الجواب يا قلبي .
١ . الفيتامينات الكل عارف ان كان عندي نقص حاد في فيتامين دال وفيتامين ب ١٢ واخذ ادوية لها من راسي ما كتب لي اياها الدكتور بندر .
امس الدكتورة دلال سألتني سؤال مباشر هل عندك نقص في الفيتامينات ؟ وهذا الشيء عجبني لأن لا بندر ولا الشهراني ركزو فيه .
قلت لها عندي نقص في دال وبي ب١٢ واخذ لها هذي الأدوية . قالت يفضل انك ما سويتي السحب الا وانتي قبل ماخذه أبر ترفع فيتامين ب١٢ النقص الحاد ما ينفع معه حبوب . اقنعتني بحرصها على جودة البويضات قبل السحب .
٢ . ان شاء الله قبل ما اسوي العملية بشهر بتسوي المنظار الرحمي والتحفيز بنفس الوقت .. بعملية وحده .
٣ . اللي قال بندر اتفقت معاه بأشياء واختلفت بأشياء وحتى باللي قاله الدكتور صالح ..
قالت مافيه احد يقدر يحكم تماما على السبب من الزوج والا الزوجه الا بتحليل الكروموسومات يعني اختلفت عنهم بكلام منطقي جدا .
وقلت لها عن الكليمين كان ٤ حبات معطيني بندر وصدمتني قالت كانت بطانتك فقط ٧
وبندر ما جاب لي طاري ان بطانتي ٧ عطاني كليمين وبس . وهذا الشيء برضو كبرها بعيني دقتها بكل شيء .
٣ . المنظار حمستني له لكن تحليل الاجسام المضادة قالت هو انواعه كثيررررة ومكلفه تحاليلها وعلاجها رخيص وما يضر . نفس كلام بندر بهالنقطة .
٤ . اليوم ان شاء الله باخذ اشعتي وتحاليل هرمون الحليب وتحليل الغدة من مركز بنون واوديها لها بتشوف اشعتي بالأول بعدين تحكم اخذ المارفلون والا لا
اليوم خامس يوم من الدورة
صفقو لي عاد
ابغى تصفيق حار لأجوبتي السنعة
🤗
الجواب يا قلبي .
١ . الفيتامينات الكل عارف ان كان عندي نقص حاد في فيتامين دال وفيتامين ب ١٢...
الحمدلله حمدا يليق بجلال وجهه وعظيم سلطانه
ربي اكرمني واجزل علي العطاء باربع اطفال ربي يرزقني برهم ويجعلهم من خيرة شباب المسلمين
كان دكتوري وقتها سعد الدين قناوي
بعدها نقل
ولقيت بداله وايل او غزاله واخترت وايل لان غزاله ما تتكلم عربي
من ٣ محاولات مع وايل نجحت الاخيرة الحمد لله بس قدر الله ووصلت للسابع وولدت بسبب نزول المشيمه والنزيف وتوفي الجنين بعد ٦ ايام
ربي يجعله شفيع لي ولابوه
ويحفظ لي اولادي ويكفيهم كل شر ياارب
ما غيرت المركز من ١٢ سنه لاني ارتحت فيه وملفي كامل فيه وكمان عندي وانا اكره السفر والهجوله يكفيني تعب التجربه نفسها من غير ان زوجي اجاازاته صعبه مرة
عشان كذا قررت عدم التغير
طبعا انا ما جربت القسم الخاص بالذكورة بحكم ان زوجي ولله الحمد سليم عشان كذا ما اقدر اقول رائي فيه
بس كثير اشوف حوامل ماشاء الله ربي يثبت لهم
وانتي شوفي كمان من خلال تجربتك لو ارتحتي كملي لو ما ارتحتي غيري