المتفائلة بالعظيم :

عمري ٣٧ والسونار سويته عنده الشهراني وثالث يوم دوره .. وقال فيه بويضات بس ياختي التحليل فيه هرمون مرتفع يقول مايتوافق تحليل الدم مع الاشاعه قلت له يمكن فارغات قال لي خليني اسحبها واشوف ولا عطاني فيتامينات ولا شي وانا طلعت ونسيت اقول له 😩

عمري ٣٧ والسونار سويته عنده الشهراني وثالث يوم دوره .. وقال فيه بويضات بس ياختي التحليل فيه هرمون...

شموعي أنا :

اليوم عندي لكم حكاية .. بقولها لكم لعلكم تستفيدون الله يسعدها من شارت علي اسأل المختبر عن وضعي لأني عرفت السالفه وارتحت وهذي مغامرتي اسردها لكم من الصباح وأنا أدهر بسم الله علي توجهت بالبداية الى مختبر الحبيب الريان وطلبت منهم تقرير عن حالة اجنتي والحيوانات المنوية تبع زوجي وشرحت لفني المختبر مشكلتي .. بأن الدكتور بندر يقول السبب بالحركة والدكتور صالح بن صالح يقول بالعكس كل شيء سليم عنده قلت للرجال عدني اختك واشرح لي علما بأنه موهدفي ابدا ان اتصيد على الدكتور بس فعلا شيء يحير اختلاف الرأي بينهم وكلهم ما شاء الله لهم سمعتهم وشاطرين واشهر من النار ع العلم وأنا اسأل لسبب اني في حيرة اتخاذ قرار بالعملية المقبلة اسويها فرش والا من المجمد 🤗 طبعا أنا في قرارة نفسي عارفه ان الفرش افضل بس حبيت اعرف التفاصيل منه قال لي يا اختي اول ما فتحنا انبوب الحيوانات المجمدة اتضح لنا انها معدومة الحركة . وهذا الشيء كاتبينه بالتقرير اللي احنا عطيناك اياه بنفس يوم التسليم قلت له طيب فسر لي ان الاجنة طلعت من الدرجة الاولى والثانية ؟ لأن الدكتور صالح يقول ان كل شيء سليم قال احنا اخترنا ونقينا الأفضل منهم ولقحناه وتلقحت وانقسمت . لكن مقدر اجزم انها سبب في الانغراس أو عدمه لأن ممكن تكون اسباب ثانية مثل درجة البطانه او عمر الزوجه الخ الخ المهم صارت النتيجة ٢ لصالح بندر ومختبر الريان ضد ١ اللي هو الدكتور صالح مخي انا اشتغل الا وأحلف يمين اني اروح لمختبر العليا وانفضهم وياالله يا الله قابلتني وحده قد ما أقول انها رائعه فهي قليلة بحقها اجنبيه شكلها وفهمتني بطريقة راااائعة قالت لي حرفيا أن الحيوانات المنوية المستخرجه اذا كانت بسبب الانسداد فورا نجمدها ولا نحط عليها المادة اللي تحركها لأنها جاية عن طريق عملية فما نبغى نعطيها أي فرصة بأنها تتلف وبما انها مستخرجه من انسجة الخصية تجينا للمحتبر ما بعد تحركت ونجمدها لذلك ينكتب بالتقرير معدوم الحركه .. وبالتالي يجي دور اللي بيفتحها انه يضيف المادة اللي تخليها تتحرك وهذا الشيء طبيعي يكون دور مختبر الريان والواضح انهم فعلا اضافو المادة بدليل انها صارت بالدرجة الاولى والثانية لكن التقرير اللي قرأه الدكتور بندر وحتى محتبر الريان واللي مكتوب فيه معدوم الحركة قبل ما يضيفون له المادة والأدوية سألتها تنصحين فرش والا مجمد وهل تضعف بالتجميد وكم النسبة اذا تضعف ؟ قالت فرق ٣٠ بالمية يعني الفرش أفضل بنسبة ٣٠ بالمية كمان استلمت تقرير العملية من قسم التقارير الطبية والخطوة الجاية ان شاء الله بفكر فيها . الخلاصة .. ان محد فيهم غلطان بندر اعتمد على تقرير المختبر والمختبر اعتمد على تقرير الحبيب العليا وحبيب العليا جمدو قبل الأدوية وليس بعدها وتوته توته خلصت الحدوته

اليوم عندي لكم حكاية .. بقولها لكم لعلكم تستفيدون الله يسعدها من شارت علي اسأل المختبر عن وضعي...

شموعي أنا :

يااااارب بكره نسمع منك احلى خبر وربي ادعي لك من كل قلبي

يااااارب بكره نسمع منك احلى خبر وربي ادعي لك من كل قلبي

Lzon :

يااحبييييلك امييين الله يجزاك خييير الله يرزقك اضعاف ماتتمنين يارب ويرزقك الذرية الصالحة عاجلا غير اجل شموعي خلي زوجك يرجع يحلل السائل واذا يقدر يسوي حجامه قريت كم قصه ازواجهم صار عندهم حيوانات منوية بعد ماسوو عملية المسج المجهري

يااحبييييلك امييين الله يجزاك خييير الله يرزقك اضعاف ماتتمنين يارب ويرزقك الذرية الصالحة...

Omحبيبة :

اي والله مره مريحه ورفضت تسحب لي او تسوي اي شي قالت حرام اخسركم وانتظرت الى بعد دوامها وقالت اول مايتصلون بجي اقولك لكن حمدالله أوقات اقول يمكن لو طلع مع زوجي حيوانات ورجعت اجنه ولا صار حمل يمكن بنهار أكثر ماندري لعل الله يحدث بعد ذلك أمر الدكتور قالي حيوانات موجوده لكن غير مكتمله وهذا سبب طبي مجهول وغالبا اللي هذي حالتهم يصير انتاج طبيعي بعد المسح المجهري ياااارب تصدقون يابنات اول ماخذت الخبر وكلمتني ام زوجي تطمن عصبت عليها وكانت تواسيني تقولي فلأنه جلسو سبع سنوات وفلانه مدري كم بما اني له سنه ونص متزوجه قلت لها ماراح اصبر سبع سنوات وخلي احذ يجي يجلس معه من اخوانه انا نفسيتي تعبانه مسكينه رحمتها سكتت ما تكلمت قالت الله يرزقكك ويعوضك خير بس والله غصب عني صليت العصر وجلست ادعي وأتذكر الآية ( وفِي السماء رزقكم وماتوعدون) قلت الحين انا مستعجله ابي يلقون مع زوجي حيوانات ولو سويتها وفشلت وش بسوي ولو نجحت وحملت وأجهضت وش بسوي فجاءه نزلت علي سكينه رهيبه وقلت يمكن احمل طبيعي وربي رحمني من تعب الانتظار و نفسية الفشل وقلت الحمدالله على الأقل الحيوانات عند زوجي ماهي مكتمله والخلايا موجوده والهرمونات طبيعية وكل شي طبيعي غيري الخلايا ماهي موجوده وامور مالها علاج ولا امل حمدالله على كل حال حمدالله على الابتلاء استودعتكم الله خلصت مهمتي في هالتجمع الله يبشركم جميعا بثبات أجنتكم باذن الله ابشركم عن أحوالي اذا صار فيه تطورات

اي والله مره مريحه ورفضت تسحب لي او تسوي اي شي قالت حرام اخسركم وانتظرت الى بعد دوامها...