يسعد صباحكم

الله يبارك فيكم كل وحده باركت لي وربي يرزقكم الحمل التام
ونفرح فيكم في القريب العاجل يارب


بالنسبه الي تسأل عن التحميله
انا مفروض احطها الساعه ٦ ونص الصباح وموعد الترجيع كان ٩ بس ماحطيتها خفت من الافرازات ماتخلي الدكتور يشوف كويس،قلت حق الدكتور اني ماخذتها قال لي اذا وصلتي البيت اخذيها و تبدأين تستمرين على الوقت الجديد


وبالنسبه الي تسأل عن ألم العمليه
بعد السحب بتحسين بمغص في البطن طلبي منهم يعطونك ابر مسكن ومابعدها راح ترتاحين ولا راح تحسين في حاجه واهم شي كثري شرب ماي
ويوم الترجيع الالم جداً خفيف بس اهم شي استرخي لانه اذا شديتي مو زين لك ولا حق الدكتور ،انا في غرفه العمليات كنت بس افكر انه هالالم راح يخليني ام فصرت ابتسم واسترخي


وبالتوفيق للجميع

◾️جوده البويضات مرتبطه بجودة إبر التنشيط عشان كذا لازم اخذ إبري من صيدليه مركز اطفال الانابيب مو اي صيدلية .
🔴 ممنوع أدوية صيدليه النهدي 🔴
ولازم نحفظها بارده و بعيده عن الضوء و الحراره .
هذي الأشياء تساعدنا في التنشيط وخاصةً مع ضعاف التبويض أو السن فوق ٣٨ .
أيضاً الجلوكوفاج و الداهيا تخلي نمو البويضات واستجابتها بدل ما هي ٧٠% تصير ١٠٠%
بس ما نأخذهم إلا بعلم دكتوري اللي بينشطني عشان يعرف يقدر الجرعه و ما تجي وحده عندها تكيسات و تاخذهم هنا رح تحصل لها مصيبه .
أهم شي :
كل ادويتي تحت اشراف دكتوري والأهم أكون ماخذتها من صيدلية تابعة لمركز أنابيب مو أي صيدلية .
( هذي المعلومه تكررت كثير احرصو عليها )

◾️ربنا قدر ان العملية تفشل نقول الحمدلله ، لكن فيه قاعده تقول : كل ألف حاله تعمل انابيب (حقن مجهري) لأول مرة نسب نجاهم تقريبا ٤٠ ٪؜
لكن بالمقابل كل ألف حاله بتعمل العمليه للمره الثانية أو الثالثة نسبة نجاحهم تكون ٦٠ ٪؜ أو أكثر ، وذلك لأنه قد تم التعرف على أصل المشكلة والعقبات في أول عمليه و بالتالي ثاني عمليه سيتم تعقب المشكله و محاوله تفاديها .
الفشل أنواع :
1️⃣ ضعف تبويض ( يكون إنتاجي للبويضات قليل أو ضعيف أو استجابتي ضعيفة )
2️⃣ فشل إخصاب .
3️⃣ فشل إنقسام .
4️⃣ فشل نمو .
5️⃣ فشل تطور أو وصول لليوم الخامس .
6️⃣ فشل إنزراع .

◾️ أولاً : فشل التنشيط أو فشل الاستجابة خاص بالمبيض نفسه وهذا بيكون في السن المتقدم عادةً بعد ٣٨ بيبدا يقل يشكل كبير ونقدر نساعد بالجلوكوفاج او الداهيا و طبعاً زياده جرعة الهرمون أو إبر التنشيط . كيف اساعد نفسي ؟ انزل وزني لأن هالشي رح يقلل تكلفة الابر علي ويساعد في استجابة المبايض للابر . طيب أموري تمام وماحصل استجابة كويسة ؟ على طول بهالحالة نلاقي الدكتور مزود أيام التنشيط لأكثر من ١٠ أو ١١ يوم وهالشي عادةً مرتبط بضعف إبر التنشيط . المشكلة ماتكون في الجرعة لكن تكون في الجودة عشان كذا سبق التنبية ان الأدوية تكون من مركز أطفال أنابيب عشان هذي المشكلة .لكن بالعموم جميع الإبر نفس المفعول ، نفس النشاط ، نفس الإنتاج ، وقله من المرضى اللي تستجيب لنوع معين عن الثاني ، أيضاً طرق التنشيط الطويل أو القصير ما تفرق طالما إن الاستشاري متمكن . طيب أنا مخزوني قليل واستجايتي ضعيفه ؟ ما لها حل غير الحقن المجهري وتكون جرعة التنشيط عاليه و أصبر لأنها بتكون ضربة حظ . و فيه عيب ثاني للسن أكثر منها ضعف التبويض إنه كل ما زاد السن تبدأ البويضات تهرم وهذا بيقلل فرص إنتاج أجنة طبيعية وبالتالي يقل التخصيب أو النمو أو الإنغراس ، يعني حكمة ربنا أن في السن المتقدم يضعف التبويض ليمنع الحمل بأطفال عندهم اختلالات كروموسومية .فيه قله من النساء تحمل طبيعي أو حقن مجهري بعد سن ٤٥ لكن هالشي هبه من الله ما نقدر نعمم الاستثناءات .

◾️هل فيتامين E يعتبر مضاد اكسده ؟
نعم ، مضادات الأكسده هي :
فيتامين E
فيتامين C
الزنك Zinc
الرويال جيلي Royal jelly
إل كارنتين L-Carnitine
السيلينيوم Selenium
كيوتن Q10
الكروم Chromium
البيروكسيد Proxeed
يفضل استخدام ال كارنتين او فيتامين اي و يتوقف الرجل عن التدخين و ينزل الوزن لان التدخين وزياده الوزن تهلك مضادات الاكسده .