حبيبتي هنو الله يعوضج عوض الصابرين الله يكتب اجرج ولا يحرمج الله اذا احب العبد ابتلاه مأجوره باْذن الله ما أصاب المؤمن من هم ولا غم ولا حزن حتى الشوكة يشاكها إلا كفر الله من خطاياه
تعبج ماراح عالفاضي كل شي بأجره ادري انه هالشي متعب نفسياً اكثر من التعب الجسدي وأدري انه هالشي صدمة فضفضي ابكي طلعي اللي في خاطرج
بس الحمدلله دامج عرفتي السبب عالجيه اصبري وتكفين اقري سورة يوسف واقري قصة سيدنا أيوب قعد 18 سنه في البلاء وهو نبي
تدرين المشكلة وين انج يتاخر حملج وماتعرفين وشو السبب عندج انا والله مافيه اَي سبب يمنع حملي تاخر حملي بدون اَي أسباب ماعرفت علشان أعالج نفسي واحمل طبيعي بقولج مغامراتي مع تاخر الحمل بعد اول دوره من الزواج رحت الدكتوره وقلت ابي اكشف وكشفت وطلع عندي تبويض وأموري في السليم سويت تحاليل وكلها طبيعيه الحمدلله وكل شهر اروح اشوف التبويض وكله تمام ويحددون أوقات وش يسمونه 🤭ويصير واشتري التحليل قبل موعد الدوره لاعت جبدي كل شهر على هالموال اخر شي قررت اشتري تست التبويض ومراقبه تبويض وسالفه أكلت عسل شربت شغلات من عند حريم شي الصبح وشي المساء وشي على فكة الريق رحت رقاه حتى السعوديه رحت لها لين صار لي عشر شهور رحت طب الام والجنين حولوني على عياده الفيتو ميترنال عند دكتوره عراقيه عطتني كلوميد والحمدلله صار استجابه واستجابة ممتازه وخذيت إبرة تفجيريه وماصار حمل كورس الكلوميد خذيته مرتين وماصار حمل وخلاص قررت اوقف سويت أشعة صبغه والحمدلله سلميه رحت لحريم يمسدون ومسدت وماصار حمل وسويت كاسات هواء ودفعت الأولي والتالي ابي ريحة بيبي وربي ماراد لي احمل لين كملت سنتين وتعالي شوفي كلام الناس الله يشغلهم بأنفسهم اللي تجيني تقول آكلي بعد قفشة اختج اذا ولدت واللي تقول بعد الجماع لاتقومين وغيره سوالف مالها دااااااعي ومن غير الأسئلة السخيفه منج ولا منه اعتزلت الناس خلاص مابي أشوفهم حسبي الله وكفى قررت الجىء بعد الله للحقن وكان زوجي راااااافض رفض قطعي فكرة الحقن قال لو ماصار طبيعي خلاص راضيين المهم بعد معركة داحس الغبراء سويتها وقال لو ماصار خلاص اخر مره وقدر الله انها ماتنجح العملية ونزلت علي الدوره ايّام الانتظار متخيله والله العظيم انزلت قبل ماوقف حتى المثبتات كانت صدمه وبعد الفشل رحت للدكتور يقول كلشي كان ممتاز والاجنه. انقساماتها كان ممتازه كانوا ثلاث اجنه وكل جنين كان ثمان خلايا يعني حتى الانقسام أتوقع مانقسمت يوم رجعوهم والله كني ماسويت شي كان الهرمون 0.01 وقال بعد ثلاث دورات نعيد التجربة تخيلي بعد شهرين جيته ابي خلاص اقرر الدوره الجايه اني أعيدها قال نسوي فحوصات سوينا وكل شي سليم قال يلا نبداء كانت ثاني دورة بعد الفشل قلت لا مب مستعده وأجلتها جيتها شهر مارس طلع عندي هرمون أف اس اتش طاير وانا ولله والحمد ماكنت اشتكي منه عطاني حبوب منع الحمل جيته بعد شهر طلع للحين مرتفع وعطاني برجيلتون الحبة البيضاء وبعد ست ايّام وانا استخدم العلاج نزلت الدوره ورحت وطلع تمام واعدتها وبفضل رب العالمين نجحت
العمليات كلنا ندري انها مابين نجاح وفشل وأدري بعض الأحيان الدكاتره يتصرفون تصرفات تقهر بس اللي علينا نوكل امرنا لله ونستودعه دعواتنا
غريزة الأمومة شي يستاهل ان احنا نتعب علشانه
إنتي اللحين ريحي اذكري الله ورتبي امورج للخطوة الجايه شوفي علاجج عالجي المشكلة بالأول سوي منظار اذا بتسوينها في خاص عندج اسامه والله مب دعايه ترا هو استشاري مناظير وللأمانة وايد يهتم ولو طلبتي اَي شي يسويه واذا بتسوينها في مركز المرأة الله يسهل لج يارب
يارب تحملين طبيعي بدون عمليات ان شاءالله
آسفة عالاطاله والسموحه لأني كلامي مب مرتب
حبيبتي هنو الله يعوضج عوض الصابرين الله يكتب اجرج ولا يحرمج الله اذا احب العبد ابتلاه مأجوره...
بنات اللي عندها فكره عن فيتامينات بريجيناكير ماتضر استخدمها بالشهور الاولى الدكتور كاتبها ليا بس شفت كثير يقولو ماتنفع بالشهور الاولى غير فوليك الاسد