده تكونين سعيده من جوا ولا ماتفكرين الا بكل شي حلو وسعيد وتفكرين بالشي اللي تبينه بشكل حلو فكري فيه وتخيليه صدق كنك عايشته وانتبهي تجيك فكره سلبيه ولا تشكيك ترا كل هذا يخرب عليك وشوفي حولك الأشخاص السلبيه دايم مشاكلهم مانخلص ومن مشكله كبيره ل اكبر منها والناس الإيجابية من نجاح لثاني فعلا صح حولي ناس كذا ايجابيه وسعيده وتتكلم عن المستقبل بسعاده وجاذبين كل شي حلو ماشاءلله وناس كئيبه وتتكلم دايم بالمشاكل والامراض وهم اكثر ناس تجيهم الأمراض والهموم وسألتني انتي كيف تستعفرين ! قلت عادي مثل كل الناس أكرر الاستغفار قالت تستشعرين ذنوبك اللي سويتيها عشان ربي يغفر لك قلت لا قالت تكرارك للاستغفار والحوقلة بدون استشعار ماتجيب لك فايده انتي كذا مثل البغبغاء يردد وبس استشعري كل ذنب صغير وكبير تعرفينه وماتعرفينه عشان يصير لك الاجر والفائدة من الاستغفار والذكر قالت لي اهم شي قبل النوم و اول ماتفتحين عيونك تخيلي الشي اللي تبينه عيشيه كنه صار وصدقيني بيجي لا وبيجي معه كل شي حلو عطتني مثال لوحده دايم تقول انا اكل كل شي ولا أسمت مستحيل أسمن فعلا ماعمرها زادت كيلو رغم انها تاكل كل شي هي غير الناس ولا جسمها غير ؟ لا بس هي أقنعت عقلها الباطني بفكرتها وصارت لها مثل اللي تبدأ بالحقن وهي مشككه بالنجاح ولا تنجح عمليتها اغلب البنات اللي نجحت عملياتهم كانو يقولون جاني شعور اني حامل من اول لحظه بالترجيع طيب هو صار شي غير اللي دايم لا ماصار بس الفرق هي أقنعت عقلها انها بتنجح ونجحت خلونا نكون ايجابين ولا نفكر بالفشل ولا نفكر بشي سيى ولا بالامراض ولا بعدين وش بيصير فكرو انا بكون ام قريبا وطفلي بيكون ذكي جدا خلونا نبطل نكتب أشياء سلبيه ونقرأ مواضيع سلبيه ومشاكل وامراض لانجذب السيى فنانين حنا بجذب المشاكل والطاقه السلبيه طيب نحط جهدنا ونجذب النجاح والحياه السعيدة مو صعبه ابد الحياه بتنتهي معنا عيال ولا بدونهم ونبي نكبر ونشيخ لاتضيع سنين حياة الشباب بالتعاسه اسعدو وانبسطو وتفائلو بالخير ويجيكم الخير

يسعد صباحكم امهات المستقبل القريب باذن الله 💜 امس كنت اسولف مع وحده من صديقاتي ماشاءلله تبارك...

شموعي أنا :

مجرد فضفضه .. قبل ما اسوي عمليتي الأولى اخذت قرض قيمته حوالي ٥٠ الف قرض وجمعيه ولازم اسددها خلال سنتين فقط زوجي على قد حاله يعني تقريبا انا اللي اصرف ع البيت لأن راتبه يسدد فيه قرضه وايجار الشقه اللي احنا فيها تخيلو فشلت العملية الاولى وجتني ضيقه ما يعلم بها الا رب العالمين مع كذا ما ذرفت عيني ولا دمعه وصبرت وكتمت .. كنت اضحك بوجه زوجي وابين انه ما اثر فيني هالشيء لأن السبب منه هو ولا ابغى اجرحه خاصة ان نفسيته دمااار بسبب انه ما يقدر الا على تسديد ايجار الشقه من كثر الديون اللي عليه قلت بنفسي يا بنت باقي عندك من فلوس القرض حول ٣٠ الف روحي وسافري وغيري جو واطلعي من مود الفشل وفعلا سافرنا لدبي وكنت حاطه في بالي ان ماراح نصرف الا ٥ الاف او ١٠ بالكثير وببقي لي ٢٠ الف عشان لو بسوي عملية ثانية بعد فترة المهم .. سافرنا والله يا بنات من ثاني يوم بالسفر وبالاوتيل يطيح بدورة المياه ويدوخ ويغمى عليه والضربه جت في ظهره تخيلو سفر وانا لحالي معه والرجال طايح مغمى عليه وكان يصرخ قبلها مدري وشلون دقيت ع الاسعاف ومدري وشلون نقلوه للمستشفى وربي الروعة فيني لحد الان وكأنه حلم او عفوا كابوس قالو عنده كسر بالظهر وتعرفون الامارات غالية مره صرفت ال ٢٠ الف كلها بالمستشفى عندهم وطلبت سلفيات من خواتي وتبهذلت ومع كذا ما ذرفت عيوني ولا دمعه رجعنا للرياض و زوجي من يومها ما داوم طبعا لأن الكسر مازال موجود بظهره نفسيته تدمرت زيادة اقسم بالله يا بنات انه ينام بالصاله بعيد عني ما يبغى حتى يناظر وجهي ومع كذا ما ذرفت عيني ولا دمعه اعتنيت فيه جت ايام يا بنات ما القى بقالة توصل لي الخبز .. صرت انا الحرمه والرجال بالبيت اشيل حتى دبات الموية والغاز واطلع الزبالة تكرمون بالشارع وفوق هذا كله مشاويري صارت باوبر وكريم زيادة مصاريف فوق المصاريف ومع كذا صمدت واحتسبت الاجر ورجعت المجمد ولكم انكم تتخيلون الضغط النفسي والعصبي صدقوني بنات الألم اللي حسيته بفشل عملياتي ما يجي جزء من ميلون جزء من الألم اللي حسيته بتعب زوجي وصده عني ومع كذا ارجع واقول ما ذرفت عيني ولا دمعه سامحوني بنات هي فضفضه حبيت اسولف لكم فيها واعلمكم بأن ألم فشل العملية ما يسوى شيء عند ألم مرض عزيز وحتى صده عنك .. ولازم انتي اللي ترعينه وترفعين حتى الفنجال والبيالة له يحس بالعجز وأنه مقصر ويرددها دائما انا ظلمتك معي وارجع اقول بنفسي اللهم لك الحمد والشكر على كل حال عندي امل بالله كبيرررر ان الله بيرزقني ويرزقكم تفائلو عمر البكاء ما يفيد .. احمدو رب العزة والجلال والإكرام انه انعم علينا بالصحة والعافية وتأكدو ان ربي ما يضيع تعب احد وان كل شيء باجره سامحوني ان طولت عليكم . ودمتم بود جميعا 💜

مجرد فضفضه .. قبل ما اسوي عمليتي الأولى اخذت قرض قيمته حوالي ٥٠ الف قرض وجمعيه ولازم اسددها خلال...

شموعي أنا :

مجرد فضفضه .. قبل ما اسوي عمليتي الأولى اخذت قرض قيمته حوالي ٥٠ الف قرض وجمعيه ولازم اسددها خلال سنتين فقط زوجي على قد حاله يعني تقريبا انا اللي اصرف ع البيت لأن راتبه يسدد فيه قرضه وايجار الشقه اللي احنا فيها تخيلو فشلت العملية الاولى وجتني ضيقه ما يعلم بها الا رب العالمين مع كذا ما ذرفت عيني ولا دمعه وصبرت وكتمت .. كنت اضحك بوجه زوجي وابين انه ما اثر فيني هالشيء لأن السبب منه هو ولا ابغى اجرحه خاصة ان نفسيته دمااار بسبب انه ما يقدر الا على تسديد ايجار الشقه من كثر الديون اللي عليه قلت بنفسي يا بنت باقي عندك من فلوس القرض حول ٣٠ الف روحي وسافري وغيري جو واطلعي من مود الفشل وفعلا سافرنا لدبي وكنت حاطه في بالي ان ماراح نصرف الا ٥ الاف او ١٠ بالكثير وببقي لي ٢٠ الف عشان لو بسوي عملية ثانية بعد فترة المهم .. سافرنا والله يا بنات من ثاني يوم بالسفر وبالاوتيل يطيح بدورة المياه ويدوخ ويغمى عليه والضربه جت في ظهره تخيلو سفر وانا لحالي معه والرجال طايح مغمى عليه وكان يصرخ قبلها مدري وشلون دقيت ع الاسعاف ومدري وشلون نقلوه للمستشفى وربي الروعة فيني لحد الان وكأنه حلم او عفوا كابوس قالو عنده كسر بالظهر وتعرفون الامارات غالية مره صرفت ال ٢٠ الف كلها بالمستشفى عندهم وطلبت سلفيات من خواتي وتبهذلت ومع كذا ما ذرفت عيوني ولا دمعه رجعنا للرياض و زوجي من يومها ما داوم طبعا لأن الكسر مازال موجود بظهره نفسيته تدمرت زيادة اقسم بالله يا بنات انه ينام بالصاله بعيد عني ما يبغى حتى يناظر وجهي ومع كذا ما ذرفت عيني ولا دمعه اعتنيت فيه جت ايام يا بنات ما القى بقالة توصل لي الخبز .. صرت انا الحرمه والرجال بالبيت اشيل حتى دبات الموية والغاز واطلع الزبالة تكرمون بالشارع وفوق هذا كله مشاويري صارت باوبر وكريم زيادة مصاريف فوق المصاريف ومع كذا صمدت واحتسبت الاجر ورجعت المجمد ولكم انكم تتخيلون الضغط النفسي والعصبي صدقوني بنات الألم اللي حسيته بفشل عملياتي ما يجي جزء من ميلون جزء من الألم اللي حسيته بتعب زوجي وصده عني ومع كذا ارجع واقول ما ذرفت عيني ولا دمعه سامحوني بنات هي فضفضه حبيت اسولف لكم فيها واعلمكم بأن ألم فشل العملية ما يسوى شيء عند ألم مرض عزيز وحتى صده عنك .. ولازم انتي اللي ترعينه وترفعين حتى الفنجال والبيالة له يحس بالعجز وأنه مقصر ويرددها دائما انا ظلمتك معي وارجع اقول بنفسي اللهم لك الحمد والشكر على كل حال عندي امل بالله كبيرررر ان الله بيرزقني ويرزقكم تفائلو عمر البكاء ما يفيد .. احمدو رب العزة والجلال والإكرام انه انعم علينا بالصحة والعافية وتأكدو ان ربي ما يضيع تعب احد وان كل شيء باجره سامحوني ان طولت عليكم . ودمتم بود جميعا 💜

مجرد فضفضه .. قبل ما اسوي عمليتي الأولى اخذت قرض قيمته حوالي ٥٠ الف قرض وجمعيه ولازم اسددها خلال...